Stadion.uz замонавий футбол оламидаги энг иқтодорли футболчилар кимларни эътироф этиши билан қизиқди.
Мейсон Гринвуд : Руни, Роналдо, Ван Перси
“Манчестер Юнайтед”нинг бу йигитчадан умиди катта. У эса ўз кумирлари сингари юқори марраларни кўзалмоқда.
"Руни ва Роналду доимо мен учун алоҳида ўринга эга футболчилар бўлишган. Мен уларни кузатиб боришдан сира чарчамас эдим. Шундай бўлсада, мен Руни сингари буюк ҳужумчи бўлишни истайман. Уэйн майдонда бир вақтнинг ўзида бир нечта вазифани бажаришга қодир универсал аскар эди. Роналду, жамоамизда тўп сурганига анча бўлди. Унинг ўйинларини томоша қилмаган бўлсамда, дадамдан эшитганларим бор. Криш бутун дунёдаги ёш футболчилар учун чинакам наъмуна. Эътиборлиси шундаки, менинг ўйинларимини Робин Ван Персига ўхшатишмоқда. Бу қувонарли ҳолат. Умид қиламанки, фаолиятим давомида ушбу ҳужумчилар даражасигача чиқа оламан"
Тренд Александер-Арнолд: Жеррард, Лам, Алвес
Бугунги кунда сайёрамизнинг энг кучли қанот ҳимоячиси деб эътироф этилаётган футболчи “Ливерпуль”нинг ашадий мухлиси бўлганини тахмин қилиш мушкул эмас. Унинг севикли футболчиси Стивен Жеррард! Бошқача бўлиши ҳам мумкин эмас.
“Мен доимо Жеррарднинг ўйинларидан завқланганман. У “Ливерпуль”нинг чинакам қаҳрамони ва тирик афсонаси. Стивеннинг футболчилар орасидаги ҳурмати жуда баланд. Унинг жамоадаги ёш футболчилар учун қайғуриши унга бўлган ҳурматимни оширади. Каттароқ бўлишни бошлагач, ўз позициямда тўп сурувчи футболчиларни кузатишни бошладим. Ўшанда англаб етдим-ки, қанотдаги энг кучли ҳимоячилари Филип Лам ва Дани Алвес экан. Катта футболга кириб келиш олдидан уларга ўхшашга ҳаракат қилар эдим"
Эрлинг Ҳоланд: Ибраҳимович, Сульшер, Мичу
Ёш норвегиялик футболчи ўз минтақасидан етишиб чиққан футбол юлдузларга ҳавас қилиб футболга кириб келган. Шундай бўлсада, Мичуни ҳам унутгани йўқ.
“Менда ҳавас қилишим мумкин бўлган футболчилар жуда кўп бўлган. Мен бир нечта ажойиб ижрочилар билан майдонда тўқнаш келганман. Шундай бўлсада, Ибраҳимович улардан тубдан фарқ қилади. Унинг супер юлдузликка қадар босиб ўтган йўли таҳсинга сазовор. Боз устига у ҳам Скандинавиядан! Шунингдек, менинг футболчи сифатида ўсишимда Оле-Гуннар Сульшернинг тутган ўрни ҳам беқиёс. У ўз даврининг энг кучли футболчиларидан бири бўлган ва мени ҳам шундай бўлиб етишишим учун ёрдам берган. У ажойиб инсон ва кучли мураббий.
Килиан Мбаппе : Роналду, Зидан, Роналдо
Ёш футболчининг 13 ёшида Роналдунинг фонида тушган суратларини томоша қилган бўлсангиз керак. Орадан 7 йил ўтиб, Мбаппенинг ўзи ҳам Роналду сингари дунё даражасидаги юлдуз бўлиб етишди!
“Мен кўплаб футболчиларнинг ўйинларидан завқланиб катта футболга кириб келганман. Мисол учун ёшлигимда мен учун Зидандан кучлироқ футболчи йўқ эди. Ўйлашимча, ўша даврларда барча француз болаларининг орзуси Зиданга ўхшаб тўп тепиш бўлган десам, адашмаган бўламан. Кейинроқ Роналдунинг мухлисига айландим. Ҳатто у билан юзма-юз кўришиш ҳам насиб этди. Бугунги кунда Роналдонинг мухлисига айланиб боряпман. Сабаби, унинг ўйин манераси ҳеч кимникига ўхшамайди. Мен ҳам ҳудди Роналдо сингари футбол тарихида ўз номимни қолдирмоқчиман.
Жейдон Санчо: Роналдиньо, Дрогба, Лемпард
Лондонлик болакай “туманли албионда” эмас, Бундеслигада катта машҳурликка эришди. Унинг “кумирлари” ҳам Лондондан бўлса, ажабланманг!
“Ёшлигимда Роналдиньонинг майдонда амалга оширган шоу элиментларини “You Tube”дан тинмай томоша қилишни ҳуш кўрар эдим. Кейинроқ, “Челси” жамоаси мухлисига айландим. Дрогба ва Лемпард сингари мега юлдузларнинг ўйинлари мени ўзига шайдо қилишни бошлади. Агар мендан кимнинг ўйинларидан завқланасан деб сўрасангиз, шу учта футболчини айтган бўлар эдим.
Маттиас Де Лигт: Пике, Рамос, ван Дейк
Ҳимоячи ўз амплуасидаги энг кучли футболчиларни эътироф этгани тушунарли ҳолат. Голландиялик футболчи анча аввалроқ ҳимоячи бўлишни кўнглигиа тузиб қўйган бўлса керак.
“ Доимо яхши футболчиларни кузатиб борганман, бироқ улардан 3тасини алоҳида кўрсатган бўлар эдим. Мен учун Серхио Рамос чинакам наъмуна. Пике ва Виржил ҳам ундан қолишмайдиган иқтидор эгалари. Шунингдек бир нечта италиялик ҳимоячиларни ҳам алоҳида қайд этиб ўтиш жоиз. Барези, Каннаваро, Малдини ва бошқа кўплаб италиялик ҳимоячиларнинг ўйинларини завқ билан томоша қилганман. Айнан италиялик ҳимоячилар сабабли марказда тўп суришни танлаганман. Ваҳоланки, ярим ҳимоячи бўлишим ҳам мумкин эди.
Винисиус: Неймар, Роналдино
20 ёшли “Реал” футболчиси ўз ватандошларини айтиши табиий ҳол. Сабаби, Бразилиядаги ёш футболчиларнинг барчаси ўз мамлакатидан етишиб чиққан юлдузларга ўхшашга ҳаракат қилади.
"Неймар – меннинг ёшлигим ва ундаги энг ширин хотираларнинг эгаси! Футбол майдонида у амалга оширган ҳаракатларни қайтариш учун ҳам футболчи бўлганман. Бугунги кунда ҳам у билан алоқаларимиз яхши. У тинмай менга турли финтларни амалга оширгани акс этган видеоларни юбориб туради ва шундай қила оласанми деб сўрайди. Эътиборлиси у тўп билан амалга оширган мўъжизаларни бошқалар уддалай олмаслиги аниқ. Шунингдек Роналдиньонинг ўйинларини томоша қилишни ҳуш кўраман. Ундан ўрганиш мумкин бўлган элиментлар жуда кўп.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
