“Бавария” февраль ойида Томас Тухель бош мураббийлигидан истеъфога чиқишини эълон қилган эди. Немис мавсум охиригача ишлаши керак, шундан сўнг унинг ўрнини бошқаси эгаллайди. Орадан икки ярим ой ўтди. Афтидан, шундай муддат ичида “Бавария” раҳбарияти янги мураббий номзоди бўйича қарор қабул қилиб, инсайдерлардан бири маълумотни сиздириб юбориши кутилган эди. Бироқ жорий мавсум якунида “Бавария”ни ким бошқариши ҳозирча номаълум.
Алонсо “Байер”да қолишни танлади
Даъвогарлар рўйхатида биринчи Хаби Алонсо бор эди. Танлов аниқ ва равшан: испаниялик феноменал “Байер” жамоасини яратди, у ўз тарихида биринчи марта Бундеслига олтинини қўлга киритди ва бу мавсумда ҳали бирор ўйинда мағлуб бўлмади. Алонсо Германия чемпионатини жуда яхши билади ва у муваффақиятга эриша олишини ҳам исботлади.
Алонсога турли вақтларда "Реал" ва "Ливерпуль" ҳам даъвогарлик қилишган. Аммо испаниялик мураббий ҳаммани рад этди. У янги мавсумда ҳам Леверкузенда фаолиятини давом эттиришини маълум қилганди. "Байер"даги фаолиятим ҳали тугамади”, - деди Алонсо.
Нагельсманн Германия терма жамоаси билан шартномасини узайтирди
Бир йил аввал “Бавария” Юлиан Нагельсманни истеъфога чиқарганди. Кўпчилик клуб раҳбариятининг қарорини нотўғри деб ҳисоблади. Мураббийга “Бавария”га қайтиш таклиф қилинган, бироқ апрель ойида у Германия футбол иттифоқи билан шартномасини узайтирди.
Нагельсманн Германия терма жамоасини 2026 йилгача бошқаради. Яъни, у жамоани нафақат ўз уйида бўлиб ўтадиган Европа чемпионатида, балки 2026 йилги жаҳон чемпионатида ҳам бошқаради. Германия Евро-2024 плей-офф босқичига чиқа олмаса, шартнома бекор қилинади. Бундай ҳолда, компенсация берилмайди. Аммо Юлиан бундай шартларга рози бўлди, чунки у ўз жамоасининг муваффақиятига ишонди.
Мураббийнинг ўзи "Бавария"га қайтиш вариантини кўриб чиқди, аммо бу масалада клуб раҳбариятида бирдамлик йўқлигини тушунди. Масалан, кузатув кенгаши аъзоси Карл-Хайнц Румменигге, Sky Sports хабарига кўра, Нагелсманнинг қайтишига қарши чиққан. Қолаверса, мураббийнинг ўзи янги мавсумга тайёргарликни Европа чемпионати вақтида режалаштиришни истамади.
Рангник Австрия терма жамоаси билан ишлашда давом этади
Ральф Рангник ёзда Европа чемпионатига борадиган яна бир мураббий. Нагельсманн сингари, у ҳам терма жамоа турнири вақтида мавсумолди тайёргарлик билан шуғулланишни истамайди. Айтганча, Рангникнинг рад жавоби "Бавария" раҳбарларини жуда ҳайратда қолдирди, чунки улар шартнома имзолашни кутишган.
Қизиғи шундаки, баъзи "Бавария" мухлислари Рангникнинг тайинланишига қарши махсус петисия ҳам яратишди. Уни 18 минг киши имзолаган. Аммо Ральф Мюнхенга барибир келмайди.
Бошқа қандай вариантлар муваффақиятсиз тугади?
Айтганча, Унаи Эмери ҳам “Бавария” билан вариантни рад этди. Бунинг ўрнига у “Астон Вилла” билан шартномасини 2027 йилгача узайтирди. "Брайтон"дан Роберто Де Дзербини таклиф қилиш варианти бор, лекин ҳамма нарса унчалик оддий эмас. "Бавария" инглиз клубининг ўйиндаги пасайишидан, шунингдек, италияликнинг ўзи билан катта ёрдамчилар штабини олиб кетиш истагидан хижолат тортмоқда.
Турли вақтларда "Бавария"нинг Зинедин Зиданга қизиқиши ҳақида маълумотлар олинган. Бироқ, Bild нашрининг хабар беришича, мюнхенликлар клуби францияликни бош мураббийликка таклиф қилмаяпти. Биринчидан, “Бавария” бошлиқлари Зиданни тактик жиҳатдан кучли, қайтадан бошлай оладиган мутахассис деб ҳисобламайди. Иккинчидан, раҳбарият Зидан немис тилини билмаслиги ва инглиз тилини заиф даражада билганидан хурсанд эмас. Аввалроқ спорт директори Макс Эберль "Бавария" немис ёки инглиз тилларини биладиган мураббий қидираётганини айтганди.
Мюнхен клуби мавсум охирида “Ливерпул”ни тарк этадиган Юрген Клоппни таклиф қилишни орзу қилмоқда. Тўғри, немиснинг ўзи камида бир йил дам олишини айтиб бўлганди.
Ёки Тухелни сақлаб қолиш керак. "Бавария" бош директори Ян-Кристиан Дрезен, агар клуб Чемпионлар лигасида ғолиб чиққан тақдирда ҳам мураббий билан хайрлашишини айтди. Журналист Флориан Плеттенбергнинг таъкидлашича, "Бавария" ҳозир Тухелни сақлаб қолиш ҳақида ўйлаяпти. Уни спорт директори Макс Эберль, шунингдек, жамоанинг асосий ўйинчилари, жумладан Мануэль Нойер қўллаб-қувватламоқда.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
