Кириш Регистрация

STD.UZ/BUNYODKOR

Бунёдкор

  • Тўлиқ номи:
  • Бош мураббий:
  • Лақаби:
  • Жамоа сардори:
  • Ташкил топган:
  • Бош ҳомий:
  • Стадион:
  • Расмий веб-сайт:
  • Сиғими:
  • Клуб формаси:
  • Клуб президенти:

Клуб хабарлари

Аёллар футболи: Мавсумнинг биринчи соврини “Металлург-W”да!

Тўртинчи марта ўтказилган Ўзбекистон Суперкубоги учрашуви “Металлург-W” жамоамизнинг ажойиб ғалабаси билан якунланди, дея хабар беради "Металлург" жамоасининг расмий сайти.

 

2018 йилги мавсумнинг катта футбол бўйича биринси совринини ҳамшаҳарларимиз ютиб олганлиги билан Бекобод аҳлини, “Металлург-W” жамоасининг барча мухлисларини табриклаймиз!


ЖАР стадионининг заҳира ўйингоҳида ўтказилган бу йилги Суперкубок учрашувида мамлакатимизнинг амалдаги чемпиони ҳамда Ўзбекистон Кубоги соҳиби – Бекободнинг “Металлург” жамоаси ўтган йилги кубок финалчиси пойтахтнинг “Бунёдкор” жамоасига қарши майдонга чиқди. Ўйин жуда қизиқарли ва муросасиз курашлар остида ўтди. Янги мавсумда ғолибликка асосий даъвогарлар саналувчи жамоалар мухлису мутахассислар олдида ўзларини кўрсатиш пайида бўлишди. Шу сабабдан бўлса керак, асосан позицион курашга кўпроқ урғу берилди. Майдон марказида кўпроқ қалдирғочлар устунлик қилишган бўлса, бекободликларнинг ҳимоя қўрғони ишончли ўйнади. Ўз навбатида “Металлург-W”нинг ҳужумлари рақибларникига нисбатан хавфлироқ кўриниш олди.
Ўйин олди ҳаяжонини биринчи бўлиб жиловлай олган бекободликлар 31-дақиқага келганда ҳисобни очишга муваффақ бўлишди. Стандарт вазият гол билан якунланди. Шу куни бекободликларнинг плеймейкери Феруза Турдибоева ҳар жабҳада жамоадошларига ўрнак бўлди. Унинг бурчакдан узатган тўпи учун Нозима Камолтоева ҳамда Маҳлиё Сариковалар курашга фаол киришганликлари боис “Бунёдкор” ҳимоячилари қўпол хатога йўл қўйишди ва тўп дарвоза тўридан ўрин эгаллади – 1:0. Аммо бекободликларнинг хурсандчилиги узоқ чўзилмади. Орадан ўн дақиқа вақт ўтгач “Металлург-W” нинг собиқ ҳужумчиси, миллий чемпионатларимиз тўпурари ва рекордчиси Людмила Карачик бекободликлар ҳимоя чизиғини марказдан ёриб ўтди ва ҳисобни тенглаштирди.


Танаффусда мураббийлардан керакли кўрсатмани олган “Металлург-W” қизлари ҳимояга эътиборни янада кучайтиришди. Қарши ҳужум тактикаси эса қалдирғочларни мунтазам равишда ортда қайтишга мажбур этди. Айниқса Дилдора Нозимова ҳамда Маҳлиё Сариковалар тандеми “Бунёдкор-вумен” ҳимоя қўрғони вакилларини “роса чарчатди”. Улар бир неча марта марказдан қочиб кетиб, гол киритиш имкониятига эга бўлишди. Аммо фақат бир марта, 70-дақиқадаги ҳужум самара берди. Чап қанотдан Нозима Эргашеванинг рейди гол билан якунланди – 2:1. Бу ҳисоб эса ўйин охиригача ўзгармай қолди ва “Металлург-W” худди “Севинч” сингари Суперкубокни боши узра иккинчи марта кўтаришга муваффақ бўлди.

Аёллар футболида фақатгина Суперкубок мусобақасида “Севинч”нинг гегемонлигига “Металлург-W” барҳам бера олди. Ўйлаймизки, бу йил мамлакат чемпионати ҳамда Ўзбекистон кубоги баҳсларида ҳам бугунгидек муросасизлик кузатилади. Бу эса мухлислар учун унутилмас лаҳзаларни, қизиқарли ўйинларни тақдим этади.

“Металлург-W” жамоаси қизларини, мураббийлар штабини ва барча мухлисларини, клуб раҳбарияти ва Бекобод аҳлини яна бир марта ажойиб ютуқ билан муборакбод этамиз!

Ўзбекистон Суперкубок ўйини.
“Бунёдкор-W” – “Металлург-W” – 1:2 (1:1). ЖАР стадиони.
Ҳакамлар: Эдита Миробидова (Тошкент), Зилола Раҳматова (Қарши), Кристина Середа (Тошкент), Анна Сидорова (Тошкент).
Назоратчи – Рўзим Давлатмуродов (Тошкент).
Голлар:0:1 – Луиза Садирова (33-автогол), 1:1 – Людмила Карачик (41), 1:2 – Нозима Эргашева (70).

“Бунёдкор-W”:1. Ольга Қаҳҳорова, 9. Дилноза Бектемирова, 10. Саида Галимова, 14. Марина Косникова, 15. Умида Зоирова, 19. Мария Моисеева (11. Екатерина Сальникова, 65), 22. Солиҳа Ҳусниддинова, 68. Рушания Сафина, 77. Луиза Садирова, 91. Тожинисо Рашидова (99. Озода Ҳожиева, 77), 94. Людмила Карачик.
Заҳирадагилар:12. Зиёда Иристоева, 5. Анзила Ермакова, 8. Наргиза Абдурасулова, 13. Лидия Цема, 17. Эъзоза Шарипова.
“Металлург-W”:1. Гуландом Бойматова, 6. Ирода Турдалиева, 9. Маҳлиё Сарикова, 10. Феруза Турдибоева, 11. Дилдора Нозимова, 19. Нозима Эргашева, 20. Зумрад Назарова, 21. Холида Дадабоева, 22. Мавлуда Мунавварова, 77. Нозима Камолтоева, 99. Диёра Эркинова (4. Жессика Кручинина, 64).
Заҳирадагилар:30. Нигора Ўзганова, 8. Нигина Жамолова, 18. Юлдуз Набиева, 23. Диёра Ҳабибуллаева.

Огоҳлантиришлар:Зумрад Назарова (6), Мавлуда Мунавварова (27), Дилноза Бектемирова (58).

Киритилди: 29.03.2018 06:34. Ўқилди: 2082 марта. Фикрлар: 1 та.

Суперлига

ОЧЛ

- Гуруҳи

№ Жамоа Ў О

Ёшлар лигаси

Ўзбекистон кубоги

C - Гуруҳи

№ Жамоа Ў О
1 Бунёдкор 0 0
2 Металлург 0 0
3 Нефтчи 0 0
4 Юниред 0 0

Футзал

Суперлига. II босқич

A - Гуруҳи

№ Жамоа Ў О
1 Локомотив 20 46
2 Пахтакор 20 37
3 Навбаҳор 20 31
4 Бунёдкор 20 27
5 Металлург 20 19
6 Бухоро 20 10

Про-лига

№ Жамоа Ў О
1 Локомотив 20 48
2 Динамо 20 41
3 Қўқон-1912 21 41
4 Машъал 22 38
5 Шўртан 21 26
6 Арал 20 26
7 Хоразм 20 22
8 Юниред 20 18
9 Навбаҳор Фарм 20 18
10 Ғиждувон 20 16
11 Андижон-SGS 20 12

Лига кубоги

C - Гуруҳи

№ Жамоа Ў О
1 ОКМК 3 7
2 Металлург 3 4
3 Бунёдкор 3 3
4 Қизилқум 3 3

Сўнгги учрашув

05.05.2024. Суперлига. 6-тур.
18:30
Бунёдкор		 0-2
Сурхон

Навбатдаги учрашув

Учрашув қайд этилмаган!

ЖАМОА ТАРКИБИ

© STADION.UZ
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Ўзбекистон матбуот ва ахборот агентлигининг интернет-ОАВ гувоҳномаси №0917.

Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.