АПЛ. «Ливерпуль» «Челси» билан дуранг ўйнади ва ЕЧЛ билан хайрлашди

"Челси" жамоаси Англиянинг амалдаги чемпиони сифатидаги илк ўйинини ўз майдонида "Ливерпуль"га қарши ўтказди. Лондонликлар ўз мухлисларига олдида гранд жамоалардан бирига ютқазмадилар.

Учрашувда киритилган ҳар иккала гол жамоаларнинг сардорлари ҳисобига ёзилди. Ўйиннинг 5-дақиқасида бурчакдан етказиб берилган узатмани Жон Терри бош билан дарвозага жойлаб қўйди. Жеррард ҳам ўз голини бош билан урди. Фақат узатма бурчакдан эмас, жарима тўпи орқали етказилганди. Бу гол биринчи бўлимнинг охирги дақиқаларига тўғри келди.

"Ливерпуль" иккинчи бўлимда ғалабани қўлга киритиш учун ҳаракат қилди, аммо Моуриньо шогирдлари рақибга имкон беришмади.

Ушбу натижадан кейин мерсисайдликлар ЕЧЛ йўлланмаси билан хайрлашишди. "Манчестер Юнайтед" эса Англиядан нуфузли мусобақа йўлланмасига эга бўлган тўртинчи жамоага айланди.

АПЛ, 36-тур
Челси – Ливерпуль 1:1 (1:1, 0:0)
Голлар: 1:0 – 5 Терри, 1:1 – 44 Жеррард.
Челси – Куртуа, Иванович, Зума (Кэйхилл, 35), Терри, Филипе Луис, Лофтус-Чик (Матич, 60), Виллиан, Азар, Фабрегас, Оби Микел, Реми (Куадрадо, 84).
Ливерпуль – Миньоле, Жан, Ловрен, Шкртел, Жонсон, Стерлинг, Хендерсон, Лаллана (Айб, 71), Коутиньо, Жеррард (Лейва, 79), Ламберт (Синклэйр, 68).
Огоҳлантиришлар: Фабрегас (2), Лаллана (20), Шкртел (26), Ламберт (29), Иванович (43), Оби Микел (58), Филипе Луис (82).