-
-
Суперлига 28.03.2024 19:00 Динамо 2 - 1 Металлург Суперлига 29.03.2024 19:00 ОКМК - Бунёдкор Суперлига 29.03.2024 19:15 Қизилқум - Локомотив Лига—1 30.03.2024 01:00 Лилль - Ланс Ла-лига 30.03.2024 01:00 Кадис - Гранада «A» Серия 30.03.2024 16:30 Наполи - Аталанта АПЛ 30.03.2024 17:30 Ньюкасл - Вест Хэм Ла-лига 30.03.2024 18:00 Хетафе - Севилья Суперлига 30.03.2024 19:00 Андижон - Насаф «A» Серия 30.03.2024 19:00 Торино - Монца «A» Серия 30.03.2024 19:00 Женоа - Фрозиноне Суперлига 30.03.2024 19:00 Пахтакор - Сўғдиёна АПЛ 30.03.2024 20:00 Челси - Бёрнли АПЛ 30.03.2024 20:00 Ноттингем Форест - Кристал Пэлас АПЛ 30.03.2024 20:00 Шеффилд Юнайтед - Фулхэм АПЛ 30.03.2024 20:00 Тоттенхэм - Лутон АПЛ 30.03.2024 20:00 Борнмут - Эвертон Ла-лига 30.03.2024 20:15 Альмерия - Осасуна Лига—1 30.03.2024 21:00 Метц - Монако «A» Серия 30.03.2024 22:00 Лацио - Ювентус Ла-лига 30.03.2024 22:30 Валенсия - Мальорка АПЛ 30.03.2024 22:30 Астон Вилла - Вулверхэмптон -
Қаҳрамон Асланов 25-кадр
Холислик
Баҳо: +1Киритилган сана: 2013-01-06 15:08
Ҳасанали Қодиров “Орқада қолган ўйлар” номли туркум мақолаларини сайтда эълон қилишни бошлади. Мақоланинг асосий мавзуси, аслида жуда кам тилга олинаётган бўлса-да, менинг “МДҲ мадҳи” деб номланган мақоламга муносабат бўлгани туфайли баъзи масалаларда ойлинлик киритишни лозим топдим.
Аввало, шуни айтишим керакки, мен ўша мақолам остидаги бир мухлиснинг фикрига қўшиламан: “Давлатим дахлсизлигига таҳдид қиладиган ҳар қандай ғояга мен ҳам қаршиман!”. 80-йиллардаги “Пахтакор” ўйинларини ўзгача энтикиш билан эслашим мумкин, лекин агар мустақиллигимиз йўлида ўша футбол қурбон қилинган бўлса, мен бу қурбонликни қабул қиламан ва оқлайман! Мақола эса умумий лига ташкил қилинадиган бўлса, ўзбек футболи ва терма жамоаси бундан кўп нарса ютиши мумкинлиги ҳақида эди холос. Табиийки, бу ердан туриб, ушбу лойиҳанинг пардаси ортидаги режалардан хабарим йўқ, мабодо лойиҳа жиддий тус оладиган бўлса, бу бизда ҳам юқори савияда, соҳадаги кучли мутахассислар томонидан таҳлил қилинади ва керакли қарорга келинади, бу шубҳасиз. Айтмоқчиманки, ўша парда орқасига ўтишга ҳаракат қилиш, мен ёки Ҳасанали ота каби оддий футбол журналистларининг қўлидан ва ақлидан келадиган иш эмас, демак, лиганинг футболга қанчалик таъсир қилиши мумкинлиги ҳақида фикр алмашишнинг ёмон жойини кўрмаяпман. Биз футбол журналистимизми, демак футбол ҳақида гапирайлик, ҳар бир воқеага сиёсий ракурс ва қолип ўрнатволиб, тушуниб-тушунмай ақллилик қилиш бизга эмас, мабодо, ўша даражада чуқур таҳлилни даъво қиладиган бўлсак, марҳамат, асослар билан, бу ҳам бемалол. Бу биринчидан.
Иккинчидан. Тўғри, мен мақолада лиганинг фақат ижобий томонларини ёзганман. Мумкинмасми? Биласизми, бизда “холислик” тушунчаси бироз нотўғри талқин қилинади ва шунинг ортидан қандайдир фикр ёки материал ҳақида салбий муносабатлар пайдо бўлади. Осонроқ қилиб тушунтирай: тасаввур қилинг, шарҳловчи “Селтик” – “Барселона” ўйинини шарҳлаяпти. Мухлис ундан бир хил муносабат кутади, “Селтик” гол урганда қанчалик қаттиқ бақирган бўлса, “Барселона”нинг голида ҳам худди ўшандай реакция бўлиши шарт, деб ўйлайди. Бу нотўғри. Холис шарҳлаш дегани шарҳловчининг “холис мухлис” мақомига усталик билан кира олишидир. Сиз “Барселона” ёки “Селтик” ёки “Реал” мухлиси бўлмасангиз, ўйинни қандай кўрасиз? Албатта, “Селтик”нинг голи сизга кўпроқ эмоция беради – сабаби, бу гол ўйиннинг давоми янада қизиқроқ бўлишига пойдевор. Умуман бизга нейтрал бўлган ҳар қандай икки жамоанинг ўйинини кўрганимизда беихтиёр уларнинг бирига симпатия пайдо бўлади, ёки бир жамоа ҳаддан ташқари кўп ва чиройли ҳужум қилиб юборса, ҳеч бўлмаса битта гол уришга ҳақли бўлди, деб ўйлаймиз ва буни чин дилдан истаймиз. Шарҳловчи ҳам ўйиннинг эмоционал қобиғига кириши шарт, мувозанатни ушлайман деб ўзига қарши бориши тўғри эмас.
Баъзи мақолаларда ҳам шундай. Журналист маълум воқеага нисбатан ўз муносабатини билдириши керак, мутахассис таҳлилини эмас. Холислик айнан ўша муносабатнинг “ўз ўзиники экани” билан ўлчанади холос. Мен журналист сифатида ўшандай лига бўлишини орзу қилсам ва бунинг яхши томонларини кўриб, ёмон тарафларига эътибор бермасам – бу жоҳиллик, кўрлик, аҳмоқлик бўлиши мумкин, лекин нохолислик бўлмайди. Чунки мен ўз қарашимни виждонан ифода этяпман. Шарҳловчи ҳақида мисол эсингиздами, агар у “Барселона”нинг ашаддий душмани бўлиб, айнан шунинг учун атайлаб “Селтик”ка ён босишга ҳаракат қилса, нохолислик бўлади. Мен кимдир билан қариндош ёки дўст эканим ёки моддий манфаат ёки кимнингдир илтимоси туфайли, аслида ўзимнинг фикрим бўлмаган гапларни мақола қилсам – ана ўша ҳаракат НОХОЛИСЛИК ва мухлисга нисбатан хурматсизликдир. Мана шу тарафдан виждон пок бўлса, бошқа тарафдан журналист эркин бўлиши керак. Мен шундай деб ўйлайман.
Учинчидан. Бобомурод Абдулла мен ҳақимда мақола ёзганида, икки жиҳатдан таҳририятга қаршилик билдирганман. Биринчиси, ўша мақоланинг газетага кетишини истамаганман. Блог бу блог, лекин газетада фаолиятини давом эттираётган журналист айнан ўша газетада нопрофессионалликда айбланса, бу ҳурфикрлилик эмас, мантиқсизлик бўларди. Иккинчиси, мен ўша мақоланинг кичик бир қисмини олиб ташлашгни талаб қилганман. Ўша мақоладаги бошқа гапларга ҳам қўшилмасамда, эътироз билдирмаганман, Хўп, аҳмоқ дебди, жоҳил дебди, ўқимаган дебди ва ҳоказо, бу унинг фикри. “Суюнчи”да иқтибосга қиёсан, мен ҳам уни аҳмоқ дейман, тамом. Мен келтирилган бир “факт”га эътироз билдирганман. Эмишки, мен ўзим ишлайдиган газета муҳарриридан менинг исмимни руйхатнинг энг бошига қўйишни талаб қилганман. “Стадион” муҳаррири Шокиржонов бу гапни уйдирма эканини айтди, “Чемпион”даги Азиз Акбаров ҳам ҳайрон бўлди. Қизиғи, “Чемпион”да менинг номим энг биринчида турмаган ҳам. Тавба қилдим, узр, ўзимгаям эриш туюляпти бу мавзу. Хуллас, мен бундай майда чуйдаларга эътибор қаратмасдим, шунинг учун ўша “факт”ни тухмат деб баҳоладим ва ҳатто блогда кетишига ҳам қарши бўлдим.
Ўша воқеани эслаганимнинг сабаби бор, айнан мана шунақа чалкашлик деймизми, уйдирмами, мени бу жавоб мақолани ёзишга ундади. Мана, шу мақоладан парча:
“Бу мақола бошқа бир воқеани хотирамга солди. Бундан тўрт йилча олдин қиш кунлари Маҳмуд Асрор мени таҳририятга чақириб қолди. Бир нима кўрсатаман деди. Бобомурод Абдулланинг дардли, қонталаш мақоласи экан. Футболимиз танасидаги киши билмас бир ярани фош қилувчи оғриқ экан бу мақола. Шу бир мақола мавзусига бутун газетамизни бўйсундиришга келишиб олдик. Мен ҳам бу мавзуни бошқа томондан ёритаман деб кейинги сонда Бобамуродга “қарши” бир мақола ёзиб бермоқчи бўлдим. Бу сонга ўзи “кириш” ва “чиқиш”ни ёзадиган бўлди. Хуллас иш қизиб кетди. Лекин минг афсус бўлсинки, ишимиздан кимдир хабар топибди, шекилли. Биздан аввал бу ҳақда бошқа биров мақола ёздими, кимдир биздан олдин мақола мавзусини фош қилдими, деб сўраяпсизми? Йўқ, ундан бешбаттари бўлди.
Газета чиқар куни кучли журналист жуда катта маҳорат билан бошқа бир мавзуда, яъни йил ўйинчисининг танлови мавзусида, ҳайъат кирдикорларини фош қилиб “Монтёр” никими билан сайтда бир мақола чиқардики, ҳамманинг эътиборини бир ҳафтага ўзига боғлаб қўйди. Бутун футбол оммаси оғзида шу сайт мақоласи бўлди. Ҳамма ёқда эшитдингми, ўқидингми деган гаплар тутаб кетди. Ҳатто, Бобомуроднинг ўзи ҳам газетада “Монтёр” кўтариб чиққан мавзуда мақола ёзди. “Монтёр” номи остида ҳамма нарсадан хабардор, федерациямизнинг бир ходими яширин бўлса керак, уни танимайсанми?” деган гапларни чайнаш одат бўлиб қолди. Бобомурод мақоласи “Монтёр” соясида қолиб кетди. “Монтёр” биз тайёрлаб қўйган мақоланинг кучини, дилларни ёритувчи нурини ўчириб қўйди. Ҳалигача бу воқеа бизга қарши бўлган қандайдир кучларнинг режали иши бўлган эди, “Монтёр” биз очмоқчи бўлган футболимиздаги қинғир ишларнинг қозон қопқоғини ёпиб қўйгувчи одам эди, деган тахминлар бор. Сайтда маҳорат билан ёритилган “Йил ўйинчиси”нинг танлов воқеалари футболнинг икир-чикр гаплари эди, холос. Аслида “пряник” эгасини, йилнинг уйинчисини топишга бағишланган сайтдаги ўша мақола, газетамизда босилишга тайёр турган Бобомуроднинг “Рўзман иши” деб ном олган мақоласи олдида мутлақо муҳим бўлмаган бир кунлик мавзу эди, холос. Менимча “МДҲ МАДҲИ” билан “Монтёр” орасида қандайдир ўхшашлик бор. Унда ҳам бунда ҳам муаллиф ниятини билиб бўлмайди. Илмнинг таърифига кўра ҳар доим НИЯТ энг муҳим дейилади. Жараён эмас. Манимча, “Монтёр”нинг ҳам, “Мадҳия” муаллифининг ҳам нияти ўзи учун тайин эмас эди. Аслида одамлар бир-бирига ўхшайди. Уларнинг бетайин ишлари ҳам”Ўқидингиз-а? Оддий факт борки, мана шу иддаоларни оёғини осмондан қилиб ташлайди. Эсингизда бўлса, Рўзим Аҳмедов билан боғлиқ можаролар кубок финалидан кейин чиққан, яъни 2009 йилнинг августида. Бобомурод Абдулла ўша август ойида ушбу мавзуда мақола ёзган, муҳокамалар ҳам, мунозаралар ҳам ўша август ойида бўлиб ўтган. МОНТЕР нинг мақоласи эълон қилинганда эса, Ҳасанали отанинг ўзи ҳам айтганидек қиш кунлари эди, аниқроғи ўша мақола 2009 йил, 26 декабрда сайтда эълон қилинган. У пайтда Рўзим Аҳмедов мавзуси аллақачон чайналиб, мазаси кетиб бўлган, ҳатто футболчи ноябрда Хоразмга қайтариб ҳам юборилганди. Хайрулла Ҳамидов “Рўзман иши” мақоласини ёзаётганда, яъни ўша декабрда бу мавзу долзарб эмасди, шунчаки у мавзуга қайтган холос. Ўша мақоланинг ҳам етарлича резонанс бермаслиги олдиндан маълум эди, чунки изоҳларда ҳам, “шунча чайнаганимиз етар” қабилидаги эътирозларни ўқиганман. Балки Ҳасанали ота, қишга келиб яна Рўзимбой Аҳмедовни эслаб қолишни ният қилгандирлар, билмадим, лекин шуниси аниқки, Бобомурод Абдулла мақоласи МОНТЕР соясида қолиб кетмаган, у бу мавзуда айтадиганини айтиб бўлганди. Ўша пайтда Бобомурод Абдуллада бу мавзуда ҳеч қанақа мақола йўқ эди. Хуллас, МОНТЕРнинг қандайдир ғараз ниятларда, оммани эътиборини асосий мавзудан чалғитиб, қайсидир кераксиз мавзуга буриб юборишга ҳаракат қилгани ҳақида айблов – ғирт уйдирма. Ва кулгили. Одам бир мавзу ҳақида ёзмоқчи буларкан-да, мабодо бошқа журналист бошқа мавзуни кўтариб, омма эътиборини жалб қилиб юборса, ўша журналист қандайдир “қабиҳ ниятли”га айланаркан. Абсурд эмасми? Хўп, МОНТЕР ҳам Рўзман иши даврида бошқа мавзуни кўтариб чиққан деб қабул қилганимизда ҳам, бу иш учун “атайлаб”, “чалғитиш учун” каби айбловлар қўйиш учун асослар етарлими? Нега энди ҳамма, ҳар доим фақат битта мавзуни муҳокама қилиш керак? Ва энг долзарб мавзу ҳам, айни пайтда энг кўп муҳокама қилинаётган мавзудир, тамом.
Мен фаришта эмасман. Лекин битта орзуим бор. Олдин ҳам айтганман. Шу соҳада ижод қиляпмизми, демак турли мавзуларда ўз фикримизни ёзишдан тўхтамайлик. Мавзулар муҳокама, мунозара бўлсин, бир журналист бир фикрни кўтариб чиқса, эртасига иккинчиси ўша фикрни ерга уриб, унақа эмас, бунақа деб ўзиникини маъқулласин. Керак бўлса, чемпионат мана бу форматда ўтиши керак, деб бир бири билан ёқалашиш ва ёвқараш даражасига ҳам етсин. Энг самимий муносабат мана шудир. Бу бефарқликни енгади. Бу журналистлик касб эмас, вазифа, масъулият эканидан дарак беради. Лекин!...
Лекин ҳар бир фикр бўғилса, кимдирнинг ўзидан бошқачароқ фикрда эканини хазм қила олмай унга тухмат қилса, жаҳолатку майли, разолатда ҳам айбласа, бу ёмон.
Фикр билдиринг:
ФИКР БИЛДИРИШ УЧУН РЕГИСТРАЦИЯДАН УТИШ КЕРАК!
Билдирилган фикрлар:
ADGJM 2013-01-09 00:02:43 0Avval B. Abdulla, endi esa Xasanali ota. Tögrisi, men Qahramon akani Ronalduga öxshataman. Ikkalasining ham sabriga qoyil. Ikkalasiga ham omad! GOLBOLSIN 2013-01-07 16:57:55 0Bu yerda nima desang Hasanlali otani qarshingda ko'rasan. HEROLION 2013-01-07 16:40:52 -1JADROO | тушунмадим? JADROO 2013-01-07 15:25:00 0Пиши пьяным, редактируй трезвым. Döstimning statusi Рост гапириш - тугри сиёсат, ёлгон гапириш - бу статистика холос. Ösha döstimni statusidan yana bittasi. Nima demoqchiman, Xasanali otani maqolasigina sizni shunga majbur qildi. Xasanali otani yomon körib keteymi, yoki menam "aqllilik" qildimmi? Nohotki özizni adashdim deb hisobladiz? Shunaqa hisobladiz! JADROO 2013-01-07 15:24:55 0Пиши пьяным, редактируй трезвым. Döstimning statusi Рост гапириш - тугри сиёсат, ёлгон гапириш - бу статистика холос. Ösha döstimni statusidan yana bittasi. Nima demoqchiman, Xasanali otani maqolasigina sizni shunga majbur qildi. Xasanali otani yomon körib keteymi, yoki menam "aqllilik" qildimmi? Nohotki özizni adashdim deb hisobladiz? Shunaqa hisobladiz! JADROO 2013-01-07 15:24:48 0Пиши пьяным, редактируй трезвым. Döstimning statusi Рост гапириш - тугри сиёсат, ёлгон гапириш - бу статистика холос. Ösha döstimni statusidan yana bittasi. Nima demoqchiman, Xasanali otani maqolasigina sizni shunga majbur qildi. Xasanali otani yomon körib keteymi, yoki menam "aqllilik" qildimmi? Nohotki özizni adashdim deb hisobladiz? Shunaqa hisobladiz! BARSAFC 2013-01-07 09:47:55 0Хуллас, макола хакида фикриз буса езинг, лекин нима езиш еки езмаслик хакида маслахат керакмас. Haq gap. Ijodizga omad ! BARSAFC 2013-01-07 09:47:34 0Хуллас, макола хакида фикриз буса езинг, лекин нима езиш еки езмаслик хакида маслахат керакмас. Haq gap. Ijodizgaomad ! BARSAFC 2013-01-07 09:47:28 0Хуллас, макола хакида фикриз буса езинг, лекин нима езиш еки езмаслик хакида маслахат керакмас. Haq gap. Ijodizgaomad ! NODIRBOBO 2013-01-07 09:19:41 0Masalan man uzim biror fikr bildira olmayman, chunki Xasanali otani maqolalarini tulig'ini uqimaganman NODIRBOBO 2013-01-07 09:17:50 0Хуллас, макола хакида фикриз буса езинг, лекин нима езиш еки езмаслик хакида маслахат керакмас. Фарзандиз бировга екмаса, айбини айтса тугри тушунасиз, лекин "шу болези аборт килдириб ташаганларингда яхши буларди" дейишса сизиям аччигиз келади. Маколаям бир мехнат. Узр --------- Tuppa tug'ri javob bulibdi. Qarshiliging bulsa qanaqadir fikring bulsa yoz, uzingni "aqilli" deb bilsang sur buttan. MARSEL 2013-01-07 05:33:24 0Менимча, Миллер акага, МДХ чемпионатини клублар эмас,термалар орасиада шундай чемпионат утказиш таклифини бериш керак,нима дедингиз, а,лаббай.Бизга омад. FATHQUQON 2013-01-07 01:39:15 0Эсингизда булса Б Абдулланинг сизни танкид килиб чиккан маколаларига -нега жимсиз еки розимисиз деганимда,яхши бир хикматли масал келтирган эдингиз.Бу сафар хали охирига етмаган маколага нега бунчалар тез. XABIALONSO 2013-01-06 21:05:22 0Hasanali ota o'zi futbol ko'radimi yo yo'qmi? kim biladi? FILOSOF 2013-01-06 20:05:50 0Хурматли админлар! Хасанали отани сериал маколасини давоми бор деб эълон килдинглар.Мабодо маколани давомида яна уша Барселона-Вальядолид учрашуви атрофидаги олди -кочди гаплару, Кахрамонга лой чаплашлардан иборат булса, барака топгурлар сайтга куйманглар.Уч сафардан бери чайналаетган маколани магзини тушундик,булди.Тугри Хасанали отани хам СНГ чемпионати хакида фикрлари бордир, лекин буни хамкасбига лой чаплаш, магзава агдариш тарикасида изхор килмайдилар, уни устига сериал килиб.Демократия деганда икки хамкасбни ОАВ га чикиб олиб бир-бирига лой чаплаш деб тушунилмайди менимча.Яхшиям интернет чикиб биздака бошка касб эгалари хам уз фикримизни билдира оляпмиз.Илгари замонда бунака нарсалар етти ухлаб тушимизга кирмаган эди. SHAHRIXON 2013-01-06 19:58:06 0олга Хасан ота, Кахрамон ака. FINANCER 2013-01-06 19:37:34 0"madhiya" maqolasi mangayam yoqmovdi, lekin qisqagina qilib ahmoqona goya deb aytgandim... manimcha Q.A bu yerda prav, Hasanali ota biroz oshirvorganlar, eng katta xatolari bu gaplani saytga joylaganlari, turida bizaga nima qizigi bor silarning problemalaring... EDMONDANTES 2013-01-06 19:01:35 0Qahramon, Hasanali Ota MDH chempionati haqida umuman boshqa fikrda ekan ya'ni MDH chempionatida qatnashsak ( agar amalga oshsa bu reja) biz Rossiyaga yana qul bo'lib qolamiz... UFF bir jurnalist maqolasi bilan ish tutganida hozir terma jamoamiz jahon chempionatiga yo'llanma olarmikan deb yurak hovuchlamasdan jahon chempionatida medaldan quruq qolmasmikan deb yurgan bo'larmidik... Siz o'z fikrizi shahsiyatga tegmagan holda faqat MDH chempionati haqidagi fikrlarizi bildirdiz, lekin Ota otaliginim qildi ya'ni yosh o'tgan sari odamda sal fikrlash qobilyati boshqacha bo'larkan, siz e'tiboq ailmang. ABITURIYENT 2013-01-06 18:42:21 0Herolion. Gap sizdan ko'ra sizni tanqid qiladiganlarga tegishli edi. Sizni hurmat qilishimni o'zizam bilasiz. Prosto bu birinchisimas. Ulayam shu maqolani o'qiyotgandir. Keyin Qashqirlar makonida doim birinchi o'q uzgan aybdor bo'ladi. Xafa qilgan bo'lsam uzr HEROLION 2013-01-06 18:40:38 -1УЗБЧАМП гаям шу гап... HEROLION 2013-01-06 18:37:48 0Абитуриент, Майдагаплик? Агар бу маколаларни шахсий деб билсез, демак ман уз шахсимни химоя киляпман. Шу ерда танкид килишса, албатта шу ерда химоя киламан. Хозир сизни суксам, уйимга кемайсиз, шу ерда жавоб кайтарасиз. Агар макола шахсият хакида эмас деб хисобласез, демак, уз ишимизни киляпмиз. Хуллас, макола хакида фикриз буса езинг, лекин нима езиш еки езмаслик хакида маслахат керакмас. Фарзандиз бировга екмаса, айбини айтса тугри тушунасиз, лекин "шу болези аборт килдириб ташаганларингда яхши буларди" дейишса сизиям аччигиз келади. Маколаям бир мехнат. Узр ABITURIYENT 2013-01-06 17:27:15 0Gadoni dushmani tochno gado bo'ladi. Bugun ertalab ishga ketyatuvdim. Hadra atrofida bir kelin qaynonasiga qarab palon qigansiz, piston qigansiz deb baqirib qoldi. Hayolimdan shulani, hey baraka topgurla uyilaga borib urishila deb ogohlantirish keldiyu, ochig'i duhim yetmadi. Hech bo'masa jurnalistla qo'yila shunaqa mayda gaplani. Ishilani qilila. UZBCHAMP 2013-01-06 16:59:13 0Mdh madhini yozib bekor qilgansiz lekin Xasanali otaga javob yozishishini umuman keraga yoq edi.Yaxshisi mazmunli bitta maqola yozing boldi.Aslida xalqqa shu keremasmi.Mevali darahtga har doim tosh otishadi . Maqola yozishizga arzimaydi bu gaplar. UZBCHAMP 2013-01-06 16:59:01 0Mdh madhini yozib bekor qilgansiz lekin Xasanali otaga javob yozishishini umuman keraga yoq edi.Yaxshisi mazmunli bitta maqola yozing boldi.Aslida xalqqa shu keremasmi.Mevali darahtga har doim tosh otishadi . Maqola yozishizga arzimaydi bu gaplar. UZBCHAMP 2013-01-06 16:57:47 0Mdh madhini yozib bekor qilganiyzi bilamanu lekin Xasanali otaga javob yozishishini umuman keraga yoq edi.Yaxshisi chiroyli bitta maqola yozing boldi.Aslida xalqqa shu keremasmi.Mevali darahtga har doim tosh otushadi .Aslida maqola yozishizga arzimaydi bu gaplar. UZBCHAMP 2013-01-06 16:57:22 0Mdh madhini yozib bekor qilganiyzi bilamanu lekin Xasanali otaga javob yozishishini umuman keraga yoq edi.Yaxshisi chiroyli bitta maqola yozing boldi.Aslida xalqqa shu keremasmi.Mevali darahtga har doim tosh otushadi .Aslida maqola yozishizga arzimaydi bu gaplar. FERGI 2013-01-06 16:47:35 0Яна бир нарсани кушиш керак. Бошка журналистни танкид килаётган журналист аник фактлар билан уз фикрини асослаб хам бериши керак. Агар фикр асоссиз булса бу шунчаки тухмат булиб колишиям мумкин. NBKICKER 2013-01-06 16:00:25 0Raxmat PODACHI 2013-01-06 15:38:20 0................................