-
-
Суперлига 28.03.2024 19:00 Динамо 2 - 1 Металлург Суперлига 29.03.2024 19:00 ОКМК - Бунёдкор Суперлига 29.03.2024 19:15 Қизилқум - Локомотив Лига—1 30.03.2024 01:00 Лилль - Ланс Ла-лига 30.03.2024 01:00 Кадис - Гранада «A» Серия 30.03.2024 16:30 Наполи - Аталанта АПЛ 30.03.2024 17:30 Ньюкасл - Вест Хэм Ла-лига 30.03.2024 18:00 Хетафе - Севилья Суперлига 30.03.2024 19:00 Андижон - Насаф «A» Серия 30.03.2024 19:00 Торино - Монца «A» Серия 30.03.2024 19:00 Женоа - Фрозиноне Суперлига 30.03.2024 19:00 Пахтакор - Сўғдиёна АПЛ 30.03.2024 20:00 Челси - Бёрнли АПЛ 30.03.2024 20:00 Ноттингем Форест - Кристал Пэлас АПЛ 30.03.2024 20:00 Шеффилд Юнайтед - Фулхэм АПЛ 30.03.2024 20:00 Тоттенхэм - Лутон АПЛ 30.03.2024 20:00 Борнмут - Эвертон Ла-лига 30.03.2024 20:15 Альмерия - Осасуна Лига—1 30.03.2024 21:00 Метц - Монако «A» Серия 30.03.2024 22:00 Лацио - Ювентус Ла-лига 30.03.2024 22:30 Валенсия - Мальорка АПЛ 30.03.2024 22:30 Астон Вилла - Вулверхэмптон -
Ҳасанали ота Ўзингни англа
Борим ҳам, йўғим ҳам футбол - 5
Баҳо: 0Киритилган сана: 2012-05-09 10:37
5. Тахир мевалар
Гуруҳнинг охирги ҳал қилувчи ўйинига ким қандай бисот билан келди? Бошқалардан гапира олмайман. Ўзимиздан гапирай: Биринчи турда чизиқларда мукаммал боғламга эришмай Ироқни Тошкентда ютдик. Ўйинимиздаги мавжуд камчиликларга кўз юмдик. Мавжуд нуқсонларни оҳирги кунгача ўзимиз билан судраб юрсак-да, давомли қарсаклар ва мақтовларни тинглаб, очколаримизни санаб, қупқуруқ дарвозамизни танқиддан сақлаб, гуруҳда энг кучли ҳимоя тизими бизники, деган афсонага ҳаммадан бурун ўзимизни ишонтириб талтайдик. Биринчи турдан охирги тургача ярим йил ўтиб кетган бўлса-да, Абрамов оптимал таркибни, оптимал ўйинни излаб чарчамади, созлаб чарчамади, ташвиш билмай бир нималар қидирди. Фақат Ироқ бизни ташвишга солиб қўйди. Лондонга ғамлаб қўйган бисотимизда ола-тасир футболдан бошқа ҳеч нарса йўқлигини ҳаммага кўрсатиб қўйди. Ироққа қарши Доҳадаги ўйинда “бисотимиз” очилди.. У ерда “чоп, ошир, теп, югир, яна чоп, ошир”дан бошқа ҳеч нарса йўқ эди. Ҳар ер-ҳар ерда икки баъзан уч кишилик ўйин силсиласи боғланар эди-ю, тағин ечилиб кетар эди. Узвий бир бутун жўравар ўйинни кўрмадик. Ҳимоя билан ҳужум, ҳимоячи билан ҳимоячи, ҳимоячи билан дарвозабон орасида ўйин боғланмаган эди. Ола-тасир ўйинда ҳар жабҳада биздан сал кучсизроқ бўлган Ироқ термаси дарвозамизга бир-биридан бадбашара ола-була иккита гол уриб бизни ютиб кетди. Иккинчи гол бизни жуда шарманда қилди. Икки кишининг аҳмақона калла қўйиши термага ишониб юрганларни, умид боғлаганларни аҳмақ қилиб кетди. Бундай “бисотимиз” бешинчи феврал куни қор жангида очилмай қолган эди. Қор майдонниям, айбу-нуқсондан иборат “бисотимизниям” оппоқ қилиб қўрсатиб қўйган эди. Дохадан сўнг Кўзимиз очилдими?Хақ баҳо айтилдими? Айтилган сўз отилдими?
Нега бу аҳволга тушиб қолдик? “Бисот” яратувчиларига вақт етишмадими? Ваҳолангки, йигитларимиз 2 ой бирга ўйнашди. Қаерларгадир бирга кетишди, бирга қайтишди. Хуллас, бир қозонда қайнашди. Дарвозабон ўрнини эгаллаб Осиёда қаҳрамон бўлган ўнг қанот ҳимоячимиз Холмуҳаммедов қайда эди? Кунимиз Омоновга қолиб, шўримизга шўрва тўкилди-ку. Абжир, спортча тажавузкор Иброҳимовни унинг ўрнига қўйсак бўлмасмиди?. МТЖда Аҳмедовни, Карпенкони, Андреевни ҳимояга қўйиб, бир нимага эришган эдик-ку. Бундай услубни кўп қўллаган эдик-ку. Козак янги қўшилганлардан. Зотеев ҳам. Иморатимиз томи ёпилмай қолган-у, биз қайта-қайта янги ғоя гулларини кўра бердик. Мевасини қачон еймиз? Бахор ўтиб, кузда ҳосил йиғиш пайтида гуллаган олмани кўрганмисиз? Нордон мевасини еганмисиз? Абрамов меҳнатининг кечиккан гуллари ширин-шакар мевага айланиб Лондон жангларига тақалиб пишиб етилар эдими, мўлжал шундай бўлганмиди? Ҳозир бутун Ўзбекистон ишқибозлари Лондондан айрилиб, нордон футбол мевасини емоқдалар. Тўғри, бундай ҳосилда темир моддаси, дармон-дорилар кўп бўлиб, шираси паст бўлади. Бизнинг футболимизда ҳам шу аҳвол. Турфа нордон, тахир ҳулосаларга саҳифалар тўлиб кетди. Бундай аҳволда натижалар шираси шундайин чучмал ва таҳир бўлди-ки, луқма бўғзимизга тиқилиб қолди.
Ойша ҳоламнинг катта боғи.
Бу ёшдагилар футбол ўйнаса туйғулари, ҳиссиёти ҳал қилувчи омил бўлиб қолади. Яъни бир бутун жамоа бўлиш учун йигитлар тиллашиб, диллашиб, ҳасратлашиб, дўстлашиб уришиб-ярашиб бир бирига мослашиб олиши керак. Натижада жамоада рухий бир бутунлик пайдо бўлади. Шундан сўнг майдонда бус-бутун ижрони кўрамиз. Бу бутунликни учта ё тўртта ўзак ўйинчилар барпо қилишади. Масалан, ҳамма яхши билган Барсани олайлик. Унинг 4та эмас 8та ўзак ўйинчиси бор. Вальдес, Пике, Пуёль, Иньеста, Хави, Кейта, Месси, Фабрегаслардан 4таси майдонга тушмаса-да, жамоа ўйинини йўқотмайди. Бундай ҳол ҳар бир клубнинг орзуси. Яъни узундан узун заҳира ўриндиғини ҳамма орзу қилади. Лекин жамоанинг 4 та ўйинчидан ташкил топган ўзаги бўлмаса, узун ўриндиқни ҳеч ким орзу қилмасин. “Пахтакор”да 4 та ўзак ўйинчилар энди танлаб олиняпти. ОТЖда ўзак ўйинчилар, яъни ҳам руҳий, ҳам жисмоний, ҳам инсоний, ҳам майдоний талабларга кўра ўзак ўйинчилар кимлар эди?.. Уларни топишга ҳаракат ҳам бўлмади, шекилли. Қувватов, Мустафоев, Мусаев, Зотеевми? Шундай 4та таянчиқ, суянчиқ, жамоага далда бўладиган, елка бўладиган, юрак бўладиган ўйинчи танлаб олинмаган эди. Абрамов тўртта ўйинчига алоҳида эътибор қаратишни истамади. “Челси” секин-аста оёққа туриб оляпти. Ишончим комил, қўлидан келади. Чунки жамоанинг жуда кучли, жуда ишончли бир ўйинчиси бор-ки, у жамоанинг Ярми деб саналади. Бу ўйинчи Питер Чехдир. Ювентус ҳам ўзининг ярмига, таяниб қаддини тиклаб олди. Бу Буффондир.
Абрамов жамоанинг Ярмисини оғир дамда алмаштирди-я, Ханойга олиб кетмади-я. Ундай бўлса, аввал бошидан кимни жамоанинг Ярми бўлади деб тайёрлаган эди? Ҳеч кимни. Евстафеев жуда чиройли жамоа иморатини тўртта ўзак футболчининг ўйини устига қуриб олган эди. Абрамов жамоа ўзагини бошқалардан ажратиб олишни истамагандай, унинг Ярмига ҳам кўз юмди. Голландиялик Снейдер заҳирада ўтирган пайтида ҳам “Интер”нинг ўзаги хисобланади. Стив Жерард эса заҳирада ҳам “Ливерпул”нинг Юраги бўлади. Майдондан ташқи хаётда йигитлар ичидан ўсиб чиққан сарвар (лидер) майдонда сардорга - Жеррардга айланиши керак. Бизда ким бундай вазифани бўйнига олди? Ҳеч ким. Сардорни жамоа танлайди, мураббий яратади, уни тарбиялайди. Ўйинда унга таянади. Абрамов кимга таянди? Фақат ўзигами?
Еврофутболда сардорлик боғичи деб бир давлат термасининг бош мураббийи ишдан олинди. Бир йилдаёқ “Реал”ни чемпион қилган инсонни-я. Бизда, терма-ю клубларда сардорлик боғичи бир матоҳ , “повязка” халос.
Айтар бўлсам, ушбу кунлар Бунёдкорда Лутфулло Тўраевни Жерарддек сардор сифатида кўраман. “Пахтакорда” эса, ҳеч кимни кўрмаяпман. ОТЖда кимни кўрган эдингиз?
Катталар йиллаб кўринмай юришса-да, термада бир пасда чиқишиб кетишади. Ёшлар эмас. Умуман олганда, янги ўйинчилар бир жамоада жам бўлса, бунинг устига турли давлатдан келганлар биргаликда биринчи бора майдонга тушишса, катталар ҳам бирданига бир бутун жамоа бўлиб ўйнай олишини Ойша ҳоламнинг катта боғида Наврўз байрамида кўрамиз, яшил майдонда эмас. Бунга бугунги "Пахтакор" ёки "Локомотив" ўйинлари мисол бўла олади. Улар аввал жамоа ўзагини яратишади-ю, кейин ўйинга шакл беришади. Абрамов-чи?
ОТЖ ўйинчилари майдонда тўртта ўзак ўйинчига ё сардорга эга эмас эди, асло. Ҳар бир ўйинда йигитлар сардорга эмас, Абрамов кўрсатмаларига таяниб, қай бири ўз билганича, бошқа бири бир нимани эплаганича ўйнади.
Фикр билдиринг:
ФИКР БИЛДИРИШ УЧУН РЕГИСТРАЦИЯДАН УТИШ КЕРАК!
Билдирилган фикрлар:
GOLBOLSIN 2012-05-15 11:32:43 0Mazmunan maqola dolzarbligini hech qachon yo'qotmaydi. Ammo, amalda bu gaplar ertaroq aytilishi kerak edi. Hasanali ota, bardavom bo'ling. FILOSOF 2012-05-10 20:11:06 0ОТЖни узаги була оладиган уйинчилар бор эди,аммо-лекин Абрамов уларни эплаб уйната олмади.Дарвозада Кувватов,химояда Тухтахужаев, уртада Мусаев, Каримов, Хасанов,Зотеев,Иброхимов,хужумда Темурхужа хозирги пайтда уз клубларида туппа-тузик уйнаб юришибди,даже ОЧЛда.Ундан олдинги циклда хам боплаган эди.УФФдагилар каекка карашвотти, унга МТЖни топшириб куйиб. Катардаги муваффакиятда Абрамовнинг хиссаси йук, унда уйинчиларимизнинг махорати хамда омад асосий роль уйнаган. FOREIGNER 2012-05-10 09:13:12 0Купчиликка ёкмаяпти... Лекин магзини чаккан одамларга хаммаси тушунарли. Бу макола аслида ОТЖ "тахир мевалар" хакида эмас, аксинча "нобоп" богбон хакида. МТЖни хам шу богбон расво килмасдан олдини олиш хакида ёзилган гаплар. Аммо бу нобоп богбон "шира"-дек жуда шилким экан. Битта богни барбод килиб, энди каттарок богни хам чиритиб юбориш арафасида. Баъзи юзерларга ёкмаяпти бу танкидий гаплар, лекин хали бог расво булгандан кейин, богбонни онасию, авлод-аждодларини сукишади. Афсуски, у пайт анча кеч булади-даааа.... BANZAY 2012-05-09 19:15:16 0MUNIS | Ёкаётган булса укийверинг. Ёкмаса ёкмади дейдида. Йук булиб кетган ОТЖни камчиликлари кимга керак энди. MUNIS 2012-05-09 19:04:32 0эй шу мухлис ахлига хайронман Кахрамон ака 4та евро футболи хакида ёзувди нега узимиз хакимизда ёзмайсиз деб айюханнос солушувди энди ота отж хакида ёзса бу гап.. билмадим BANZAY 2012-05-09 14:20:48 0Эй ота!!! Бу сиз тинмай танкид килаётган ОТЖ энди йук. ЙУК! Ярани янгилайверманг. Хамма билиб булди, чикарадиган хулосасини чикариб булди. Нима кераги бор сериал ёзиб шунга энди.?? Тахир мева, ойша холанинг боги - нима бу??? яхши ёзгансиз, лекин бу ёзганларизни хеч ким укимайди. Бошка мавзуда ёзинг энди. Сийкаси чикиб кетди бу мавсуни. 1-2-3-4-5..бу кетишда хали яна давом этадими дейман? DAVIDVILLA 2012-05-09 11:32:55 0Ufff yarani yangilayverasizlarmi. Kechayam Abramovdan intervyu olishibdi,Yarmi OTJ haqida. Shu "STADION"gayam kirging kemiy qoladi mavzulani birgina shu OTJ haqidaligidan. Endi to'g'ri ,hatolarni sarhisoblab, keyin takrorlamasligini oldini olish kere. Lekin bunchalikmasda... DAVIDVILLA 2012-05-09 11:31:37 0Ufff yarani yangilayverasizlarmi. Kechayam Abramovdan intervyu olishibdi,Yarmi OTJ haqida. Shu "STADION"gayam kirging kemiy qoladi mavzulani birgina shu OTJ haqidaligidan. Endi to'g'ri ,hatolarni sarhisoblab, keyin takrorlamasligini oldini olish kere. Lekin bunchalikmasda... SHOXZOD 2012-05-09 11:18:40 0Rosa jonga tegdizda öziyam lekim!