-
-
Суперлига 28.03.2024 19:00 Динамо 2 - 1 Металлург Суперлига 29.03.2024 19:00 ОКМК - Бунёдкор Суперлига 29.03.2024 19:15 Қизилқум - Локомотив Лига—1 30.03.2024 01:00 Лилль - Ланс Ла-лига 30.03.2024 01:00 Кадис - Гранада «A» Серия 30.03.2024 16:30 Наполи - Аталанта АПЛ 30.03.2024 17:30 Ньюкасл - Вест Хэм Ла-лига 30.03.2024 18:00 Хетафе - Севилья Суперлига 30.03.2024 19:00 Андижон - Насаф «A» Серия 30.03.2024 19:00 Торино - Монца «A» Серия 30.03.2024 19:00 Женоа - Фрозиноне Суперлига 30.03.2024 19:00 Пахтакор - Сўғдиёна АПЛ 30.03.2024 20:00 Челси - Бёрнли АПЛ 30.03.2024 20:00 Ноттингем Форест - Кристал Пэлас АПЛ 30.03.2024 20:00 Шеффилд Юнайтед - Фулхэм АПЛ 30.03.2024 20:00 Тоттенхэм - Лутон АПЛ 30.03.2024 20:00 Борнмут - Эвертон Ла-лига 30.03.2024 20:15 Альмерия - Осасуна Лига—1 30.03.2024 21:00 Метц - Монако «A» Серия 30.03.2024 22:00 Лацио - Ювентус Ла-лига 30.03.2024 22:30 Валенсия - Мальорка АПЛ 30.03.2024 22:30 Астон Вилла - Вулверхэмптон -
Сафарали Сиддиқов Футбол — спорт қироли!
Эски ҳаммом, эски тос
Баҳо: 0Киритилган сана: 2017-03-27 21:44
Миллий терма жамоамиз Суриядан мағлуб бўлгандан кейин ҳамма қатори мен ҳам изтиробга тушдим. Турли мавзудаги мақолаларни ўқияпман, ҳар ким ўз фикрини ошкора айтяпти. Шу жумладан, мен ҳам ўз фикримни билдиргим келди.
Хўш, ўзи бизнинг оёғимиздан тортиб қолаётган камчиликларимиз нима? Бу ҳақда бир неча ой олдин "Бизнинг услуб" деган мақола ёзгандим. Ҳа, бизнинг ҳеч қачон фойдаси тегмаса-да, воз кеча олмаётган "севимли услубимиз" бор.
Бу нима бўлса бўлди, ҳужумлар қилавериб омадни рақиб дарвозаси ёнидан излайверамиз дейдиган услуб. Ҳужумлар қилаверамиз, ҳужумлар қилаверамиз... Кутилмаганда рақибни шошириб қўйиш, тактик айёрлик деган нарса умуман йўқ. Бу формуламиз аллақачон Осиё грандларига, айниқса, араб жамоаларига маълум бўлиб улгурган. Улар ана шу услубда ўйнашимизни олдиндан сезалдилар-да, иложи бўлса ҳимояда "автобус" қўйиб олиб битта хатомиздан унумли фойдаланиб, ғалабани илиб кетишади. Савол: бу "севимли услуб" билан биз ЖЧда қандоқ ўйнаймиз?
Яна битта савол: бизда авлодлар алмашинуви даври қандай кечяпти? 33 ёшли Александр Гейнрих, 35 ёшли Сервер Жепаров кабиларга муносиб ўринбосарлар топилдими-йўқми? Ахир ёшлар ва ўсмирлар терма жамоаларимиз ўз ёш тоифаларида ЖЧларда иштирок этиб қайтди.
Ўсмирлар терма жамоамиз Осиё чемпиони бўлди. Бу жамоалар сафида тўп тепган футболчилар нега шу пайтгача миллий терма жамоамизга жалб этилмадилар. Биз Аббос Махситалиев, Темур Ҳакимов, Олег Зотеев, Суннатилла Мамадалиев, Даврон Мирзаев, Шерзод Аъзамов, Шерзод Каримов каби номлардан кўп нарса кутгандик. Ачинарли томони, буларнинг орасида шу пайтгача терма жамоага номзод бўлиш у ёқда турсин, терма жамоамиз эшигидан бўйлаб кўрмаганлари бор. Демак, ёш футболчиларимиз орасида ўз иқтидорларининг қадрига етмайдиганлари, ўз устида ишламайдиганлари талайгина.
Ёки кейинги йилларда футболимизда Санжар Турсунов, Сардор Рашидов, Шоҳрух Гадоев, Шуҳрат Муҳаммадиев каби янги номлар кашф этилди. Ҳозир нега уларни ана шундай масъулиятли ўйинларда терма жамоамизга ёрдам беришмаяпти? Ёки улар ўсишдан тўхтаб қолишдими?
Ана энди рақибимиз бўлган Эрон терма жамоасидаги авлодлар алмашинуви жараёнига қаранг. Бир вақтлар, Али Дайи, Азизий, Карим Багерий каби маҳоратли ижрочилар етишиб чиққан юрт жамоасида бугун янги номлар кашф этилган. Улар ЖЧ-2018 томон дадил одимлашмоқда.
Биз ҳам келгуси ўйинларда янгилик яратиб, мундиал сари одимлайлик-да энди. Бунинг учун, эски ҳаммом, эски тос — эски услубдан воз кечайликда, ёш иқтидорларни МТЖга жалб этайлик. Ёшларга талабимиз - сизлар бир вақтлар ўтмишга айланиб кетган ёшлар ёки ўсмирлар ўртасидаги иштирок билан мағрурланиб юрманглар-да, ана энди миллий терма жамоамиз шарафини, жонажон ЎЗБEКИСТОН шарафини жаҳон майдонларида муносиб ҳимоя қилишга киришинглар.
САФАРАЛИ СИДДИҚОВ
Фикр билдиринг:
ФИКР БИЛДИРИШ УЧУН РЕГИСТРАЦИЯДАН УТИШ КЕРАК!
Билдирилган фикрлар: