Сир эмаски, бугун мамлакатимизда жисмоний тарбия ва спорт соҳасига жиддий эътибор қаратилмоқда.

 

Айниқса, Олий Мажлисга Мурожаатномада давлатимиз раҳбари мамлакатимизда қишки спорт турларини ривожлантириш масаласига ҳам алоҳида урғу қаратдики, бу мазкур йўналиш тараққиётида янги даврни бошлаб берди. Бунга яқинда хоккей бўйича Ўзбекистон биринчи чемпионатига старт берилгани ҳам яққол мисол бўлади.

 

Ўзбекистон ёшлар иттифоқи Жисмоний тарбия ва спорт вазирлиги, Ўзбекистон Миллий Олимпия қўмитаси ҳамда спортнинг қишки ва мураккаб техник турлари бўйича Республика олий спорт маҳорати мактаби билан ҳамкорликда 18 ёшдан 30 ёшгача бўлган ҳаваскор спортчи ёшлар ўртасида илк маротаба “Chimgan Challenge” қишки спорт турлари бўйича Ёшлар фестивалини ташкил этди.

 

 

Бугунги кунда мамлакатимизда ёшлар учун кенг имкониятлар, қулайликлар ва имтиёзлар яратилган. Бунга жавобан эртамиз эгалари ҳозирда илм-фан, таълим, маданият ва спорт каби кўплаб соҳаларда юксак натижаларни қўлга киритиб келишмоқда. Хусусан спортда ҳам Ўзбекистон ёшлари юксак марраларни забт этишаётгани таҳсинга лойиқ.

 

“Chimgan Challenge” Ёшлар фестивали эса яқин келажакда мамлакатимизда қишки спорт турларини ривожлантириш йўлидаги муҳим қадамлардан бирига айланди, десак асло муболаға бўлмайди.

 

Давоми бу ерда)))http://uza.uz/oz/sport/ishki-sport-turlari-b-yicha-yeshlar-festivali-iz-in-davom-et-14-02-2019