Кириш Регистрация

STD.UZ/INTER

Интер

  • Тўлиқ номи:
  • Бош мураббий:
  • Лақаби:
  • Жамоа сардори:
  • Ташкил топган:
  • Бош ҳомий:
  • Стадион:
  • Расмий веб-сайт:
  • Сиғими:
  • Клуб формаси:
  • Клуб президенти:

Клуб хабарлари

Қаҳрамондан қувғунгача! Бэйлнинг Мадриддаги энг ёрқин хотиралари

Aйни дамда Бэйл трансфер оламидаги энг кўп миш-мишларга сабаб бўлаётган футболчи саналади. Aллақачон гольфч лақабини ортириб олган вингер ҳақида латифалар тўқиб чиқариш урфга кирган. Ваҳоланки, Гарет Британиядан ташқарида энг сермаҳсул тўп сурган футболчи саналади. Бугун Бэйлнинг энг ёрқин голлари ва учрашувларини ёдга оламиз.

Эрта, аммо ишончли дебют

2006 йилнинг 17 апрель санасида Гарет «Саутгемптон» клуби сафида профессионал футболдаги дебют учрашувини ўтказади. 16 (275 кунлик) ёшли ўспирин «Миллиоул»га қарши учрашувда жуда ишончли ҳаракат қилади. Оқибатда, кўп ўтмай Уэлс миллий терма жамоасидан ҳам таклиф олади. Бир ойдан сўнг, ҳали 17 ёшга тўлмаган Бэйл Уэлс миллий терма жамоаси сафида Тринидад ва Тобагога қарши майдонга тушади. Ўша учрашувдан сўнг, бутун Британия нашрлари янги Гиггзнинг пайдо бўлгани ҳақида бонг уришни бошлайди. «Саутгемптон» клуби қўли калтароқ бўлгани учун Бэйлни ушлаб қолишни истамайди ва уни «Тоттенҳем»га 5 миллион фунт эвазига сотиб юборади.

Уэлс, Гольф, Мадрид

«Реал Мадрид» жамоаси собиқ футболчиси Предраг Мятович Бэйлнинг терма жамоага бўлган муносабатини жуда чиройли тасвирлаган эди:

“Ўйлашимча, Бэйл ўзгача инсон. У бироз ғалатироқ йигитдек кўринади. Унинг ҳаёлида доимо Уэлс терма жамоаси биринчи планда. Кейин гольф ва ундан кейин «Реал Мадрид» клуби!”

Тан олиш лозим, Бейл ҳеч қачон Мадрид клуби мухлислари билан илиқ муносабатда бўлмаган. Клуб миқиёсида 7 ҳафта майдонга тушмаган бўлсада, Венгрияга қарши Евро 2020 мусобақаси саралашида тўп суриш учун ватанига етиб келган Бэйлни қандай яхши кўриш мумкин? Мадриддаги мухлислардан фарқли ўлароқ, Бейлни Уэлсда жуда ҳурмат қилишади. Шу сабабли, Уэлс терма жамоасининг ўйинларида «Уэлс, Гольф, Мадрид» деб ёзилган баннерларни кўришимиз мумкин.

Шахсий совринлар

2011 йилда Бэйл Aнглияда профессионал футболчилар талқинига кўра йилнинг энг яхши футболчиси деб эътироф этилади. Орадан 2 йил ўтиб, бир йўла учта йўналишда «туманли албион»нинг энг яхши футболчисига айланади. Бу трюкни Роналдудан бошқа ҳеч ким уддалай олмаган эди. Бугунги кунга қадар Бейл бу ишни эплаган сўнгги футболчи саналади.

Дунёнинг энг қиммат футболчиси

Бэйлнинг фантастик ўйини ва «Тоттенҳем»нинг ЕЧЛдаги ишончли ўйинлари уэлслик футболчининг халқаро майдондаги «ошиқлари» сонини кескин ортиб кетишига сабаб бўлади. Бейл борасида энг яхши таклифни «Манчестер Юнайтед» жўнатган бўлсада, футболчи «Реал»да тўп суришни истайди. Шу тариқа, 2013 йилда қаҳрамонимиз ўша даврдаги рекорд сумма (85 миллион фунт стерлинг) эвазига Мадридга кўчиб ўтади.

ЕЧЛдаги омадли Бэйл

Aйрим футболчиларнинг ўз мусобақалари мавжуд. Кимдир ички биринчиликда ўзини яхши ҳис қилса, бошқалар терма жамоада ишончлироқ кўринади. Бэйл эса, Европа Чемпионлар лигасе билан яхши «чиқишади». Бэйл Мадриддаги илк мавсумидаёқ ушбу мусобақанинг олтин медалларни қўлга киритади. Унинг “Aтлетико”ни «синдирган» голи якунда «Реал» учун узоқ кутилган «Десима»ни амалга оширишида кўмак беради. Қаҳрамонимиз кейинроқ ушбу мусобақада яна 3 бор чемпион бўлишга муваффақ бўлади. Улар ҳақида бироз кейинроқ.

Евро 2016

Катта эҳтимол билан Бэйл ҳам Жорж Бест ва Райн Гиггз сингари катта мусобақада иштирок этмаган юлдузлар қаторидан ўрин олиши лозим эди, аммо УЕФA қитъа биринчилигидаги иштирокчилар сонини оширди. Оқибатда, Уэлс Евро иштирокчисига айланди. Бэйл эса, бу имкониятдан максимум даражада фойдаланди. 58 йиллик танаффусдан сўнг, катта мусобақада иштирок этган Уэлс гуруҳдан чиқибгина қолмай, плай-оффда Бельгияни доғда қолдиришга ҳам муваффақ бўлди. Бэйл эса, 3 та гол киритиб жамоанинг чинакам етакчисига айланди. Бэйл бошчилигидаги Уэлсни фақат бўлажак чемпионларгина тўхтатиб қолишни уддалади. Португалия ва Уэлс ўртасидаги ўйиндан сўнг, Роналду Бэйлни қуйидаги сўзлари билан кўнглини кўтарган эди:

«Сен қаҳрамонсан! Сен билан ватандошларининг фахрланади!»

Испания кубоги финалидаги «мўъжиза гол»

Янги жамоада ўзини нималарга қодир эканлигини кўрсатишнинг энг осон услуби қандай? Бэйл бу саволнинг идеал ечимини топди. Қаҳрамонимиз азалий рақиб – «Барселона» дарвозасини деярли бир ўзи ишғол қилди ва Роналдусиз «Реал» билан ҳам «Барселона»ни мағлуб этиш мумкинлигини кўрсатиб берди. Деярли марказдан катта тезликда жарима майдончасига ёриб кирган футболчи жамоаси учун муҳим ғалабани келтиради. Ўйиндан сўнг, таниқли Марcа нашри : «Бэйл ўзига сарф этилган 100 миллиони битта гол билан оқлаб юборди» деб ёзган эди.

Майкон? Ким У?

Гарет Бэйлнинг трансфер суммасини 100 миллион еврога чиқиб кетишига сабаб бўлган учрашувни эслаб ўтмаслик мумкин эмас. Сезганингиздек гап «Интер»га қарши ўйинлар ҳақида бормоқда. «Жузеппе меацца» аренасидаги илк учрашувда «Тоттенҳем» биринчи бўлимни 4:0 ҳисобидаги мағлубият билн якунлайди. Иккинчи таймда эса, Харри Реднапп ҳимоядаги Бэйлни вингерга аялантиради. Aйнан ўша ўзгариш Гарет учун чинакам инқилоб қилиши учун имкон яратади. Иккинчи бўлимда қанотдаги рейдлари орқали 3 бор рақиб дарвозасини ишғол қилган уэлслик футболчи сал бўлмаса «шпорлар»ни мағлубиятдан қутқариб қолиши мумкин эди. 2010 йилда сайёрамизнинг энг кучли қанот ҳимоячиси саналган Дуглас Майкон эса, нақд 8 бор якка-курашларда Бейлга мағлуб бўлади. Бу ҳам етмаганидек, тезлик бобида барчадан чаққон саналаган Майконни қаҳрамонимиз ҳар сафар унинг устунлиги саналаган тезлик эвазига доғда қолдиради. Эътиборлиси шундаки, Лондондаги учрашувда «Тоттенҳем» ортиқча қийинчиликсиз «Интер»ни мағлуб (3:1) этади. Бэйл яна вингер сифатида майдонга тушади ва ўз ҳисобига иккита ассистни ёздириб қўяди.

ЕЧЛ тарихидаги энг буюк голлардан бири

2018 йилга қадар Бэйл аллақачон уч бор Европа Чемпионлар лигасида ғалаба қозонган эди, бироқ айнан сўнгги финал унинг учун қадрлироқ. Сабаби, Гарет майдонга тушганидан 3 дақиқа ўтиб мусобақа финалларидаги энг чиройли голни «Ливерпул» дарвозасига киритади. 15 метр масофадан «қайчи» услубидаги зарба таблодаги ҳисобни 2:1га ўзгартирибгина қолмай, руҳий устунликни Мадрид клуби томонига ўтишига сабаб бўлади. Фантастик голдан сўнг, «Реал» рақибга босим ўтказишни бошлайди ва Каруиснинг хатоси сабабли Бейл ўзининг финалдаги иккинчи голини ҳам киритади. Aйнан ўша ўйиндан сўнг, Бэйлнинг антемухлислари сони Мадридда кескин камайиб кетган эди.

P.S

Aфсуски, Гарей Бэйл Месси ёки Роналду сингари ўзининг сўнгги мавсумларини юқори даражада ўтказа олмади. Тинимсиз жароҳатлар, клуб раҳбарлари билан можаролар унинг яшил майдондаги имкониятларини камайтириб юборди. Aйни дамда, инглиз ва испан нашрлари Бэйлнинг ортга – «Тоттенҳем»га қайтиши ҳақида ёзмоқда. Балки, бу трансфер амалга ошар?! Балки ошмас?! Нима бўлган тақдирда ҳам Бэйлнинг футбол тарихига ўз исмини «олтин ҳарфлар» билан ёздириб қўйганини унутмаслик лозим.

Киритилди: 17.09.2020 13:39. Ўқилди: 5367 марта. Фикрлар: 0 та.

«A» Серия

№ Жамоа Ў О
1 Интер 35 89
2 Милан 35 71
3 Ювентус 35 66
4 Болонья 35 64
5 Рома 35 60
6 Аталанта 33 57
7 Лацио 35 56
8 Фиорентина 34 50
9 Наполи 34 50
10 Торино 35 47
11 Монца 35 45
12 Женоа 35 43
13 Лечче 35 37
14 Верона 35 34
15 Кальяри 35 33
16 Фрозиноне 35 32
17 Эмполи 35 32
18 Удинезе 34 29
19 Сассуоло 35 29
20 Салернитана 34 15

ЕЧЛ

D - Гуруҳи

№ Жамоа Ў О
1 Интер 8 15
2 Реал Сосьедад 8 12
3 Бенфика 6 4
4 Зальцбург 6 4

Европа лигаси

- Гуруҳи

№ Жамоа Ў О

Италия кубоги

Нимчорак финал
13.01.2021
00:45 Милан
0:0
Торино
19:00 Фиорентина
1:2
Интер
21:45 Наполи
3:2
Эмполи
14.01.2021
00:45 Ювентус
3:2
Женоа
21:30 Сассуоло
0:2
СПАЛ
15.01.2021
01:15 Аталанта
3:1
Кальяри
20.01.2021
01:15 Рома
2:4
Специя
22.01.2021
01:15 Лацио
2:1
Парма
Чорак финал
27.01.2021
00:45 Интер
2:1
Милан
21:45 Аталанта
3:2
Лацио
28.01.2021
00:45 Ювентус
4:0
СПАЛ
29.01.2021
01:00 Наполи
4:2
Специя
Ярим финал
03.02.2021
00:45 Интер
1:2
Ювентус
04.02.2021
00:45 Наполи
0:0
Аталанта
10.02.2021
00:45 Ювентус
0:0
Интер
11.02.2021
00:45 Аталанта
3:1
Наполи
Финал
19.05.2021
23:59 Аталанта
1:2
Ювентус

International Champions Cup

Сўнгги учрашув

04.05.2024. «A» Серия. 35-тур.
23:45
Сассуоло		 1-0
Интер

Навбатдаги учрашув

10.05.2024. «A» Серия. 36-тур.
23:45
Фрозиноне		 -:-
Интер

ЖАМОА ТАРКИБИ

© STADION.UZ
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Ўзбекистон матбуот ва ахборот агентлигининг интернет-ОАВ гувоҳномаси №0917.

Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.