ЎзПФЛ 17-тур доирасидаги “Насаф”-“Олмалиқ” жамоалари ўртасидаги учрашув бўлиб ўтди. Учрашув жуда қизиқарли ва курашларга бой тарзда ўтди. Кутилганидек учрашувга старт берилгандан жамоамиз ҳужумлар уюштириб, тезкор гол киритиш пайида бўлишди. Аммо меҳмонларнинг ҳимоячилари яхши ҳаракат қилишиб, бунга йўл қўйишмади.
Жамоамиз томонидан энг хавфли вазиятлардан бири учрашувнинг 16-дақиқасида содир этилди. Бунда Драган Чераннинг дарвозага чамаси 20-метрлардан берган зарбаси дарвоза устунига тегиб, майдонни тарк этди.
Учрашувдаги ҳисоб ўйиннинг 30-дақиқасида очилди. Бу вазиятда тўпни қайтараман деб, ҳимоячимиз Шерзод Аъзамов ўз дарвозамизни ишғол қилиб қўйди – 1:0.
Орадан бир дақиқа ўтиб, жамоамиз томонидан ташкил этилган тезкор ҳужум гол билан якунланди. Бу вазиятда майдоннинг чап қанотидан жарима майдонига яқинлашиб борган Фарруҳ Сайфиев тўпни ҳаволатиб, жарима майдонига узатиб берди. Азамат Алланиёзов эса ҳаммадан баланд сакраб, боши билан дарвозага аниқ зарба берди – 1:1.
Учрашув биринчи бўлими ана шу ҳисобда якунланди.
Иккинчи бўлим ҳам кутилганидек жамоамиз ҳужумлари билан бошланди. “Олмалиқ” жамоаси футболчилари иккинчи бўлим бошида ҳимояланишган бўлишса, кейинги дақиқаларда улар ҳам қарши ҳужумлар уюштириб, ҳисобни тенглаштиришга ҳаракат қилишди.
Жамоамизнинг иккинчи голи учрашувнинг 58-дақиқасида Ислом Рашидхонов томонидан киритилди – 2:1. Ўнг қанотдан ташкил этилган ҳужумда Рашидхонов жарима майдони ичида дарвозага аниқ зарба йўллади, бу вазиятда дарвозадан узоқлашиб кетган Умид Хонимқулов тўпни қайтаришга ожизлик қилди.
Кейинги дақиқалрда ҳам жамоамиз томонидан кўплаб хавфли вазиятлар юзага келтирилди. Айрим вазиятларда ўйинчиларимизда дарвозани нишонга олишда аниқлик етишмаган бўлса, бошқа вазиятларда “Олмалиқ” жамоаси футболчилари яхши ҳимояланишди.
Шундай қилиб, қийин кечган учрашувда жамоамиз ғалаба қозонди ва муҳим уч очкони ўз ҳисобига ёзиб қўйди.
“Насаф” навбатдаги 18-тур учрашувини 12 август куни сафарда “Обод жамоасига қарши ўтказади.
ЎзПФЛ, 17-тур. 08.08.2016.
“Насаф” (Қарши) – “Олмалиқ” (Олмалиқ) 2:1 (1:1). 5156 томошабин
“Марказий” стадион. Соат 20:00да
Бош ҳакам: Олим Толибжонов (Тошкент)-8,6
Қанот ҳакамлари: Равиль Шояхметов (Тошкент)-8,7, Сервер Еремеев (Тошкент)-8,5
Захира ҳаками: Элёр Турсунов (Бухоро)-9,0.
Назоратчи: Алишер Абдуллаев (Тошкент).
Голлар: Азамат Алланиёзов (31), Ислом Рашидхонов (58) - Шерзод Аъзамов (30 автогол)
“Насаф”: 25.Элдор Суюнов, 23.Шерзод Аъзамов (с), 22.Игорь Голбан, 7.Шуҳрат Муҳаммадиев (27.Ислом Рашидхонов 42), 31.Сайдулло Раҳматов, 28.Фозил Мусаев, 18.Баҳром Абдураҳимов, 34.Фарруҳ Сайфиев, 21.Азамат Алланиёзов (38.Дониёр Нарзуллаев 90), 24.Огнен Красич, 69.Драган Черан.
Захира: 35.Санжар Қувватов, 4.Мақсуд Каримов, 5.Ильдар Маматказин, 33.Одил Ҳамробеков, 15.Шахбоз Эркинов.
“Олмалиқ”: 16.Умид Хонимқулов, 3.Саидкомил Акбаров, 4.Абдуқаҳҳор Хожиакбаров, 5.Евгений Гоголь, 9.Муйдин Мамазулумов, 11.Зоҳир Примов, 25.Достон Абдураҳмонов (14.Дониёр Исмоилов 32, 21.Дониёр Усмонов 38), 28.Мурод Ражабов (77.Диёр Туропов 25), 33.Ойбек Нурбоев, 94.Хуршид Мухторов, 99.Шохназар Норбеков.
Захира: 12.Роман Абдулов, 6.Раҳматилло Бердимуродов, 17.Муҳаммад Исаев, 23.Тимур Усмонов.
Огоҳлантириш: Элдорбек Суюнов 86, Огнен Красич 86, Драган Черан 70 - Шохназар Норбеков 22, евгений Гоголь 86, Хуршид Мухторов.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
