Ушбу рукнимиздаги энг сўнгги янгиликлар билан таништиришда давом этамиз.
“Реймс” АПЛдан таклиф олди
Франциянинг “Реймс” клуби ҳимоячиси Аксел Дисаси фаолиятини Англияда давом эттириши мумкин.
“L’equipe” нашрининг маълум қилишича, “Вулверҳемптон” 22 ёшли ҳимоячини ўз сафига қўшиб олмоқчи. Манбада ёзилишича, “бўрилар” Аксел учун 15 миллион евро таклиф қилади.
Эслатиб ўтамиз, Дисасини трансфермаркет портали 7,1 миллион фунт стерлингга баҳолаган.
“Гент” футболчиси нишонда
Белгиянинг “Гент” клубининг канадалик футболчиси Жонатан Девид ёзда АПЛ грандларидан бири сафига ўтадиган кўринади.
HLH нашрининг маълум қилишича, 20 ёшли ҳужумчи учун “Арсенал” ва “Манчестер Юнайтед” жамоалари жиддий кураш олиб боришмоқда. Манбада ёзилишича, Оне-Гуннар Сулшер аллақачон футболчи билан трансфер борасида гаплашиб олишга улгурган.
Эслатиб ўтамиз, Жонатан Девид Белгия чемпионатида 60 та ўйинда майдонга тушган ва 30 та гол+11 та ассисни қайд этган.
“Юве” “Челси” билан келишмоқчи
Туриннинг “Ювентус” жамоаси “Челси” ярим ҳимоячиси Эмерсонни ижарага олишни режа қилмоқда.
“Tuttosport”нинг маълум қилишича, “зебра”лар Куадрадони аввалроқ Куадрадони ижарага олиб сўнг сотиб олгани каби Эмерсонни ҳам синовдан ўтказгач сотиб олиш ниятида.
Эслатиб ўтамиз, Эмерсон бу мавсумда АПЛнинг 14 та ўйинида майдонга тушди, бироқ бирорта фойдали ҳаракатни амалга оширгани йўқ.
Видал қоладими?
Каталониянинг “Барселона” жамоаси ярим ҳимоячиси Артуро Видал келажаги борасида якуний қарорга келди.
“MundoDeportivo”нинг маълум қилишича, чилилик футболчи мавсумлар оралиғида “Барселона”да қолиш истагида. Шу сабабли Италия клубларидан келиб тушаётган таклифларни рад этмоқчи.
Эслатиб ўтамиз, Артуро ушбу мавсумда “Барселона” сафида “Ла Лига”нинг 22 та ўйинида иштирок этди ва 6 та голга муаллифлик қилди.
Вертонген Италия йўл олади
«Англиянинг “Тоттенҳем” жамоаси марказий ҳимоячиси Ян Вертонген ёзда катта эҳтимол билан Италия клубларининг бири билан шартнома имзолаши мумкин.»- деб хабар бермоқда “Tuttosport” нашри
33 ёшли футболчининг ҳизматласри билан “Наполи”, “Милан”, “Интер” ва “Фиорентина” жамоалари жиддий қизиқиб қолган.
Белгиялик футболчи ёзда эркин агентга сифатида ўзи истаган клубдан бирига ўтиши мумкин. “Шпорлар” эса, унинг ўрнини тўлдиришга қодир ёш футболчиларни излашни бошлаб юборди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
