Футболда қаҳрамонлар борми? 90 дақиқалик ўйинда ўз жамоаси ғалабаси учун ҳаракат қилган ва буни уддасидан чиққан ҳар бир футболчи қаҳрамон аслида. Футбол афсоналари айнан шунинг учун, ҳар бир ўйиндаги ҳаракатлари учун афсона номига муносиб бўлишган, наздимда. Лекин баъзи бир фигуралар учун бундай анъана-ю қонунлар ишламайди, сизга айтсам.
"Барча даврларнинг энг яхши футболчиси" бўлмиш ана шундай бир даҳо борки, ҳар қандай ўзи қатнашмаган футбол учрашувлари қаҳрамони бўла олади. Фаҳмлаганингиздек, бу Златан! Ўзининг таъбири билан айтганда, инглизлар футболни 1863 йилда Ибра учун ўйлаб топишган. Ўйини сифати билан биргаликда мана шундай "иқтибослар"и футбол мухлислари учун яхшигина таниш. Келинг, яқинда футболдаги дебютига 21-йил тўлган (1999-йил, 3-октябр) "терминатор"нинг яқин йиллардаги бир нечта жиддий ҳазилларини эслаймиз.
Қариганида ҳам "қуюлмаган" Златан 2020 йили "Милан" га қайтганида журналистнинг "Энг яхши футболчи билан рақобатлашишга тайёрмисиз" деган саволига "Месси қачон А Серияга келди" деб жавоб берган. Бошқа футболчиларга нисбатан очиқдан очиқ ҳурматсизлик қилиши Златандан бошқасига ярашмаса керак-а?
Нима учун унда Олтин тўпи ва жаҳон чемпионати кубоги йўқлигини сўрашганда эса "Энг зўри эканлигимни билиш учун совриш шарт эмас" деб жавоб қайтарганди. Шунингдек, севгилисига берган энг катта совғаси ўзи эканлигини ҳам таъкидлаб ўтганди.
"Менсиз ўтадиган Жаҳон чемпионати? Менимча буни томоша қилишнинг қизиғи йўқ". Моуриньоча феълга эга футболчидан шу ва шунга ўхшаш гаплар деяри барча у қатнашган матбуот анжуманларида бўлади. Бу баъзан одамни ғашини келтирса, баъзан кайфият олиб келади.
"Лос-Анжелос Гелекси" даги сўнгги интервьюларидан бирида Ибра шундай деганди: "Келдим, кўрдим, забт этдим, кетдим. Арзимайди. Сиз Златанни истадингиз, мен келдим. Ҳақиқий Златанни ҳис қилдингиз. Энди бемалол бейсболингизни кўраверинг". Златандан чиқаётгани учун ҳар доимгидек қабул қилинганди бу сўзлар. Ҳа, у шундай - ҳеч қачон мағлубиятни тан олмайдиган, ҳар қандай ҳолатда ўзини бир неча қадам олдинда деб ҳисоблайдиган, балким қувноқ, шубҳасиз афсонавий фуболчи.
Златаннинг футбол атрофидаги "доҳиёна" фикрлари учун анча мунча қораламалар керак, аслида ҳозир бир нечтасини эсга олдик, халос. Нима бўлганда ҳам ҳамон юқори спорт формадаги, ҳамон жарима майдонидаги энг хавфли, шунинг билан бирга кибрсиз бўлса "ўзига ўхшмайдиган" Златан Ибрагимович футбол афсонаси эканлигини айнан шу сифатлари билан исботлаб бўлган.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
