-
-
Суперлига 28.03.2024 19:00 Динамо 2 - 1 Металлург Суперлига 29.03.2024 19:00 ОКМК - Бунёдкор Суперлига 29.03.2024 19:15 Қизилқум - Локомотив Лига—1 30.03.2024 01:00 Лилль - Ланс Ла-лига 30.03.2024 01:00 Кадис - Гранада «A» Серия 30.03.2024 16:30 Наполи - Аталанта АПЛ 30.03.2024 17:30 Ньюкасл - Вест Хэм Ла-лига 30.03.2024 18:00 Хетафе - Севилья Суперлига 30.03.2024 19:00 Андижон - Насаф «A» Серия 30.03.2024 19:00 Торино - Монца «A» Серия 30.03.2024 19:00 Женоа - Фрозиноне Суперлига 30.03.2024 19:00 Пахтакор - Сўғдиёна АПЛ 30.03.2024 20:00 Челси - Бёрнли АПЛ 30.03.2024 20:00 Ноттингем Форест - Кристал Пэлас АПЛ 30.03.2024 20:00 Шеффилд Юнайтед - Фулхэм АПЛ 30.03.2024 20:00 Тоттенхэм - Лутон АПЛ 30.03.2024 20:00 Борнмут - Эвертон Ла-лига 30.03.2024 20:15 Альмерия - Осасуна Лига—1 30.03.2024 21:00 Метц - Монако «A» Серия 30.03.2024 22:00 Лацио - Ювентус Ла-лига 30.03.2024 22:30 Валенсия - Мальорка АПЛ 30.03.2024 22:30 Астон Вилла - Вулверхэмптон -
Шермуҳаммад Абдуғофуров Forza Inter! «Интер Милан» клуби ҳақида таҳлилий-субъектив блог
Моратти "Интер"ни яна сотиб олмоқчи
Баҳо: 0Киритилган сана: 2015-04-08 20:30
Италиянинг “La Gazzetta dello Sport” нашри сенсацион хабар тарқатди. Унда айтилишича, “Интер” собиқ хўжайини Массимо Моратти бир қатор дўстлари билан учрашиб, клубни Эрик Тоҳирдан қайтариб олишни маслаҳатлашган. “Интер”нинг титул ҳомийси “Pirelli” раҳбари Марко Тронкетти Провера клубни қайтариш бўйича Массимо Мораттининг асосий ҳамкори бўлиши қайд этилган.
Бу хабар бўйича Миланда истиқомат қилувчи интерист-журналист Марина Варис ўзининг ижтимоий тармоқдаги саҳифасида шундай изоҳ берган:
Гап шундаки, “Интер”га 20, 30, 40 ва ҳаттоки 50 йилдан буён мухлислик қилувчи италиялик бой одамлар бор. Улар, албатта, Массимо Моратти билан жуда илиқ, дўстона алоқада. Бу одамлар, ашаддий мухлис сифатида, севимли жамоаларининг бугунги аҳволидан хавотирда. Эрик Тоҳир ҳозирча умидларни оқлай олганича йўқ.
Моратти даврида унинг пулдор дўстлари, зарурат туғилган пайтда, президентга ёрдам қўлини чўзишар эди. Эрик Тоҳир эса бундай ёрдамга умид қила олмайди. Қолаверса, Тоҳирнинг иш юритиш услуби ҳам катта эътирозларга сабаб бўлмоқда. У “Интер”да ҳодимларни инглиз тилини ўрганишга мажбур қилмоқда. Афтидан, Эрик Тоҳир Индонезия ёки Англия эмас, Италия клубини сотиб олганини унутиб қўйган кўринади. Италияликлар ўз тили ва анъаналарини жуда ҳурмат қилишади. Тоҳир “Интер”га чет эллик мутахассисларни ишга олган экан, айнан уларни итальян тилини ўрганишга мажбур қилиши тўғрироқ бўлар эди. Клуб президентининг доимий равишда клуб билан бирга эмаслиги ҳам салбий таъсирини ўтказмай қолмаяпти. Тоҳирнинг бир ёки икки ойдаги беш кунлик ташрифлари унга вазиятга аниқ баҳо бериш ва назорат қилишга озлик қилаётгани ҳам бор гап. Клубда, дарҳақиқат, муаммолар талайгина. Қолаверса, “Интер”нинг қарзлари ҳам анчагина. Даромад эса деярли йўқ. Аҳвол яхши эмаслигини Тоҳирнинг ўзи ҳам яхши тушуниб турибди. Юқорида санаб ўтилган сабаблар Тоҳирни клубни сотишга рози бўлишига туртки бўлиши мумкин.
Албатта, Моратти клубни қайта сотиб олиш нияти йўқлигини, Тоҳирга ишонишини айтиб улгурди. Бошқача бўлиши мумкин ҳам эмасди. Мораттидан, ҳа, мен дўстларим билан учрашдим ва биз клубни қайтаришга қарор қилдик, деган гапни кутиш ноўрин. Лекин ҳақиқат шуки, учрашув ростдан ҳам бўлиб ўтган ва унда “Интер”ни қайтариш масаласи муҳокама қилинган.
Хуллас, шунақа гаплар... Мораттининг “Интер”га қайтиши қанчалик ҳақиқатга яқинлиги ҳақида гапириш, ҳозирча, анча мушкул. Менимча, бу ҳақида гапиришга анча эрта ҳам. Моратти ва унинг дўстлари клубни сотиб олишмоқчи бўлган тақдирда ҳам, Эрик Тоҳир клубни сотишга рози бўладими йўқми, бу ҳам номаълум. Шундай экан, вазиятни кузатишда давом этамиз.
FORZA INTER!
Фикр билдиринг:
ФИКР БИЛДИРИШ УЧУН РЕГИСТРАЦИЯДАН УТИШ КЕРАК!
Билдирилган фикрлар: