Кириш Регистрация

STD.UZ/BUNYODKOR

Бунёдкор

  • Тўлиқ номи:
  • Бош мураббий:
  • Лақаби:
  • Жамоа сардори:
  • Ташкил топган:
  • Бош ҳомий:
  • Стадион:
  • Расмий веб-сайт:
  • Сиғими:
  • Клуб формаси:
  • Клуб президенти:

Клуб хабарлари

Суперлига. “Бунёдкор” дербида “Локомотив”дан устун келди. “Қўқон-1912” Жиззахда камбек амалга оширди

Ўзбекистон Суперлигасининг 5-туридан ўрин олган “Сўғдиёна” — “Қўқон-1912” ҳамда “Бунёдкор” — “Локомотив” жамоалари ўртасидаги беллашувлар ўз якунига етди.

“Сўғдиёна” — “Қўқон-1912”
Жиззахда кечган баҳсда ғолиб номи аниқланмади. “Сўғдиёна” ўз майдонида “Қўқон-1912” жамоаси қабул қилиб, 2:2 ҳисобида дуранг ўйнади.

Учрашув мезбонларнинг тезкор ҳужуми билан бошланди. Ўйиннинг 13-дақиқасидаёқ жиззахликларнинг легионери Фейсал Мулич ҳисобни очиб, жамоасини олдинга олиб чиқди. Биринчи бўлим якунланиши арафасида, 40-дақиқада Люпчо Дориев рақиб дарвозасини ишғол қилиб, орадаги фарқни иккитага оширди. Танаффусга мезбонлар 2:0 ҳисобидаги устунлик билан йўл олишди.

Бироқ иккинчи бўлимда “Қўқон-1912” футболчилари ирода кўрсатишди. 50-дақиқада Шоҳруҳ Гадоев ҳисобни қисқартириб, ўйинга интрига қайтарди. Шундан сўнг баҳс анча кескинлашди, ҳакам ҳар икки жамоа аъзоларига бир неча бор сариқ карточка кўрсатишга мажбур бўлди.

Учрашув мезбонларнинг ғалабаси билан тугагандек кўринаётган бир пайтда, 88-дақиқада Шота Гвазава мувозанатни тиклади. Қолган дақиқаларда ҳар қанча уринишларга қарамай, ҳисоб ўзгармади. Шу тариқа жамоалар очколарни бўлишиб олишди.

Айни пайтда “Сўғдиёна” Ўзбекистон Суперлигаси турнир жадвалида 2 очко билан 15-ўринни эгаллаб турган бўлса, “Қўқон-1912” жамоаси 5 очко билан 10-поғонани банд этган.

Ўзбекистон Суперлигаси, 5-тур
“Сўғдиёна” — “Қўқон-1912” 2:2
Голлар: 1:0 — Мулич (13), 2:0 — Дориев (40), 2:1 — Гадоев (50), 2:2 — Гвазава (88).

“Бунёдкор” — “Локомотив”
Тошкентдаги “Бунёдкор” стадионида кечган учрашувда мезбонлар “Локомотив” устидан ишончли ғалабага эришди. Баҳс майдон эгаларининг устунлигида ўтди ва уларнинг 2:0 ҳисобидаги ғалабаси якунланди.

Ўйиннинг илк дақиқалариданоқ “Бунёдкор” футболчилари ҳужумкорликни оширишди. Бу кўп ўтмай ўз самарасини берди: 14-дақиқада Бобурбек Йўлдошев рақиб дарвозасини аниқ нишонга олиб, ҳисобни очишга муваффақ бўлди.

Биринчи бўлим якунланиши арафасида мезбонлар ҳисобдаги фарқни оширишди. 44-дақиқада ҳимоячи Марко Бугарин рақиб посбонини ожиз қолдириб, жамоасининг иккинчи голини муаллифига айланди. Танаффусга жамоалар “Бунёдкор”нинг икки тўп фарқидаги устунлиги билан йўл олишди.

Иккинчи бўлимда “Локомотив” мураббийлари ўйинга ўзгаришлар киритиб, вазиятни ўнглашга ҳаракат қилишди. Бироқ “Бунёдкор” ҳимояси ва посбони хатосиз ўйин намойиш этиб, рақибга гол уриш имконини бермади. Ушбу ғалабадан сўнг “Бунёдкор” ўз ҳисобига муҳим 3 очкони ёздириб қўйди. “Локомотив” эса бу турда очкосиз қоладиган бўлди.

Айни пайтда “Бунёдкор” 10 очко билан Суперлига турнир жадвалида 3-поғонани эгаллаб турган бўлса, 7 очкоси бор “Локомотив” 6-ўриндан жой олган.

Ўзбекистон Суперлигаси, 5-тур
“Бунёдкор” — “Локомотив” 2:0
Голлар: 1:0 — Йўлдошев (14), 2:0 — Бугарин (44).

Киритилди: 02.04.2026 21:09. Ўқилди: 880 марта. Фикрлар: 0 та.

Суперлига

Элит ОЧЛ

- Гуруҳи

№ Жамоа Ў О

Ёшлар лигаси

Ўзбекистон кубоги

G - Гуруҳи

№ Жамоа Ў О
1 Бухоро 3 6
2 Локомотив 3 6
3 Бунёдкор 3 6
4 Наманган ФА 3 0

Футзал

Суперлига. II босқич

A - Гуруҳи

№ Жамоа Ў О
1 Локомотив 20 46
2 Пахтакор 20 37
3 Навбаҳор 20 31
4 Бунёдкор 20 27
5 Металлург 20 19
6 Бухоро 20 10

Про-лига

Лига кубоги

C - Гуруҳи

№ Жамоа Ў О
1 ОКМК 3 7
2 Металлург 3 4
3 Бунёдкор 3 3
4 Қизилқум 3 3

Сўнгги учрашув

02.04.2026. Суперлига. 5-тур.
19:00
Бунёдкор		 2-0
Локомотив

Навбатдаги учрашув

Учрашув қайд этилмаган!

ЖАМОА ТАРКИБИ

© STADION.UZ
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Ўзбекистон матбуот ва ахборот агентлигининг интернет-ОАВ гувоҳномаси №0917.

Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.

счётчик