• Реклама
• m.std.uz
• facebook
• twitter
• telegram
• instagram
• RSS
• Алоқа

Бугун 8 январь, 2026 йил, пайшанба.

• O'zbekcha
• Русская
• English

• LIVE
• Фаол мухлис
• Фут.башорати
• Викторина
• Блог
• Конференция
• Афсоналар
• Видео
• ТВ-Онлайн
• ТВ-дастур
• Трансфер
• Юмор
• Энг-энг...
• Кирманг

• «A» Серия

  жадвал    тақвим    тўпурарлар
  • • 07.01.2026 00:45
    • Сассуоло
    • 0:3
    • Ювентус
  • • 07.01.2026 22:30
    • Болонья
    • 0:2
    • Аталанта
  • • 07.01.2026 22:30
    • Наполи
    • 2:2
    • Верона
  • • 08.01.2026 00:45
    • Парма
    • 0:2
    • Интер
  • • 08.01.2026 00:45
    • Торино
    • 1:2
    • Удинезе
  • • 08.01.2026 00:45
    • Лацио
    • 2:2
    • Фиорентина
  • • 08.01.2026 22:30
    • Кремонезе
    • -:-
    • Кальяри
  • • 09.01.2026 00:45
    • Милан
    • -:-
    • Женоа
• АПЛ

  жадвал    тақвим    тўпурарлар
  • • 07.01.2026 01:00
    • Вест Хэм
    • 1:2
    • Ноттингем Форест
  • • 08.01.2026 00:30
    • Борнмут
    • 3:2
    • Тоттенхэм
  • • 08.01.2026 00:30
    • Брентфорд
    • 3:0
    • Сандерленд
  • • 08.01.2026 00:30
    • Кристал Пэлас
    • 0:0
    • Астон Вилла
  • • 08.01.2026 00:30
    • Эвертон
    • 1:1
    • Вулверхэмптон
  • • 08.01.2026 00:30
    • Фулхэм
    • 2:1
    • Челси
  • • 08.01.2026 00:30
    • Манчестер Сити
    • 1:1
    • Брайтон
  • • 08.01.2026 01:15
    • Бёрнли
    • 2:2
    • Ман. Юнайтед
  • • 08.01.2026 01:15
    • Ньюкасл
    • 4:3
    • Лидс
  • • 09.01.2026 01:00
    • Арсенал
    • -:-
    • Ливерпуль
• AFC U-23

  жадвал    тақвим    тўпурарлар
  • • 07.01.2026 16:30
    • Япония
    • 5:0
    • Сурия
  • • 07.01.2026 16:30
    • Жанубий Корея
    • 0:0
    • Эрон
  • • 07.01.2026 19:00
    • Ўзбекистон
    • 3:2
    • Ливан
  • • 07.01.2026 21:30
    • Қатар
    • 0:2
    • БАА
  • • 08.01.2026 16:30
    • Австралия
    • -:-
    • Таиланд
  • • 08.01.2026 19:00
    • Ироқ
    • -:-
    • Хитой
  • • 09.01.2026 19:00
    • Қирғизистон
    • -:-
    • Вьетнам
  • • 09.01.2026 21:30
    • Иордания
    • -:-
    • Саудия Арабистони

Хабарлар архиви

16-21 январь кунлари Бирлашган Араб Амирликларининг Абу-Даби шаҳрида ўтказилган халқаро турнирда "Севинч"нинг 14 ёшгача бўлган қизлардан иборат жамоаси муносиб иштирок этди. Мураббий Баҳром Норсафаров шогирдлари кучли рақибаларига қарши ажойиб ўйин кўрсатишди ва мусобақада кумуш медални қўлга киритишди.

Ушбу турнирда "Севинч"нинг уч футболчиси уч номинацияда алоҳида эътирофга сазовор бўлди. Таҳририятимиз меҳмони бўлган бу уч қизни суҳбатга тортдик.

1. Туғилган йилингиз?

2. "Севинч"да қачондан тўп сураяпсиз?

3. Амплуангиз?

4. Севимли жамоангиз?

5. Қайси футболчиларга мухлиссиз?

6. Сиз севиб тайёрлайдиган овқат?

7. Сиз учун футбол - бу...

8. Хоббингиз?

9. Сизнингча, тўп тўртбурчак бўлса, қандай ўйин пайдо бўларди?

10. Футболдан ташқари яна қайси спорт турига қизиқасиз?

11. Жамоангизни яхши кўрасизми?.. Агар "Севинч" чим устида хоккей ўйнайдиган жамоага айлантирилса...

12. БААдаги халқаро турнирдан олган таассуротларингиз?..

Мафтуна ЖОНИМҚУЛОВА, Абу-Дабидаги халқаро турнирнинг "Энг яхши дарвозабон" номинацияси ғолиби:

1. 1999 йил 26 июль куни Қарши шаҳрида туғилганман.

2. "Севинч"га 2010 йил 26 октябрда ота-онам олиб келишган.

3. Дарвозабон.

4. "Реал" Мадрид.

5. "Реал"да Роналду ва "Севинч"дан Камола Усмонова.

6. Ўзим яхши кўрганим учун шўрвани мазали қилиб тайёрлайман.

7. Қўшимча машғулот. Келажакда бошқа касб эгаси бўламан.

8. Расм чизиш.

9. Билмадим.

10. Шаҳардаги ўзим ўқийдиган 25-мактабнинг баскетбол тўгарагида шу спорт тури билан ҳам шуғулланаман.

11. Ҳа. Лекин бундай бўлса, жамоани тарк этаман.

12. Турнирда "Чертаново" (Россия) биздан бор- йўғи битта кўп тўп киритиб, биринчи ўринни олди. Лекин унинг ғолиб бўлиши учун икки ҳужумчиси ва чап қанотдаги ярим ҳимоячисигина курашди. Умуман, жамоани бизга нисбатан кучсизроқ, дейман.

Севара НОРМУРОДОВА, "Энг яхши тўпурар":

1. 1999 йил 1 мартда Қарши шаҳрида туғилганман.

2. 2010 йилда опам Ситора билан келганман. У "Севинч"нинг 16 ёшлилар жамоасида ўйнайди.

3. Ҳужумчи ва ярим ҳимоячи.

4. Испаниянинг "Барселона" жамоасини.

5. "Барса"даги Лионель Месси.

6. Мантини хуш кўраман. Ҳамма суюқ овқатларни тайёрлай оламан.

7. Ҳаётим мазмуни - келажакда ҳам футболчи бўламан.

8. Тикиш-бичишга бироз қизиқаман.

9. Футбол йўқоларди.

10. Бошқа ҳеч қайси спорт тури билан шуғулланмайман. Лекин бадиий гимнастикага қизиқаман.

11. Албатта. Агар ўзимизнинг жамоадагилар қолса, уларга қўшилиб хоккейниям ўрганардим.

12. Турнир давомида 12 та тўп урдим. Шундан олтитасини БААнинг терма жамоаси давозасига, 5 тасини "Thistle Time" дарвозасига, "Чертаново" дарвозасига эса биттагина тўп киритдим. Уларнинг чап қанотдаги ҳужумчиси, 22-рақамдаги қиз жуда кучли экан. "Чертаново" ўйинчиларининг ҳаммаси биздан бир-икки ёш катта эди. Уларнинг ғолиб бўлишига яна бир сабаб - футболчиларининг техникаси ўйин давомида дақиқа сайин ўзгариб, ошиб боравераркан.

Шаҳноза ҚУРБОНОВА, "Энг яхши ўйинчи":

1. 2000 йилнинг 1 май куни Сурхондарё вилояти Денов туманида туғилганман.

2. 2012 йил февралдан бошлаб ўйнаяпман. Сурхондарёда қизлар футбол жамоаси йўқ эди. Ўзим қизиқиб, "Севинч"га келганман.

3. Марказий ярим ҳимоячи.

4. "Барселона".

5. Месси, Иньеста, Хави - учаласи ҳам ёқади. Уларнинг ҳамма ўйинларини телевизордан кузатиб бораман.

6. Тухум билан картошка қовуришни биламан.

7. Асосий ишим бўлади. Насиб қилса, узоқ йиллар "Севинч"да ўйнайман, кейин устозларимга ўхшаб жамоада мураббийлик қиламан.

8. Расм чизаман.

9. Футбол йўқ бўлиб кетади.

10. Теннис ўйнайман.

11. Яхши кўраман. Янги футбол жамоаси очишга ҳаракат қилардим.

12. Турнир бошида "Thistle Time"ни Англиядаги машҳур "Манчестер Сити" қошида очилган мактаб бўлгани учунми, кучли жамоа деб ўйлагандим. Уларнинг 7-рақамли ҳужумчисигина жамоа учун курашди. "Thistle Time"га энг кўп панд бергани дарвозабон бўлди.

* * * Қизларнинг жавобларидан юртимизда қизлар спортини ривожлантириш бирор клубнинг ё ташкилотнинг эътиборидаги муаммо эмас, балки давлат сиёсати даражасидаги масалага айланганлигини англайсиз, бундан ғурурланасиз. "Севинч" қизларининг халқаро турнирда ном қозониши ҳам ана шу саъй-ҳаракатлар меваси.

Зебунисо НАЗИРОВА тайёрлади. Суратчи Собир НАРЗИЕВ.