-
-
Суперлига 28.03.2024 19:00 Динамо 2 - 1 Металлург Суперлига 29.03.2024 19:00 ОКМК - Бунёдкор Суперлига 29.03.2024 19:15 Қизилқум - Локомотив Лига—1 30.03.2024 01:00 Лилль - Ланс Ла-лига 30.03.2024 01:00 Кадис - Гранада «A» Серия 30.03.2024 16:30 Наполи - Аталанта АПЛ 30.03.2024 17:30 Ньюкасл - Вест Хэм Ла-лига 30.03.2024 18:00 Хетафе - Севилья Суперлига 30.03.2024 19:00 Андижон - Насаф «A» Серия 30.03.2024 19:00 Торино - Монца «A» Серия 30.03.2024 19:00 Женоа - Фрозиноне Суперлига 30.03.2024 19:00 Пахтакор - Сўғдиёна АПЛ 30.03.2024 20:00 Челси - Бёрнли АПЛ 30.03.2024 20:00 Ноттингем Форест - Кристал Пэлас АПЛ 30.03.2024 20:00 Шеффилд Юнайтед - Фулхэм АПЛ 30.03.2024 20:00 Тоттенхэм - Лутон АПЛ 30.03.2024 20:00 Борнмут - Эвертон Ла-лига 30.03.2024 20:15 Альмерия - Осасуна Лига—1 30.03.2024 21:00 Метц - Монако «A» Серия 30.03.2024 22:00 Лацио - Ювентус Ла-лига 30.03.2024 22:30 Валенсия - Мальорка АПЛ 30.03.2024 22:30 Астон Вилла - Вулверхэмптон -
Mazmun.uz — барчаси футбол учун Mazmun.uz блоги
Дорилаш керак, дорилаш (футбол ҳақида ҳикояча)
Баҳо: 0Киритилган сана: 2017-06-20 23:31
Безбек Хумкаллаев янги фермер хўжалигига бошлиқ этиб тайинланди. Бекорга эмас, албатта. Бунгача қанчадан-қанча қўллар сиқилди, қанчадан-қанча этаклар ўпилди. Ишқилиб, ҳозир Безбекнинг ошиғи олчи. Катта фермер хўжалиги унга қарайди. Келганидан бери билганиям, қойиллатганиям мажлис. Калласига бирор-бир фикр туғилиб қолса, тамом, мажлис уюштиради. Мажлис тугагач эса ёрдамчисига тайинлайди, “Иш планининг асосий қисмига ёзиб қўйинг, навбатдан ташқари мажлисда фермер хўжалигини ривожлантириш масаласи кўриб чиқилди, денг”.
У келгач, ҳисоб дафтарлари кўпайгандан-кўпайди. Фермер хўжалигини буюк келажак ҳақидаги орзулар қамраб олди. Бунда, албатта, Безбекнинг ёрдамчиси Сурбет Гаптегмасовнинг хизмати катта бўлди.
Орадан анча вақт ўтди, аммо тараққиёт қоғозда қолиб кетди. Катта-катта бўлиб пишган картошкалар эса дори сабабли етиштирилганлиги учун одамларни заҳарлай бошлади. Мажбуран етиштирилган маҳсулотлар бошқа нимага ҳам ярарди? Бу охир-оқибат норозиликларни келтириб чиқарди. Орада Безбек Хумкаллаев бир эркалик ҳам қилди, ишдан кетиши ҳақида хабар қилди, аммо яна ишини давом эттираверди. Ёрдамчилари эса буни қуйидагича изоҳлашди: “Безбек Хумкаллаев фаолиятини тугатиш ҳақида қарор қилди, одамлар эса ундан қолишини илтимос қилишди, у эса одамларни ўйлаб, лавозимида қолди”. У шу қадар устаси фаранг эди-ки, уқувсизлигини оташин нутқлари билан ёпиб кетарди.
— Биз охирги пайтларда тарқалаётган касалликларга қарши курашиш йўлини топдик, — деди у бир сафарги нутқида. — Бундан буён маҳсулотларни дорилаган, уни зўрма-зўраки етиштирганлар қаттиқ жазога тортилади.
Ҳамма уни олқишлади. Безбек Хумкаллаев идорасига қайтгач, ёрдамчиси уни кулиб қарши олди:
— Бопладингиз лекин, хўжайин. Роса ишонарли чиқди. Вей, роса жиддий турдингиз лекин.
— Мени биласан-ку!
— Айтгандай, жаноб Хумкаллаев, бу йил кўпроқ маҳсулот етиштирмокчи эдик, нима маслаҳат берасиз?!
— Дорилаш керак, дорилаш…
Фикр билдиринг:
ФИКР БИЛДИРИШ УЧУН РЕГИСТРАЦИЯДАН УТИШ КЕРАК!
Билдирилган фикрлар: