Сўнгги кунларда «Ювентус» ҳужумчиси Криштиану Роналдунинг "Манчестер Сити"га ўтиши мумкинлиги ҳақидаги хабарлар соат ўтгани сари кўпайиб бормоқда.
Масалан, португалиялик бир неча кун олдин машғулотларни эрта тарк этгани, "Манчестер Сити" футболчилари билан эҳтимолий трансфер мавзусида гаплашгани ва «Ювентус» кийим алмаштириш хонасидан барча нарсаларини олиб кетгани ҳамда Турин клуби раҳбариятига уни сотишларини сўрагани ҳақидаги хабарлар фикримизни исботлайди.
Энди келинг, Роналду «шаҳарликлар» сафига бориб қўшилса Пеп Гвардиоланинг жамоа ҳужум чизиғида қандай ўзгаришлар бўлиши мумкинлиги ҳақида тўхаталиб ўтамиз.
Стерлинг, Фоден, Грилиш, Торрес, Жезус, Бернарду, Маҳрез + РОНАЛДУ.
Айни вақтда «Сити»нинг ҳужум чизиғи жуда ҳам шаклланган ва уларга айнан ҳужумни якунлайдиган битта тўққизлик футболчи етишмаяпти.
Серхио Агуэронинг «Барселона»га ўтиб кетиши, Габриел Жезуснинг жароҳатга мойил бўлиб қолгани ва аввалги юқори спорт формасига қайта оламаётгани - марказий ҳужумчига бўлган талабни ошириб юборди.
Клуб аввал Эрлинг Холандга, кейинчалик эса Ҳарри Кейнга ва хатто Роберт Левандовскига ҳам қизиқиб кўрди. Улардан биттаси ҳам Манчестер клубига ўтгани йўқ. Бу ерда турли сабаблар бўлганини ҳам таъкидлаш керак. Лекин, ҳозир булар муҳим эмас.
Келаси мавсум эркин агентга айланадиган Криштиану Роналду ойлик маоши қисқаришига қарамасдан "Манчестер Сити" вариантини жиддий ўрганиб чиққан кўринади.
Хўш, Роналду «Сити»га ўтса қайси футболчилар унга асосий таркибда ҳамроҳлик қилишади? Биргаликда бир неча вариантларни кўриб чиқамиз.
Биринчи вариант. ГРМ — Грилиш, Роналду, Маҳрез
"Астон Вилла"дан харид қилинган Жек Грилиш чап қанотда ўзини эркин ҳис қилади ва буни бир неча ўйинда кузатишга улгурдик. Риёд Маҳрез жуда юқори дриблингга эга футболчи ва уни Гвардиола ўнг қанотда ўйнатиши мумкиин. Бундан ташқари орқароқда Кевин де Брюйненинг заргарона узатмаларини ҳам Криштиану Роналду қадрлаши ва уларни голга айлантириш эҳтимоли юқори.
Иккинчи вариант. Стерлинг + Роналду + Фоден
Стерлинг ва Фоден Евро-2020 мусобақасида Англия терма жамоасида Ҳарри Кейнга қандай ёрдам беришгани ва ўз имкониятларини қай даражада кўрсата олишганини кўрдик. Уларнинг ёнида Роналду каби етакчи афсона борлиги мазкур англияликларнинг имкониятидан юқорироқ даражада ўйнашлари учун замин ҳозирласа ажаб эмас.
Учинчи вариант. Торрес + Роналду + Бернарду
Испаниялик ёш вингер Ферран Торрес ҳам Европа чемпионатида ўз салоҳиятини намойиш эта олди. Бернарду Силва эса бир неча йиллардан бери ҳамюрти билан Португалия терма жамоасида ажойиб ўйинлар ўтказиб келмоқда ва Роналдуни жуда яхши тушунади.
Габриел Жезус мавсумни асосан захирада ўтказиши ва Роналдунинг ўрнига майдонга тушиши мумкин. Агар у жамоада қоладиган бўлса, вазиятларни голга айлантириши борасида анчагина тажриба тўплашига шубҳа йўқ.
Жезус жамоани тарк этса ҳам Пеп Гвардиолада Роналду чарчаб қолган пайтда унинг ўрнини Стерлинг, Торрес ва ҳатто Бернарду Силва билан тўлдириши мумкин. Буни биз олдинги ўйинларда ҳам кузатдик.
Юқоридаги вариантлардан ташқари ҳужум чизиғида яна кўплаб алмашишларни амалга ошириш мумкин ва уларнинг барчасида Роналду тўққизлик вазифасини аъло даражада уддалай олишига ҳеч ким шубҳа қилмаса керак. Воқеалар ривожини биргаликда кузатамиз. Роналду Манчестер шаҳрига қайтмоқда, бу сафар «Сити»га! Оз қолди...
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
