Кириш Регистрация

STD.UZ/BUNYODKOR

Бунёдкор

  • Тўлиқ номи:
  • Бош мураббий:
  • Лақаби:
  • Жамоа сардори:
  • Ташкил топган:
  • Бош ҳомий:
  • Стадион:
  • Расмий веб-сайт:
  • Сиғими:
  • Клуб формаси:
  • Клуб президенти:

Клуб хабарлари

На «Анжи» ва на «Бунёдкор»да. Достон Ҳамдамов қаерда?

Бир футболчининг бир жамоадан бошқа жамоага кўчиб ўтиши, футбол тили билан айтганда, «трансфер» қилиниши табиий ҳол. Айниқса, гап ўзбекистонлик футболчининг кучлироқ чемпионатга ўтиши ҳақида кетганда, буни барча катта хурсандчилик ва мамнуният билан қарши олади. Таркибида айнан ҳамюртимиз тўп сураётгани учун ҳам ўша жамоага мухлислик қиладиган ишқибозлар ҳам истаганча топилади. Ўз вақтида «Динамо Киев», «Анжи», «Краснодар» жамоаларига, бугунги кунда ва Москванинг «Локомотив» клубига худди шу сабаб билан мухлислик қилаётган юртдошларимиз сероблигини ҳеч ким инкор этмаса керак.

Яқинда «Бунёдкор» футболчиси Достон Ҳамдамов Махачқалъанинг «Анжи» клуби сафига бориб қўшилгани ҳақида хабарлар тарқалди. Аммо воқеалар ривожи бу сафар сал бошқачароқ.

Ҳамдамовнинг рус клубига ўтаётганини биринчилардан бўлиб «championat.asia» ёзди. Сайт бу хабардан «шокка тушганини» билдириб, «Бунёдкор»дан сўроқсиз кетган Ҳамдамовни «тузлуққа тупурмасликка» чақирди. Кейинчалик бу хабар сайтдан ўчириб ташланган бўлса-да, воқеанинг барча тафсилотлари турли сайтларда батафсил ёритилди.

Кейинчалик маълум бўлдики, Достон аслида «Анжи»га қочиб кетмаган, балки Махачқалъа клуби «Бунёдкор»нинг шартларига тўла рози ва футболчи трансферини харид қилади. Футболчининг отаси берган маълумотга кўра, ўғли «Анжи» билан 1,5 йиллик шартномага қўл қўйган ва бу Достон учун муҳим қарор.

Аммо 1 март куни «Kun.uz»да «Бунёдкор» раҳбарларининг ушбу можароли трансферга билдирган изоҳи эълон қилинди. Унда айтилишича, ҳақиқатдан ҳам «Анжи»дан футболчи ҳақида хат келган. Ҳамдамовнинг шартномасида трансфер нархи 300 минг евро этиб белгиланган. «Бунёдкор» бош директори Мурод Алиевнинг айтишича, улар «Анжи»га жавоб хати ёзиб ўз шартларини маълум қилган. ФИФА қоидаларига мувофиқ, футболчи 23 ёшгача бошқа жамоага кетадиган бўлса, у тарбия топган академияси учун ҳам маълум миқдорда компенсация тўланиши керак бўлади. Достон клуб академиясида 13 ёшидан буён тарбияланиб келаётгани боис жавоб хатида товон пулидан ташқари ФИФА талаби бўйича компенсация маблағини ўтказиб бериши кераклиги билдирилган. Ҳамдамов учун олинадиган пулдан тушадиган маблағ ҳам клуб харажатлари, ҳам ҳозир энг зарур бўлиб турган қарзларни ёпишга сарфлаш кўзланган. Ҳозирча бу борада ҳеч қандай жавоб бўлгани йўқ.

Достон Ҳамдамов «Анжи»нинг Туркиядаги йиғинларида иштирок этди, Беларуснинг «Слуцк» жамоаси билан ўйинда майдонга тушиб, жамоасининг ягона голига муаллифлик ҳам қилди. Аммо куни кеча таништирилган «Анжи»нинг янги футболчилари орасида Достон Ҳамдамов кўриниш бермади. Клуб расмий сайтида келтирилган жамоа футболчилари таркибида ҳам (гарчи бошқа барча янги футболчи қўшилган бўлса-да,) Ҳамдамовни топа олмадик. Махачқалъаликларнинг кечаги «Рубин» билан ўйинида ҳам Достон «заявка»га киритилмади.

Савол туғилади? Достон Ҳамдамов қаерда? «Анжи»да бўлса нега у ҳақда расман эълон қилинмаяпти? Уни яширишдан қандай мақсад кўзланмоқда? Бу можаронинг энг ташвишли томони — терма жамоага жалб этилган Ҳамдамовнинг ўйин амалиётисиз қолиб кетиши ҳам мумкин. «Анжи» уни яширишда давом этса, воқеалар ривожи нима билан якун топади?

Албатта, Достон Ҳамдамов учун Россия чемпионатига ўтиш ўта муҳим ва зарур қарор. Нафақат футболчи, балки терма жамоамиз учун ҳам фойдали бўлиши аниқ. Шу боис ушбу можаролар тезроқ якун топиб, Достон Ҳамдамовнинг ўз клубини топиб олишига умид билдирамиз.

Киритилди: 03.03.2018 19:10. Ўқилди: 14425 марта. Фикрлар: 3 та.

Суперлига

№ Жамоа Ў О
1 ОКМК 12 23
2 Насаф 11 22
3 Сўғдиёна 12 20
4 Навбаҳор 11 19
5 Нефтчи 11 18
6 Андижон 12 16
7 Пахтакор 11 16
8 Олимпик 12 16
9 Сурхон 13 16
10 Динамо 12 14
11 Қизилқум 12 12
12 Локомотив 12 9
13 Бунёдкор 12 8
14 Металлург 11 6

ОЧЛ

- Гуруҳи

№ Жамоа Ў О

Ёшлар лигаси

Ўзбекистон кубоги

C - Гуруҳи

№ Жамоа Ў О
1 Бунёдкор 0 0
2 Металлург 0 0
3 Нефтчи 0 0
4 Юниред 0 0

Футзал

Суперлига. II босқич

A - Гуруҳи

№ Жамоа Ў О
1 Локомотив 20 46
2 Пахтакор 20 37
3 Навбаҳор 20 31
4 Бунёдкор 20 27
5 Металлург 20 19
6 Бухоро 20 10

Про-лига

№ Жамоа Ў О
1 Локомотив 20 48
2 Динамо 20 41
3 Қўқон-1912 21 41
4 Машъал 22 38
5 Шўртан 21 26
6 Арал 20 26
7 Хоразм 20 22
8 Юниред 20 18
9 Навбаҳор Фарм 20 18
10 Ғиждувон 20 16
11 Андижон-SGS 20 12

Лига кубоги

C - Гуруҳи

№ Жамоа Ў О
1 ОКМК 3 7
2 Металлург 3 4
3 Бунёдкор 3 3
4 Қизилқум 3 3

Сўнгги учрашув

21.06.2024. Суперлига. 12-тур.
20:00
Бунёдкор		 1-1
Олимпик

Навбатдаги учрашув

27.06.2024. Суперлига. 13-тур.
20:00
Пахтакор		 -:-
Бунёдкор

ЖАМОА ТАРКИБИ

© STADION.UZ
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Ўзбекистон матбуот ва ахборот агентлигининг интернет-ОАВ гувоҳномаси №0917.

Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.