Кеча ёзги трансферлар ойнасининг бу йилги сони якунига етди. Мазкур ойнанинг охирги кунида амалга оширилган трансферлар ҳақида маълумот бериб ўтамиз.
Антуан Гризманн. Франциялик форвард «Барселона»дан «Атлетико»га бир мавсумга ижара учун берилди. Шартномада футболчини 40 млн еврога сотиб олиш ҳуқуқини ҳам кўриш мумкин. 2 йил олдин каталонияликлар аъзосига айланган Гризманн яна ўзининг қадрдон Мадрид клубига йўл олмоқда. Мессисиз заифлашган «Барселона» ҳужум чизиғи яна бир тажрибали юлдуз футболчисини йўқотди.
Ўз навбатида мазкур чизиқни тўлдириш учун «Севиля» ҳужумчиси Люк де Йонг бир мавсумга ижарага олинди.
«Челси» марказий ярим ҳимоя чизиғини Диего Симеоненинг кўп йиллик шогирди Сауль Нигес билан кучайтиришга муваффақ бўлди. Лондонликлар испаниялик хавбекни 5 млн евро эвазига бир мавсум учун ижарага олишди. Тасаввур қиляпсизми: Канте, Жоржинё, Ковачич, Саул, Маунт, Зиеш. «Аристократлар» ушбу чизиғи билан исталган клуб билан рақобатлаша олади.
«Ренн» ярим ҳимоячиси Эдуар Камавинга 31 млн евро эвазига «Реал» билан 2027 йилга қадар шартнома имзолади. Франциялик иқтидор эгасининг олдида МЮ ва ПСЖ вариантлари ҳам бор эди. Аммо, у "Қироллик клуби"да фаолиятини давом эттиришни танлади.
Амалга ошмай қолган трансферлар
Килиан Мбаппе ПСЖдан «Реал»га йўл олиши кутилган эди. Лекин, футболчининг ўзи ушбу трансферни истаган бўлса ҳам, Париж клуби раҳбарияти бир неча таклифларни кўриб чиқди ҳамда «Реал»нинг барча таклифларини рад этди. Шу ўринда, парижликлар Мбаппега йилига 45 млн евро маош билан 2024 йилга қадар шартнома ҳам таклиф қилди. Аммо, Килиан ушбу таклифни ҳам рад этди. Бу кетишда, 22 ёшли ҳужумчи келаси йилда эркин агент сифатида «Реал»га йўл олиши мумкин.
Эрлинг Холанд
"Боруссия Дортмунд" форварди Эрлинг Холандга ПСЖ ва «Челси» жамоаларидан жиддий қизиқиш бўлганига қарамай, норвегиялик янги мавсумни дортмундликлар сафида давом эттирадиган бўлди.
Харри Кейн "Манчестер Сити"нинг асосий мақсади бўлди. Бироқ, ушбу ёзги трансферлар ойнасида «Тоттенҳем» 28 ёшли футболчисини қўйиб юбормади. Натижада, бир неча кун «шпорлар» машғулотларида кўриниш бермаган Кейн эндиликда яна жамоанинг етакчиси сифатида «Тоттенҳем» шарафини ҳимоя қилади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
