Кириш Регистрация

STD.UZ/CHELSI

Челси

  • Тўлиқ номи:
  • Бош мураббий:
  • Лақаби:
  • Жамоа сардори:
  • Ташкил топган:
  • Бош ҳомий:
  • Стадион:
  • Расмий веб-сайт:
  • Сиғими:
  • Клуб формаси:
  • Клуб президенти:

Клуб хабарлари

АПЛ чемпиони бўлган, кейинчалик фақат жанжаллар билан эсда қолган Дринкуотер ҳикояси

“Челси” Дринкуотерни 38 миллион еврога сотиб олди, кейин ундан қандай қутулишни билмади

Даниэль Дринкуотер 2010 йилларнинг ўрталарида Англиянинг энг яхши ярим ҳимоячиларидан бири ҳисобланган. "Лестер" билан биргаликда у сенсацион тарзда 2015/2016 йили Премьер-лига чемпионига айланди, Чемпионлар Лигасида ўйнади ва кейин "Челси"га ўтди. Аммо топ-клубга ўтиш Дринкуотернинг фаолиятини барбод қилди. Сўнгги йилларда Дэннидан ижобийроқ бирор нарса эшитганмисиз? Бунинг ажабланарли жойи йўқ. Ярим ҳимоячи аллақачон бир мавсумни ўтказиб юборган, жамоасиз қолган. Унга нима бўлди?

2017 йилнинг ёзида инглиз футболчисини "Челси" сотиб олди. Дринкуотер топ-клубга ўтганидан хурсанд эди: “Мен “Челси” футболчиси бўлганимдан хурсандман ва стартни сабрсизлик билан кутяпман. Бу ерга келиш узоқ саргузаштларни ташкил этди, лекин мен жуда хурсандман ва клубга кўпроқ совринлар ютишда ёрдам беришга тайёрман. "Челси" бунинг учун энг яхши жой. Ҳеч қачон бундай ҳис-туйғуларни бошдан кечирмаганман. Кўнгилсизлик, завқ, ҳаяжон бор эди. Ушбу трансфер учун барчадан миннатдорман. "Лестер"да ҳаммаси яхши эди, лекин Премьер-лигада ғалаба қозонганимдан сўнг, яна ҳам кўпроқ совринларни қўлга киритишни хоҳлаётганимни ҳис қилдим", – деганди футболчи бир пайтлар.

Бироқ трансфер жараёни ўзини оқламагани тез орада маълум бўлди. Аввалига у машғулотларда тўпиғини жароҳатлаб олди, шу боис "Челси"даги дебюти октябрь ойининг охиригача содир бўлмади. Кейин Дэнни Англия терма жамоасига чақирилмай қолди, бу эса кўплаб танқидларга сабаб бўлди. "Челси"да эса Дринкуотер ҳеч қачон мураббий Антонио Контенинг ишончини қозона олмади ва мавсум давомида барча мусобақаларда атиги 22 та ўйинда майдонга тушди. Қолаверса, Гарет Саутгейт Дэннини ЖЧ-2018га чақирмади.

Дринкуотер учун кейинги мавсум бундан ҳам ёмонроқ бўлди. Маурицио Сарри ярим ҳимоячига деярли имкон бермади. Захира ўриндиғида футболчи зерикди ва кучини кераксиз томонга йўналтирди. 2019-йилнинг апрель ойида Дринкуотер икки номаълум қиз билан кўриниш берди. Бунда ҳеч қандай ноқонуний нарса йўқ эди, лекин кейинроқ, тунги клублардан биридан қайтаётган Дэнни маст ҳолда рулга ўтирди. Натижада у автоҳалокатга учраб, бошқарувни йўқотиб, бошқа машинага бориб урилган. Ҳеч ким жиддий жароҳат олмаган, аммо Дринкуотер барибир ҳибсга олинган. Кейинроқ суд "Челси" футболчисининг бахтсиз ҳодиса вақтида қондаги спиртли ичимлик дозаси меъёрдан 2,5 баробар ошиб кетганини аниқлади. У 70 соат жамоат ишларига ҳукм қилинди ва 1 йилу 8 ойга озодликдан четлатилди.

“Мен ёлғизман, Лондон марказида яшайман. Мен дам олиш ва ичимлик ичиш учун барга борардим. Лекин бу иш бермади. Бахтсиз ҳодисадан кейин камерада ўтирганимни эслайман. Миямда фикрлар айланарди: "Аҳмоқ, сен тунги зиёфатлар туфайли бахтсиз ҳодисага дуч келдинг". Менга бир тонна ғишт тушгандай туюлди. Ва мен тушундим - ўзимни тартибга солишим керак. Йўқ, бу клиник тушкунлик эмас эди, лекин ўзимни жуда яхши ҳис қилмадим. Яхшиямки, мен тўғри одамлар билан гаплашдим. Бу жуда кўп психологик муаммоларга дуч келганингизда ёрдам беради", деди Дринкуотер ўша давр ҳақида SportBible нашрига берган интервьюсида.
2019/2020-йилги мавсум олдидан “Челси”ни Фрэнк Лэмпард бошқарган. Бироқ янги мураббий Дэннига имконият қолдирмади. Футболчи ижара асосида "Бёрнли"га жўнатилганди. Бутун мавсум давомида у фақат иккита учрашув ўтказди. "Бёрнли"даги давр ҳам фақат жанжал билан эсда қолди. Дринкуотер Манчестердаги барда дўстининг туғилган кунини нишонлаётганида “Скунторп Юнайтед” футболчиси Кгоси Нтленинг маъшуқасига тегажонлик қилди. Футболчи Дэннидан тинчланишни сўради, бироқ у ҳаракатларини давом эттирди. Муштлашув бошланди ва қўриқчилар иккала спортчини ҳам бардан ҳайдаб чиқарди.

Кўчада Дринкуотер олти киши томонидан ҳужумга учраган. Улар уни калтаклашди, натижада футболчининг қўллари, оёқлари кўкарган, кўзлари остида гематома ҳосил бўлган, ёноқлари кесилган, шунингдек, тўпиғи жароҳатланган. Дэннининг ўзи жуда маст бўлгани учун кечанинг тафсилотларини деярли эслай олмади. У энди бошқа ҳеч қачон "Бёрнли"да ўйнамади. Уни "Астон Вилла" олиб кетди, лекин у ерда ҳам Дринкуотер унчалик яхши таассурот қолдирмади. У машғулотларда жамоадоши Хотани билан жанжаллашиб қолгани билан эсда қолган. "Челси" Даниэлдан қутулишни орзу қилган, аммо унга янги клуб топа олмади. Футболчини ижарага юбориш керак эди. 2021 йилнинг қишида у Туркиянинг "Қосимпаша" клубига кўчиб ўтди. Аммо у ерда ҳам англиялик муваффақиятга эриша олмади: атиги 11 учрашув + жароҳат. Кейинги мавсумни "Рединг"да ижарада ўтказди. Чемпионатда Дэнни тез-тез ўйнади. "Ливерпул"нинг собиқ ҳужумчиси Энди Кэрролл билан бир жамоада бир мавсумда 34 та ўйинда иштирок этди. Аммо "Рединг" Дринкуотер билан тўлиқ келишувга кириша олмади ва "Челси" билан шартнома тугади. Дэнни эркин агент сифатида қолди. "Челси" унга мураббий ролини таклиф қилди: "Мен 32 ёшда эдим, менга ёш ўйинчилар билан жуда яхши мулоқот қилишимни айтишганини эслайман, шунинг учун "Челси"да ёрдамчи мураббий лавозимини таклиф қилишди. Улар менга бир неча йил шундай муносабатда бўлишди. Мен буни қандайдир компенсация деб ўйладим", деди Дринкуотер.

2022/2023 йилги мавсум бошлангунга қадар ҳеч ким ярим ҳимоячига етарли ишонч билдирмади. Шундай қилиб, Дринкуотер ўз карьерасининг бир йилини яна йўқотди, бироқ бунинг тугаганини у аллақачон эълон қилиб бўлганди. 38 миллион еврога "Челси"га ўтган Дэнни қуйи дивизион клублари эътиборидан ҳам четда қолди.

“Футбол менга жуда ажойиб йиллар берди. Ҳа, мен баъзи ёмон вақтларни бошдан кечирдим, лекин яхши йиллар ёмонлардан кўпроқ эди. Мен онам ва дадамга орзуимдаги уйни сотиб олишга муваффақ бўлдим. Мен оиламга ғамхўрлик қила олдим, шунинг учун футболни ахлоқсизлик ўйини деб айтмайман. Бу менинг болалик орзуим эди. Сўнгги уч йил футболдаги энг оғир йил бўлди, лекин мен шикоят қилмоқчи эмасман", деди Дринкуотер. Ҳамма нарсага қарамай, у фаолиятини якунламоқчи эмас. Лекин уни Премьер-лигада кўрамизми?

Киритилди: 12.07.2023 11:18. Ўқилди: 2081 марта. Фикрлар: 1 та.

АПЛ

ЕЧЛ

Европа лигаси

- Гуруҳи

№ Жамоа Ў О

Англия кубоги

Нимчорак финал
09.02.2021
22:30 Бёрнли
0:2
Борнмут
10.02.2021
00:30 Ман. Юнайтед
1:0
Вест Хэм
22:30 Суонси Сити
1:3
Манчестер Сити
11.02.2021
00:30 Лестер
1:0
Брайтон
00:30 Шеффилд Юнайтед
1:0
Бристол Сити
01:15 Эвертон
5:4
Тоттенхэм
22:30 Вулверхэмптон
0:2
Саутгемптон
12.02.2021
01:00 Барнсли
0:1
Челси
Чорак финал
20.03.2021
17:15 Борнмут
0:3
Саутгемптон
22:30 Эвертон
0:2
Манчестер Сити
21.03.2021
18:30 Челси
2:0
Шеффилд Юнайтед
22:00 Лестер
3:1
Ман. Юнайтед
Ярим финал
17.04.2021
21:30 Челси
1:0
Манчестер Сити
18.04.2021
22:30 Лестер
1:0
Саутгемптон
Финал
15.05.2021
21:30 Челси
0:1
Лестер

International Champions Cup

Англия суперкубоги

УЕФА Суперкубоги

№ Жамоа Ў О
1 Бавария 1 3
2 Севилья 1 0

Англия лига кубоги

Чорак финал
22.12.2020
22:30 Брентфорд
1:0
Ньюкасл
23.12.2020
01:00 Арсенал
1:4
Манчестер Сити
22:30 Сток Сити
1:3
Тоттенхэм
24.12.2020
01:00 Эвертон
0:2
Ман. Юнайтед
Ярим финал
06.01.2021
00:45 Тоттенхэм
2:0
Брентфорд
07.01.2021
00:45 Ман. Юнайтед
0:2
Манчестер Сити
Финал
25.04.2021
20:30 Манчестер Сити
1:0
Тоттенхэм

Сўнгги учрашув

28.09.2024. АПЛ. 6-тур.
19:00
Челси		 4-2
Брайтон

Навбатдаги учрашув

Учрашув қайд этилмаган!

ЖАМОА ТАРКИБИ

© STADION.UZ
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Ўзбекистон матбуот ва ахборот агентлигининг интернет-ОАВ гувоҳномаси №0917.

Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.