ЕЧЛ. Плей-офф ўйинлари қуръа ташлаш жараёни ҳақида нималарни билиш керак?
2024/25 мавсуми Чемпионлар Лигаси плей-офф ўйинлари қуръаси 31 январь куни Ньонда ўтказилади. Маросим 31 январь куни 16:00да бошланади.
Қуръа ташлаш тартиби
— Умумий босқичда энг яхши 8 жамоа тўғридан-тўғри 1/8 финалга йўл олади.
— 9-24-ўринларни эгаллаган жамоалар 1/8 финалга чиқиш учун плей-офф ўйинларини ўтказади.
— 9-16-ўринлардаги жамоалар "кучлилар гуруҳи"га, 17-24-ўринлардаги жамоалар "кучсизлар гуруҳи"га ажратилади.
— "Кучлилар гуруҳи"даги жамоалари жавоб ўйинларини ўз майдонида ўтказади.
— Жуфтликлар жамоаларнинг умумий босқичдаги ўрнига қараб шакллантирилади:
- 9-10-ўринлар 23-24-ўринлар билан;
- 11-12-ўринлар 21-22-ўринлар билан;
- 13-14-ўринлар 19-20-ўринлар билан;
- 15-16-ўринлар 17-18-ўринлар билан тўқнаш келади.
Плей-офф ғолиблари 1/8 финалга йўл олади ва энг кучли 8 жамоага қарши баҳс олиб боради.
Қуръада иштирок этувчи жамоалар
Қуръада 9-24-ўринларни эгаллаган жамоалар иштирок этади.
Қуръа ташлаш тартиби
- Қуръада 8 та махсус идиш тайёрланади.
- Биринчи навбатда "кучсизлар гуруҳи"дан тартиб рақами 23 ва 24 бўлган жамоалар саватга солинади. Биринчи бўлиб номи чиққан жамоа сетканинг бир томонига, иккинчиси сетканинг иккинчи томонига жойлаштирилади. Шу тариқа, яна 3 та жуфтлик учун (21 ва 22, 19 ва 20, 17 ва 18) қуръа ташланади ва жамоалар ўз жойларини эгаллайди.
Шундан сўнг, "кучлилар гуруҳи" учун қуръа ташланади. 15-16 дан бошлаб, 9-10 гача.
Бир давлат жамоалари ўзаро тўқнаш келиши мумкинми?
Ҳа, бу босқичда битта давлатдан бўлган жамоалар бир-бирига тушиши мумкин.
Плей-офф ўйинлари қачон ўтказилади?
- Биринчи ўйинлар: 11-12 февраль 2025 йил
- Жавоб ўйинлари: 18-19 февраль 2025 йил
Ҳар бир клуб бир ўйинни сешанба, иккинчи ўйинни чоршанба куни ўтказади.
Европа Чемпионлар Лигаси плей-офф тақвими:
- Плей-офф қуръаси: 31 январь 2025 йил
- Плей-офф ўйинлари: 11/12 ва 18/19 февраль 2025 йил
- 1/8 финал қуръаси: 21 февраль 2025 йил
- 1/8 финал: 4/5 ва 11/12 март 2025 йил
- Чорак финал: 8/9 ва 15/16 апрель 2025 йил
- Ярим финал: 29/30 апрель ва 6/7 май 2025 йил
- Финал: 31 май 2025 йил (Мюнхен)
Манба: @futbol_qoidalar
Киритилди: 09:28, 31.01.2025. Ўқилди: 12699 марта. Фикрлар: 3 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
