-
-
Суперлига 28.03.2024 19:00 Динамо 2 - 1 Металлург Суперлига 29.03.2024 19:00 ОКМК - Бунёдкор Суперлига 29.03.2024 19:15 Қизилқум - Локомотив Лига—1 30.03.2024 01:00 Лилль - Ланс Ла-лига 30.03.2024 01:00 Кадис - Гранада «A» Серия 30.03.2024 16:30 Наполи - Аталанта АПЛ 30.03.2024 17:30 Ньюкасл - Вест Хэм Ла-лига 30.03.2024 18:00 Хетафе - Севилья Суперлига 30.03.2024 19:00 Андижон - Насаф «A» Серия 30.03.2024 19:00 Торино - Монца «A» Серия 30.03.2024 19:00 Женоа - Фрозиноне Суперлига 30.03.2024 19:00 Пахтакор - Сўғдиёна АПЛ 30.03.2024 20:00 Челси - Бёрнли АПЛ 30.03.2024 20:00 Ноттингем Форест - Кристал Пэлас АПЛ 30.03.2024 20:00 Шеффилд Юнайтед - Фулхэм АПЛ 30.03.2024 20:00 Тоттенхэм - Лутон АПЛ 30.03.2024 20:00 Борнмут - Эвертон Ла-лига 30.03.2024 20:15 Альмерия - Осасуна Лига—1 30.03.2024 21:00 Метц - Монако «A» Серия 30.03.2024 22:00 Лацио - Ювентус Ла-лига 30.03.2024 22:30 Валенсия - Мальорка АПЛ 30.03.2024 22:30 Астон Вилла - Вулверхэмптон -
Сафарали Сиддиқов Футбол — спорт қироли!
ЕЧЛ: Олтин авлодлар тўқнашуви
Баҳо: 0Киритилган сана: 2019-05-06 19:21
Европа чемпионлар лигаси ярим финалларининг дастлабкиси якунланди. Ҳаммани ҳайрон қолдириб, грандларни ютиб, шонли ўтмишини ўйлаётган — «Аякс». Катта тажриба эвазига финал томон дадил қадам ташлаган «Барселона» ҳамда ярим финал ўйинларида дастлабки баҳсда рақиб дарвозасига бирорта ҳам гол кирита олмаган АПЛнинг икки клуби. Буларнинг ҳаммаси бизга ЕЧЛни катта қизиқиш билан томоша қилишимизга сабабчи бўлди.
Гапни шонли ўтмишга эга, ҳамиша «Олтин авлодлар»ни ўз таркибида етиштирган «Аякс»дан бошлаймиз. Кўҳна қитъада ўтган асрнинг 70-йилларида бир жамоа пайдо бўлдики, бу футболда ҳамма совринларга эгалик қилишни бошлади. Афсонавий Ринус Михелс бош мураббийлигидаги бу жамоа замонавий футболда янги даврни бошлаб юборди. «Тотал футбол» атамаси айнан «Аякс» муаллифлигида дунёга келди. Таркибида Кройф, Нескенс, Реп, Де Йонг, Сурбиер, Крол каби юлдузларни жамлаган жамоа кўҳна қитъада кетма-кет 3 марта ЕЧЛни ютди. Уларнинг авлоди ҳақиқатан ҳам олтин эди. Улар бутун дунёга Олтин «Аякс»ни ва голланд футболини танитишди. Ўша пайтларда «Аякс»нинг бирйўла 3 аъзосига Каталониянинг «Барселона» жамоаси оғиз солди. Булар — бош мураббий Ринус Михелс, футболчилар — Йохан Кройф ва Йохан Нескенс эди. Улар «Барса»га борган биринчи мавсумдаёқ «Барселона» сафарда «Реал»ни 5:0 ҳисобида ютди. «Тотал футбол» асосчиси Ринус Михелс ўз фалсафасини «Барселона»га ҳам сингдира олди.
Орадан йиллар ўтди. «Аякс» ана шундай олтин жамоани ўтган асрнинг 80-йиллари ўрталарида шакллантирди. Бу пайтга келиб Йохан Кройф бош мураббий, таркибда Марко ван Бастен, Франк Райкаард каби етакчилар етишиб чиқишди. Улар 1987 йилда Европа Кубок эгалари кубогини ютишди. Азалдан «Барселона» «Аякс» футболчиларига қизиқиб келган. Бош мураббий Йохан Кройф билан бирга Марко ван Бастен «Барселона»га ўтишга яқин турганди. Аммо ван Бастен кутилмаганда «Милан»ни танлади.
«Аякс»нинг футбол мактабидан шу даражада кўп юлдузлар етишиб чиқишганки, улар бу борада дунёда ягона деса ҳам бўлади. Шунинг учун ҳам бу жамоанинг номи исми жисмига мос — Олтин «Аякс»! Ўтган асрнинг 90-йиллари бошларида амстердамликлар яна бир марта дунёни титратишди. Ўшанда Луи ван Гал бош мураббийлигидаги бу жамоа 1992 йилда УЕФА Кубогини ютди. Ўша йилнинг ўзида «Аякс»нинг таркибини «кўҳна қитъа» грандлари талон-тарож қилиб юборишди. Биргина Деннис Бергкампга Европанинг бирйўла 5 та гранд клуби таклиф билан чиқди. Булар — «Реал», «Барселона», «Милан», «Ювентус» ва «Интер». Кутилмаганда «улоқ»ни «нерадзурри» илиб кетди. Бу билан «Аякс» мактаби тўхтаб қолмади. 1995 йилда финляндиялик Яри Литманен, нигериялик Финиди Жорж, Нванкво Кану, ака-ука де Бурлар, Эдгар Давидс, Кларенс Зеедорф, Марк Овермарс, Франк Райкаард, Данни Блинд, Эдвин ван дер Сар каби юлдузлар ўйнаган жамоа 2 марта ЕЧЛ финалига чиқди. Улардан биттасида ғолиб чиқди. Шундан кейин биз «Аякс»ни ЕЧЛ финалида бошқа кўрмадик.
Аммо шундан кейин ҳам «Аякс»дан юлдузлар етишиб чиқишда давом этди. 2002- йилда ҳам «Аякс» таркибида янги юлдузли жамоа шаклланди. Тасаввур этинг, Златан Ибраҳимович, Кристиан Киву, Найжел де Йонг, Энди ван дер Мейде, Рафаэл ван дер Варт, Уэсли Снейдер каби юлдузлар узоқ йиллар «Аякс» сафида тўп тепишганда нима бўларди. Афсуски, бу йигитлар ўзларини тарбиялаган ва дунёга танитган жамоа сафида бор-йўғи 1 йил ўйнашди.
Ана шундан кейин биз Олтин «Аякс» ўйинларини узоқ йиллар соғиндик. 2010 йилда Жаҳон чемпионати финалида ўйнаган Голландия ҳам, 2017 йилда Европа Лигаси финалида ўйнаган «Аякс» ҳам бизга ўтмишдаги «Аякс»ни эслатмади. Биз жорий йилда «Реал» ва «Ювентус»ни енгган «Аякс» орқалигина ўтмишдаги «Аякс»ни ёдга олгандекмиз. Аммо ўтмишдаги «Аякс» бўлиши учун амстердамликлар энг камида Чемпионлар лигасини ютишлари керак. Гарчи рақиблардан бирининг таркибида Лионел Мессидек юлдуз ўйнаса ҳам...
«Аякс»нинг бу таркиби ёзда талон-тарож бўлади. Грандлар «Аякс» боғида пишиб етилган «олма»ларни териб олиб кетишади барибир. Унгача шонли ўтмишга эга «Аякс» Чемпионлар Лигасини ютиши керак. Бироқ рақиблар бунга кўнармикан. «Барселона» жорий йилда 120 йиллик юбилейини нишонлайди, Лионел Месси 6-марта дунёда энг яхши бўлишга жиддий аҳд қилган, бошқа рақиблар ҳам совға эмас. Лекин инглизлар дастлабки ярим финалларда жуда ёмон натижа қайд этишди.
Азалдан «Барселона»га "нону гўшт" бўлиб келган инглиз клублари бу сафар ҳам қурбон вазифасини ўтаб беришди. Менимча, энди «Барселона» имкониятни бой бермайди.
Шу ўринда бир воқеа эсимга тушади. Пеп Гвардиола англиялик журналистларга интервью бергунча улар «АПЛ дунёдаги энг кучли чемпионат» деб юборишди. Шунда Пеп «кибрланманг» деди. «Сиз бизнинг чемпионат дунёда энг кучли деяпсизлар, бошқа чемпионатларни томоша қилмаган кўринасизлар», — деб сўзида давом этди у. Хуллас, шунақа гаплар.
Сафарали Сиддиқов
Фикр билдиринг:
ФИКР БИЛДИРИШ УЧУН РЕГИСТРАЦИЯДАН УТИШ КЕРАК!
Билдирилган фикрлар:
ILHOMBEKT 2019-05-08 07:05:05 0Liver bu Liver 6 minutda Milanni teshuvdi, Barca nima bo\'pti. ILHOMBEKT 2019-05-08 07:02:22 0Barsachilani og\'zi yopildi. Shunisiga xursandman. ILHOMBEKT 2019-05-08 07:01:07 0Barcelona endi imkoniyat bermaydi debsiz gapingizni qarang. Taqdirda nima bo\'lishini Allohdan boshqa zot bilmaydi ILHOMBEKT 2019-05-08 06:58:05 0Safarali aka yig\'ishtiring safsatani. Liverpul 4-0 ga qoqdi kecha. Afsonaviy uchrashuv bo\'ldi. Buni yuzing.