Чоршанба куни Эрлинг Холанд яна иккита гол урди бу сафар «Копенгаген» Чемпионлар лигасида таслим этилди.
Куни кеча El Chiringuito инсайдерни шов-шув кўтарди: "Реал"нинг собиқ футболчиси ва "Малага"нинг собиқ президенти, шунингдек, "Реал"нинг собиқ президенти Лоренцо Санснинг ўғли Фернандо Санс “Манчестер Сити” ҳужумчиси 2024 йилда Мадрид клубига ўтишини айтди. "Менда Холанднинг шартномасида икки йиллик шартномадан кейин кетиш варианти борлиги ҳақида маълумотга эгаман, "Реал Мадрид" футболчини арзонлаштирилган нархда сотиб олиши мумкин", - дейди Фернандо Санс.
Каталония радиосининг таниқли мухбири Ориоль Доменекнинг қўшимча қилишича, бундай имконият нафақат "Реал Мадрид"да бор: футболчи «Барселона»га ҳам бориши мумкин, бу банд "Англиядан ташқаридаги баъзи клубларга" тегишли.
Холанднинг «Сити» билан шу ёзда тузилган шартномаси 2027 йилгача амал қилади (Эрлинг ҳафтасига 350 минг фунт ва бонуслар олади) ва клуб қўшимча келишувлар мавжудлигини инкор этади: улар SKY Sports'га маълумотлар нотўғри эканлигини ва ҳеч қандай қўшимча бандлар йўқлигини айтишган.
Пеп ҳам ўз фикрларини билдириб ўтди: «Холанднинг «Реал»га ўтиши ҳақида ҳеч қандай банд йўқ, бу нотўғри. Менимча, у "Ман Сити"да жуда бахтли.
Бироқ, The Athletic хабарига кўра, ҳужумчининг шартномасида ҳамон бошқа гранд клубга 2 йилдан кейин кетиш банди бор. Лекин ўша жамоалар номи маълум эмас.
Испания оммавий ахборот воситалари Холанднинг июль ойида, "Сити"га кўчиб ўтгандан сўнг 2 йиллик муддатдан кейин жамоани тарк этиши мумкинлиги ҳақида ёзишган.
Маrса бирданига иккита трансфер вариантини эслатиб ўтди: 2024 йилда 200 миллион евро ва 2025 йилда 175 миллион евро. Англияда товон пулининг аниқ миқдорини белгилаш тақиқлангани боис, уларнинг фаоллашуви Холанднинг «шаҳарликлар» таркибида маълум совринларга эришиши билан боғлиқ.
Нашрнинг ёзишича, “Реал Мадрид” раҳбарияти Эрлингнинг инглиз клуби билан шартномасининг бундай тафсилотларини билган ва футболчининг вакиллари бундай товон пулини талаб қилгани учун мадридликлар келишувни якунламаган.
Қолаверса, ўшанда Килиан Мбаппе билан оғзаки трансфер келишуви бўлган: ўшанда франциялик футболчи ҳали «ПСЖ» билан янги шартнома имзоламаган эди. У "Реал Мадрид" учун устувор мақсад эди, шунинг учун Холанд билан музокаралар тўхтатилди. Якунда клуб иккаласидан ҳам "қуруқ" қолгани маълум бўлди.
Бироқ, Эрлинг ҳали ҳам "Реал Мадрид"нинг келажак режаларида. АС хабарига кўра, клуб яқин орада Карим Бенземани 2024 йилгача жамоада олиб қолишни режалаштирмоқда ва шартнома якунида айнан Холанд унинг ўрнини эгаллаши мумкин. Таклиф этилаётган кетиш банди Эрлингнинг Мадрид клубига эҳтимолий трансферини осонлаштириши мумкин.
Холанд «Сити»да узоқ вақт қолмайди, деб ўйлашга асос борми?
Бу ҳақда Эрлингнинг отаси Альф-Инге Холанд “Холанд: Катта қарор” ҳужжатли фильмида гапириб берди: “Менимча, Эрлинг барча чемпионатларда ўзини синаб кўрмоқчи. Ҳар бир лигада у кўпи билан уч-тўрт йил ўтказади. Германияда икки ярим йил, Англияда икки ярим йил, кейин эса Испания, Италия, Франция бўлиши мумкин, тўғрими? Бу шундай бўладими ёки йўқми билмаймиз, лекин менимча, у барча йирик лигаларда ўзини синаб кўрмоқчи."
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
