-
-
АПЛ 26.04.2024 00:00 Брайтон 0 - 4 Манчестер Сити Футзал. Осиё чемпионати 26.04.2024 16:00 Таиланд 3 - 3 Тожикистон Футзал. Осиё чемпионати 26.04.2024 19:00 Ўзбекистон 3 - 3 Эрон AFC U-23 26.04.2024 19:00 Ўзбекистон 2 - 0 Саудия Арабистони AFC U-23 26.04.2024 22:30 Ироқ - Вьетнам «A» Серия 26.04.2024 23:45 Фрозиноне 3 - 0 Салернитана Ла-лига 27.04.2024 00:00 Реал Сосьедад 0 - 1 Реал Мадрид Лига—1 27.04.2024 00:00 Монпелье 1 - 1 Нант АПЛ 27.04.2024 16:30 Вест Хэм - Ливерпуль Ла-лига 27.04.2024 17:00 Лас-Пальмас - Жирона «A» Серия 27.04.2024 18:00 Лечче - Монца АПЛ 27.04.2024 19:00 Фулхэм - Кристал Пэлас АПЛ 27.04.2024 19:00 Вулверхэмптон - Лутон АПЛ 27.04.2024 19:00 Ньюкасл - Шеффилд Юнайтед АПЛ 27.04.2024 19:00 Ман. Юнайтед - Бёрнли Ла-лига 27.04.2024 19:15 Альмерия - Хетафе «A» Серия 27.04.2024 21:00 Ювентус - Милан Ла-лига 27.04.2024 21:30 Алавес - Сельта АПЛ 27.04.2024 21:30 Эвертон - Брентфорд «A» Серия 27.04.2024 23:45 Лацио - Верона АПЛ 28.04.2024 00:00 Астон Вилла - Челси Лига—1 28.04.2024 00:00 ПСЖ - Гавр Ла-лига 28.04.2024 00:00 Атлетико - Атлетик Бильбао «A» Серия 28.04.2024 15:30 Интер - Торино Лига—1 28.04.2024 16:00 Метц - Лилль Ла-лига 28.04.2024 17:00 Кадис - Мальорка «A» Серия 28.04.2024 18:00 Болонья - Удинезе Лига—1 28.04.2024 18:00 Страсбур - Ницца АПЛ 28.04.2024 18:00 Тоттенхэм - Арсенал Лига—1 28.04.2024 18:00 Клермон - Реймс Лига—1 28.04.2024 18:00 Лорьян - Тулуза АПЛ 28.04.2024 18:00 Борнмут - Брайтон Ла-лига 28.04.2024 19:15 Гранада - Осасуна Лига—1 28.04.2024 20:05 Ренн - Брест АПЛ 28.04.2024 20:30 Ноттингем Форест - Манчестер Сити «A» Серия 28.04.2024 21:00 Наполи - Рома «A» Серия 28.04.2024 21:00 Аталанта - Эмполи Ла-лига 28.04.2024 21:30 Вильярреал - Райо Вальекано Лига—1 28.04.2024 22:00 Лион - Монако «A» Серия 28.04.2024 23:45 Фиорентина - Сассуоло Ла-лига 29.04.2024 00:00 Бетис - Севилья Лига—1 29.04.2024 00:00 Марсель - Ланс -
Сафарали Сиддиқов Футбол — спорт қироли!
Мухлислар учун ўйнанг
Баҳо: +1Киритилган сана: 2015-03-06 23:07
Халқимиз футболни жуда яхши кўради. Бозордами, кўча-кўйдами, одам тўда бўлган қайси жойга қараманг кечаги ўйиннинг муҳокамасини устидан чиқасиз. Умуман, футболга қизиқмайман деган одам ҳам агар Ўзбекистоннинг бир жамоаси чет эл клублари билан, терма жамоаси билан ўйнаса, албатта, ўша ўйинни берилиб томоша қилади.
Собиқ Иттифоқ даврида "Пахтакор" ўйнаган куни хонадонларимизда байрам бошланиб кетарди. Ваҳоланки, мен эсимни таниган пайтларда "Пахтакор" иттифоқ чемпионатининг биринчи лигасида ўйнарди. 1979 йилдаги авиаҳалокат, айниқса, халқимизнинг қалбида катта жароҳат колдирган. Мен ўшанда одамларимизнинг суҳбатларидан билганман. Ниҳоят, 1990 йилда "Пахтакор" Олий Лигага чиқди. Бунга ҳамоҳанг тарзда Фарғонанинг "Нефтчи" ва Наманганнинг "Навбаҳор" жамоалари ўз тарихларида биринчи марта иттифоқ чемпионатининг Биринчи лигасига йўлланма олишди.
Ана шундай қилиб юқори элиталарда бирйўла 3 та клубимизнинг иштирок этиши барчамизни хурсанд қилди. 1991 йил юртимизда катта футбол мавсуми бўлди. Кимнинг суҳбатида бўлманг, "Пахтакор", "Нефтчи", "Навбаҳор" тўғрисида сўзлайди. Ҳаммамиз ҳар учала клубимизнинг ўйинларини сабрсизлик билан кутардик. Агар ютса, ҳамма мамнун, байрамона кайфият...
Хуллас, биз ўзбек халқи футболга чин дилдан меҳр куйганмиз. Олис Англияда пайдо бўлган бу ўйин бизнинг миллий спорт туримизга айланган деса ҳам бўлади. Масалан, 1991 йилда ўтказилган "Навбаҳор" - "Ротор" ўйинига келган томошабинни жуда яхши эслайман. "Дунёнинг манаман деган мамлакатлари футболга меҳрни кўраман деса Наманганга келсин", деб кетишган эди ўшанда москвалик журналистлар.
1991 йилда юртимиз Мустақилликка эришди. Ана энди ўзбек футболини дунёга танитиш имконияти пайдо бўлди. Ахир шу пайтгача биз Абдулла Ориповнинг "Тилла балиқча" шеъридаги тилла балиқчага ўхшаб юрардик. 1994 йилда Осиё ўйинларида ғолиб чиқкан жамоамиз бутун Осиёни эсанкиратиб қўйди. Дарҳақиқат, жамоамиз анча кучли эди. Ҳаммаси иттифоқ чемпионатида суяги қотган йигитлар эди. Аста-секин бу жамоа аъзоларининг ҳам ёши улғайди. ЖЧ-1998, ЖЧ-2002 саралаш босқичларида ҳам биз деярли ана шу футболчилардан фойдаландик. Аммо мақсадимизга етолмадик. Халқимиз Ўзбекистон терма жамоасининг мундиалда иштирок этишини интизорлик билан кутди. ЖЧ-2014да мақсадимизга озгина қолди. Аммо ҳакамларнинг рақибларга ЁРДАМИ ва ўзимизнинг тирноқдек хатоларимиз бизнинг азалий орзумизни чиппакка чиқарди. Бизни сўнгги турдаги Қатар устидан қозонилган 5:1 ҳисобидаги ғалаба ҳам қутқариб қололмади. Биз энди ЖЧ-2018 саралашини кутишга мажбурмиз. Ана шундай дамларда терма жамоамизни қўллаб-қувватлаган мухлисларга қойил. Ана шундай мухлислар ҳаққи- ҳурмати учун ҳам клубларимиз ҳам, терма жамоамиз ҳам майдонда чин юракдан тўп тепишлари керак.
Осиё Кубоги-2011да жамоамиз чиройли ўйин кўрсатди. Ўшанда бутун Ўзбекистон терма жамоамизни қўллаб-қувватлади. Кейин Осиё Кубоги-2015даги иштирок. Ўйинлар қиш вақтида бўлгани учун чироқ масаласи ҳам чатокроқ бўлди. Лекин мухлислар пул йиғиб, "движок"га бензин олиб, Ўзбекистон терма жамоасининг ўйинларини томоша қилишди. Мен ҳам ҳамкасбим Алишер Абдураҳмонов билан аккумлятор орқали бу ўйинларни кузатдим. Терма жамоамиз яхши ўйнади, қўлидан келганча ҳаракат қилди. Биз ҳам катта ҳаяжон билан футболчиларимизга мухлислик килдик. Чорак финал ўйинини томоша қилиш учун ҳамкасбим амакиси Тўра аканинг уйига бошлаб борди. Тўра ака соддадил, самимий, меҳнаткаш одам. У киши Ўзбекистон терма жамоасининг ҳар бир ўйинини кузатиб борадилар. Ўйинда Жанубий Кореяга ютқаздик. Учовимиз ҳам қаттив хафа бўлдик. Лутфулла Тураев фойдалана олмаган вазият, айниқса, дилимизни хира қилди. Аммо ўйин охирида Тўра ака шундай дедилар: "Йигитларимизга раҳмат! Яхши ўйнашди".
Кейин Осиё Чемпионлар лигасида клубларимиз иштирок этишди. Нима десам бўлади, рақиблар турдан-турга ўйинларимизни ўрганиб бораётгандек. Оддийгина ҳақиқат шуки, биринчи турда ҳаммамизни хурсанд килган жамоаларимиз кейинги турга келиб оқсаб қолишди. Бизнинг ўша ҳаммага ёд бўлиб кетган "тактикамиз" эса ҳамон ўша-ўша: ҳужум устига ҳужум уюштиравериш. Ҳужум қилганда ҳам ракибнинг ҳамма ўйинчиси жарима майдончасида тўпланиб бўлгандан кейин ишни бошлаймиз. Бирор янгилик кўрмадим. Ўша эски ҳаммом, эски тос. Рақибни чалғитиш, яширин қурол, кутилмаган вазиятлар содир этиш деган нарса бизда умуман йўқ. Ана шундай дамларда жамоаларимизга ишқибозлик килаётган мухлисларга қойил. Юртимизда ҳақиқатан ҳам ҳамма футболни севади.
2011 йилда "Насаф" ОФК Кубогини ютганда ҳамма хурсанд бўлганди. Ана шундай мухлислар ҳаққи-ҳурмати терма жамоамиз ҳам, клубларимиз ҳам Ватан учун чин юракдан тер тўксинлар деб қоламан. ОЧЛда жамоаларимизга омад ёр бўлсин деб қоламан. Олға, ЎЗБЕКИСТОН!
Сафарали СИДДИҚОВ
Фикр билдиринг:
ФИКР БИЛДИРИШ УЧУН РЕГИСТРАЦИЯДАН УТИШ КЕРАК!
Билдирилган фикрлар:
UZNASAF 2015-04-02 10:13:42 0Сафарали дустим айнан спорт журналисти булишингиз керак эди. Ушандагина эмин-эркин ижод килишга кенг имкониятлар очиларди. Хозирам ёмон эмас, куриниш бериб турибсиз. Аммо ижод йулингизда хаётингизнинг бошка жабхаларида кечувчи ташвишлар кундаланг булиб турса, инсон рухиятида тушкунлик ёки вазиятдан чикиш учун бефойда уй-хаёллар пайдо булади. Сизни футболга булган мехрингиз узгача. Маколаям ажойиб чикибди. Демак, кайфият хозирда нормальний а :-/ BAVARIYAM 2015-03-07 14:58:58 0Сафарали ака бизнинг хозирги холатда Инилев айтгандек БОРИМИЗ ШУ UZBEKISTONIM 2015-03-07 10:46:20 0Ажойиб маълумотлар учун рахмат KARIMZHONS 2015-03-07 07:48:42 0---Хамма гап УФФ,ТЖМ ва ПФЛсида.Мухлислар фикрига этибор бериш керак.Мухлисларга якин булиш ва янгича ишлаш керак.Маколага гап йук.Яхши ва эзгу хотиралар эсга олинган.