Кириш Регистрация

STD.UZ/INTER

Интер

  • Тўлиқ номи:
  • Бош мураббий:
  • Лақаби:
  • Жамоа сардори:
  • Ташкил топган:
  • Бош ҳомий:
  • Стадион:
  • Расмий веб-сайт:
  • Сиғими:
  • Клуб формаси:
  • Клуб президенти:

Клуб хабарлари

Спалетти феномени

"Наполи" 22 йил давомида бошқа кўплаб италян клублари қила олмаган ишни амалга оширди. Неаполликлар Милан ва Турин клубларининг гегемонлигини бузишди. Бу нафақат А Серия, балки 33 йил ичида илк бор чемпион бўлган “адзуррилар”нинг ўзлари учун ҳам муҳим. Бутун мавсум давомида мухлислар ва экспертлар “Наполи”нинг ҳужумкор ўйини, Виктор Осимхеннинг голлари ва Хвича Кварацхелиянинг голли узатмаларига қойил қолишди. Аммо бу жамоанинг асосий қаҳрамони — Лучано Спалетти.

Лучано Спалетти деярли бутун умрини Италия футболида ўтказади. Италияликнинг футболчи сифатидаги фаолияти беқиёс эди. Лучано деярли 20 ёшида профессионал дебютини қилган. Спаллетти бор-йўғи 11 йил давом этган фаолияти давомида "Кастельфьорентино", "Виртус Энтеллу", "Специя", "Виареджова" “Эмполи” клубларида ўйнаган, шундан сўнг бутсаларини михга илган. Эътиборлиси, “Эмполи” италияликнинг футболчилик фаолиятидаги сўнгги, мураббийликдаги биринчи клубига айланди.

Спалетти фаолиятини якунлаганидан бир йил ўтиб, 1995 йилда "кўклар" мураббийига айланган. Италиялик 3 йил давомида “Эмполи”ни бошқарган. Унинг раҳбарлигида “кўклар” C Серияда ғалаба қозонишди ва кейин иккинчи дивизиондан элитага кўтарилишди. Қисқа вақт ичида Спалетти ажойиб иш олиб бориб, учинчи дивизиондан жамоани олиб чиқди, бу эса бошқа клубларнинг эътиборини тортди.

"Эмполи"дан кейин Лучано "Сампдория" ва "Венеция" клубларини бошқарган, аммо бу клублар билан катта муваффақиятларга эриша олмади. “Удинезе” билан ҳаммаси бошқача тус олди. Италиялик "оқ-қоралар"ни уч йил бошқарди ва уларни Чемпионлар лигасига олиб чиқишга муваффақ бўлган биринчи мураббийга айланди. Қолаверса, мутахассис қўл остида “Удинезе” А Серияда ўртамеёна жамоага айланди.

"Удинезе"дан сўнг Спалетти "Рома"га мураббий бўлиб келди. Римда мутахассис нафақат Италияда, балки хорижда ҳам ҳайратга соладиган жамоа тузди. Рим клубидаги фаолияти давомида Спалетти икки марта Италиянинг энг яхши мураббийи сифатида тан олинган. Унинг қўл остида римликлар икки марта Италия кубоги ва бир марта Суперкубогини қўлга киритишди. "Рома"да Спалетти биринчи марта Скудеттога яқинлашди, аммо у чемпионликни қўлга кирита олмади. Тўрт мавсумнинг учтасида унинг қўл остидаги пойтахт клуби чемпионлик пойгасида "Интер"га ютқазиб, иккинчи ўринни эгаллади.

Шундан сўнг, италиялик "Зенит"ни тўрт йил бошқарди, у билан икки марта чемпионликни қўлга киритди, аммо А Серияда унинг тугалланмаган ишлари бор эди. 2016 йилнинг январида Лучано бир ярим йил давомида “Рома”га қайтди. Биринчи мавсумда унинг қўл остидаги римликлар А Серияда учинчи, кейинги мавсумда иккинчи ўринни эгаллади. Бу сафар “бўрилар” чемпионлик пойгасида “Ювентус”га имкониятни бой бериб, “бянконери”дан 4 очко ортда қолди. Аммо "Рома" мавсумда тўпланган очколар (87) ва голлар сони (90) бўйича ўз рекордини ўрнатди.

2017 йилнинг ёзида Спалетти “Интер”ни қабул қилиб, Массимилиано Аллегридан кейин А Сериянинг иккинчи энг кўп маош оладиган мураббийига айланди. Биринчи мавсумдан сўнг Лучано "нерадзурри"ни Чемпионлар лигасига қайтарди. Бироқ томонлар каттароқ мақсадларга эриша олмадилар. 2018/19 йилги мавсум якунида “қора-кўклар” мутахассисни истеъфога чиқариб, унинг ўрнига Антонио Контени тайинлади. "Интер" билан хайрлашиш италиялик учун оғриқли бўлди. "Нерадзурри"ни тарк этгач, вақти-вақти билан турли хил вариантлар пайдо бўлишига қарамай, у 2 йил ишсиз қолди.

2021 йилнинг ёзида Спалеттининг "Наполи" билан тарихи бошланди. Эътиборлиси, дастлаб клуб президенти Аурелио Де Лаурентис Аллегрини тайинламоқчи эди. Неаполликлар кўпинча иккинчи ва учинчи ўринларни эгаллашди, лекин ҳеч қандай тарзда чемпионликни қўлга кирита олишмади. Италиялик Аллегрини Скудетто учун курашадиган идеал номзод деб ҳисоблаган. Бироқ, мутахассиснинг ҳимоявий услуби “адзурри” фалсафасига мос келмаслигига ишонган Де Лаурентис фикрини ўзгартирди.

Натижада Аллегри “Ювентус”га қайтди, “Наполи” эса Спалеттини тайинлади. Биринчи мавсумда мутахассис раҳбарлигида неаполликлар А Серияда учинчи ўринни эгаллашди. Жорий мавсум олдидан “адзурри”лардан умидлар унчалик катта эмас эди, чунки жамоани бир қанча муҳим футболчилар тарк этишди ва уларнинг ўрнини унчалик машҳур бўлмаган футболчилар эгаллади. Аммо, вақт кўрсатганидек, Лучано ва спорт директори Кристиану Жиунтоли ҳамма нарсани тўғри бажаришди, масалан, ҳимоячи Ким Мин Чже ва қанот ярим ҳимоячиси Хвича Кварацхелия билан шартнома имзолашди.

А Сериянинг биринчи мавсумидаёқ ёш грузиялик гол+пас тизимида (12+10) 22 очко тўплашини ким ҳам ўйлабди. Ҳатто Де Лаурентис ҳам бунга ишонмаган бўлса керак, чунки у ўтган ёзда футболчини сотиб олишга шубҳа қилганди. Натижада, Спаллетти ва Жиунтоли номлари катта бўлмаган, аммо катта амбицияларга эга жамоани йиғишди. Ва бу жамоанинг бош қаҳрамони унинг устози эди. Скудетто учун Италия А Сериясининг 533 та ўйини керак бўлди. Бу чемпионликни қўлга киритган барча мураббийлар орасида энг ёмон кўрсаткич, лекин Лучанога бу қизиқ бўлмаса керак.

Киритилди: 13.05.2023 15:36. Ўқилди: 1615 марта. Фикрлар: 0 та.

«A» Серия

№ Жамоа Ў О
1 Интер 33 86
2 Милан 34 70
3 Ювентус 34 65
4 Болонья 33 62
5 Рома 33 58
6 Лацио 34 55
7 Аталанта 32 54
8 Наполи 33 49
9 Фиорентина 32 47
10 Торино 33 46
11 Монца 34 44
12 Женоа 33 39
13 Лечче 34 36
14 Кальяри 33 32
15 Верона 34 31
16 Фрозиноне 34 31
17 Эмполи 33 31
18 Удинезе 33 28
19 Сассуоло 33 26
20 Салернитана 34 15

ЕЧЛ

D - Гуруҳи

№ Жамоа Ў О
1 Интер 8 15
2 Реал Сосьедад 8 12
3 Бенфика 6 4
4 Зальцбург 6 4

Европа лигаси

- Гуруҳи

№ Жамоа Ў О

Италия кубоги

Нимчорак финал
13.01.2021
00:45 Милан
0:0
Торино
19:00 Фиорентина
1:2
Интер
21:45 Наполи
3:2
Эмполи
14.01.2021
00:45 Ювентус
3:2
Женоа
21:30 Сассуоло
0:2
СПАЛ
15.01.2021
01:15 Аталанта
3:1
Кальяри
20.01.2021
01:15 Рома
2:4
Специя
22.01.2021
01:15 Лацио
2:1
Парма
Чорак финал
27.01.2021
00:45 Интер
2:1
Милан
21:45 Аталанта
3:2
Лацио
28.01.2021
00:45 Ювентус
4:0
СПАЛ
29.01.2021
01:00 Наполи
4:2
Специя
Ярим финал
03.02.2021
00:45 Интер
1:2
Ювентус
04.02.2021
00:45 Наполи
0:0
Аталанта
10.02.2021
00:45 Ювентус
0:0
Интер
11.02.2021
00:45 Аталанта
3:1
Наполи
Финал
19.05.2021
23:59 Аталанта
1:2
Ювентус

International Champions Cup

Сўнгги учрашув

22.04.2024. «A» Серия. 33-тур.
23:45
Милан		 1-2
Интер

Навбатдаги учрашув

28.04.2024. «A» Серия. 34-тур.
15:30
Интер		 -:-
Торино

ЖАМОА ТАРКИБИ

© STADION.UZ
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Ўзбекистон матбуот ва ахборот агентлигининг интернет-ОАВ гувоҳномаси №0917.

Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.