-
-
ЕЧЛ 18.04.2024 00:00 Манчестер Сити 1 - 1 Реал Мадрид ЕЧЛ 18.04.2024 00:00 Бавария 1 - 0 Арсенал ЕЧЛ 18.04.2024 00:00 Бавария 1 - 0 Арсенал ЕЧЛ 18.04.2024 00:00 Манчестер Сити 1 - 1 Реал Мадрид Футзал. Осиё чемпионати 18.04.2024 12:00 Тожикистон 2 - 0 Жанубий Корея Футзал. Осиё чемпионати 18.04.2024 14:00 Эрон 3 - 1 Афғонистон Футзал. Осиё чемпионати 18.04.2024 16:00 Япония 2 - 3 Қирғизистон AFC U-23 18.04.2024 18:00 Индонезия 1 - 0 Австралия Футзал. Осиё чемпионати 18.04.2024 19:00 Кувайт 2 - 1 Баҳрайн AFC U-23 18.04.2024 20:30 Иордания 1 - 2 Қатар Футзал. Осиё чемпионати 19.04.2024 12:00 Хитой 0 - 1 Вьетнам Футзал. Осиё чемпионати 19.04.2024 14:00 Австралия 2 - 4 Саудия Арабистони Футзал. Осиё чемпионати 19.04.2024 16:00 Мьянма 0 - 5 Таиланд AFC U-23 19.04.2024 18:00 Хитой 0 - 2 Жанубий Корея Футзал. Осиё чемпионати 19.04.2024 19:00 Ироқ 1 - 4 Ўзбекистон AFC U-23 19.04.2024 20:30 БАА - Япония AFC U-23 19.04.2024 20:30 Таиланд - Саудия Арабистони «A» Серия 19.04.2024 21:30 Женоа - Лацио AFC U-23 19.04.2024 23:00 Тожикистон - Ироқ «A» Серия 19.04.2024 23:45 Кальяри - Ювентус Ла-лига 20.04.2024 00:00 Атлетик Бильбао - Гранада Лига—1 20.04.2024 00:00 Ницца - Лорьян АПЛ 20.04.2024 05:00 Ман. Юнайтед - Ньюкасл Футзал. Осиё чемпионати 20.04.2024 12:00 Қирғизистон - Тожикистон Футзал. Осиё чемпионати 20.04.2024 14:00 Афғонистон - Кувайт Футзал. Осиё чемпионати 20.04.2024 16:00 Жанубий Корея - Япония Ла-лига 20.04.2024 17:00 Сельта - Лас-Пальмас AFC U-23 20.04.2024 18:00 Малайзия - Вьетнам АПЛ 20.04.2024 19:00 Лутон - Брентфорд АПЛ 20.04.2024 19:00 Шеффилд Юнайтед - Бёрнли Футзал. Осиё чемпионати 20.04.2024 19:00 Баҳрайн - Эрон Ла-лига 20.04.2024 19:15 Райо Вальекано - Осасуна Лига—1 20.04.2024 20:00 Нант - Ренн AFC U-23 20.04.2024 20:30 Кувайт - Ўзбекистон «A» Серия 20.04.2024 21:00 Эмполи - Наполи Ла-лига 20.04.2024 21:30 Валенсия - Бетис АПЛ 20.04.2024 23:30 Вулверхэмптон - Арсенал «A» Серия 20.04.2024 23:45 Верона - Удинезе Ла-лига 21.04.2024 00:00 Жирона - Кадис Лига—1 21.04.2024 00:00 Ланс - Клермон -
Қаҳрамон Асланов 25-кадр
90 дақиқа қолганда...
Баҳо: +1Киритилган сана: 2013-01-30 23:40
Биласизми, шундай фаразлар борки, мени ростан ҳайрон қолдиради. Масалан - қайсидир жамоа бу мавсумда фалон мусобақага бор имкониятини қаратишни ният қилган. Қизиғи, бундай фикрлар асосан миллий чемпионатда пайдо бўлаётган муаммолар гирдобида янграйди. Менга бундай фаразларни қабул қила олмаслигимнинг сабаби, бу айнан қандай шаклда амалга оширишилишини тасаввур қила олмайман.
Мисол учун, “Реал”. Мадрид. Ёзда жамоа кенгашиб, “келинглар, бу мавсум ЕЧЛ га каттароқ эътибор қаратамиз, Ла Лигага эса камроқ” деб келишиб олишадими? Кулгилими? Йўқ, “Барселона” билан орадаги фарқ катталашиб кетгач, навбатдаги мажлисларнинг бирида амалга ошадими бунақа келишув? Бир қараганда, мантиқлидек, кейинги барча ўйинларда ғалаба қозонилган тақдирда ҳам, рақибга етиб олишнинг иложи бўлмагач, нега ўзини қийнаш керак? Бор эътиборни ҳали имконият сақланиб қолган турнирларга қаратган фойдалироқ, самаралироқ эмасми?
Одамлар, бу “ўзбекча” фикрлаш. Биз у ерларда футбол айнан қандай қадриятлар устига қурилганини ҳисобга олмаяпмиз. Ҳар доим реалист бўлиши талаб қилинадиган мураббий, айниқса у Моуриньо бўлса, шундай стратегияни ўз хаёлининг бир чеккасига киритиши мумкиндир балки. Лекин жиддий тарзда буни кимгадир сингдира олиш мумкинлигини ақлимга сингдира олмайман. Оддий фактор бор – мухлислар! Жуда катта фактор. Эътибор бераётган бўлсангиз, ҳали ҳам, “Бернабеу”га бир неча минлаб мухлислар ташриф буюрмоқдалар. Ҳақиқий мадридлик мухлисларни форумлардаги тортишув ҳам, “Барселона” ҳам қизиқтирмайди – анъана, ҳар ҳафтанинг якшанбасида севимли стадионига келиш ва жамоаси ўйинини томоша қилиш. Отасидан, бувасидан қолган анъана. Ўғлини етаклаб олади. Ишонинг, “Реал” деганда, мана бу сайт ва гуёки интригани ошириш мақсадида ОАВ кўпиртираётган қандайдир қарамақаршиликлар бу ерда бир пул. Тўғри, қандайдир фангуруҳлар ўртасида қандайдир манфаатлар тўқнашуви бордир, лекин бу ҳақиқий Мадрид анъанали олдида, бир чақа. Бир ўйлаб кўринг. Сиз “Реал”га қарайсиз, улар учун эса “Реал” атрофнинг ҳар тарафи. “Реал”га ҳозир сиз қараётган ракурсдан эмас, ўша мадридликнинг ракурсидан қараб кўринг. Айтмоқчиманки, ўша муҳитда яшайдиган, ҳар ҳафта ўйнайдиган футболчиларда ўша ҳар ҳафтадаги ўйинларга қандайдир бошқача муносабат бўлиши мумкинми?Албатта, Ла Лигадаги муваффақиятсизлик ўз ўзидан пайдо бўлиб қолгани йўқ. Бунинг ўз сабаблари бор, шубҳасиз. Бир ўхшатиш: “Барселона” қайсидир оролда истиқомат қиладиган аборигенлар, “Реал” эса ўша оролга хазина излаб келиб қолган қароқчилар гуруҳи. Қароқчи, бу яхши маънода, ёпишиб олманг, Жонни Депп масалан. Аборигенлар шу ерда туғилганлар, шу ерда улғайдилар, шу ерда ўладилар. Оролдаги хазина, қимматбаҳо идишлардан кундалик ҳаётда фойдаланадилар, бахтли хаёт кечирадилар. Қароқчиларчи? Улар айнан хазина топиш илинжида бир кемага ўтирганлар, хазина топилади, ўртада бўлинади, кейин тарқаб кетилади. Шунақа бўлиб қолдики, “Реал” ўтган йили хазинани қўлга киритди, Ла Лигани айнан ўша аждарҳо қўриқлайдиган ғордан ўғирлади. Ҳақли равишда. Бу психология, яна ўша хазина илинжида яна ўшандек ҳаракат қилиш доим қийинчилик туғдиради. Ахир ўтган йили уларни айнан шу мақсад бирлаштирган, кучайтирган эди-ку, тўғрими? “Барса”чи? У яшайверади. Ғалаба бўладими, йўқми, хаёт давом этаверади.
Йўқ, мен бирини иккинчисидан устун қўймаяпман, бу икки жамоа доимо шундай анъаналарда яшаган демоқчи эмасман. Ўз вақтида “Барселона” голландлар учун карвонсаройга айланганда, “Реал” эса бутун дунёни ром этганди. Шунчаки, шунақа давр келдики, “Барселона”да ҳозир ўн нафар абориген тўп суряпти. Улар футбочи сифатида айнан шу ерда туғилганлар, хазина излаб келмаганлар. “Реал” эса узоқ вақт хазинасиз қолган, айнан ўша хазина илинжида қисқа лойихани ишлаб чиқди, қароқчиларни йиғди, Деппга эмас, Клунига ўхшаб кетадиган бошлиқни танлади. Қайсидир маънода хазинага эришилди, ана энди “Барселона”дан кўра уларга қийинроқ бўлиши маълум эди ушбу мавсумда. Менимча.
“Реал”нинг ўйини кучсизлангани йўқ. Футболчиларнинг спорт формаси орқага қараб кетиб қолгани йўқ. Моуриньонинг хуши ҳам жойида. Фақат “Барселона”нинг рекорд старти ва бир иккита омадсиз ўйин натижасида, ўртада жиддий фарқ юзага келди. Мана шу фарқ туфайли, “Реал” футболчиларида айнан Ла Лигада муаммолар юзага келаётган бўлиши мумкин. Албатта, улар ўйинларга ғалаба учун тушишади. Ўхшаб қолса, йирик ҳисоблар юзага келади. Асосийси эса, ўхшаб қолмай қолганда керакли очколарни олишдир. Ўхшамай, чиқмай қолган пайтларда ўзида куч топиш, ўйинда бурилиш ясаш, майдонда жонни жабборга бериш учун фақат тактика ва профессионализмнинг ўзи кифоя қилмайди. Профессионализм ҳар бир ўйинда 100 фоиз куч билан ҳаракат қилиш билангина чекланади. Керакли пайтда, 200 фоизни ишга солиш учун эса ўта кучли руҳият ва ишонч керак бўлади. “Реал”да айнан мана шу руҳият етишмаяпти. Ушбу мавсумда, қандайдир ўйинларни буриб ташлаган вожоҳатли “Реал”ни кўрдингизми Ла Лигада?
Мақолам танқидий эмас. Аксинча. Умидбаҳш. Мен ҳам бир фикрга қўшиламан. “Реал” Ла Лигадан кўра ЕЧЛ да ёки Испания кубогида кучлироқ ўйин намойиш қилади. Бу мавсумда. Сабаби, Ла Лигага бўлган эътиборнинг йўқлигидан эмас. Бугунги “Реал”да мавжуд бўлган муаммо фақат Ла Лигага хос, сабаби айтилди, худди шу муаммонинг бошқа турнирларда ҳам чиқишига асос йўқ. Бу турнирларда ҳар бир рақиб билан юзма юз келиш ва ғалаба қозониш орқали турнирда ютиб чиқиш имконияти мавжуд. Айни муддао.
Демак, бугун сиз ҳақиқий Эл Классико кўрасиз, анови жадвалдаги 15 очконининг хидини ҳам сезмайсиз. Мен эса “МЮ”- “Саутҳэмптон” ни кўраман. Ҳазил.
Фикр билдиринг:
ФИКР БИЛДИРИШ УЧУН РЕГИСТРАЦИЯДАН УТИШ КЕРАК!
Билдирилган фикрлар:
JAFARJON 2013-02-03 03:39:53 0бу нарсаларни ёзиш хам шарт эмасиди, бу аникку. ла лигадаям орадаги фарк 15 очко булсаям Эл-классико, эл-классикоча утадию!? энди бирон соврин олиши аник булган уйиннию айтмаса хам булади. JUNGLER 2013-02-02 14:39:03 0Кунглизга олмангу, охирги пайтлар маколаларингиздан чумичга илинадиган маълумотлар камайиб кетяпти. Тушунаман, балки бошка юмушлар сабаб купрок изланишга вакт етишмаётгандир. Ижодингизга равнак, ишларга ривож. :) P.S. Барсага эса ОМАД! SARQURGON 2013-01-31 12:53:53 0хаа. сизга хам барсага нисбатан реални уйинлари купрок йокади а. яширмай айтаверинг. шунака реал узи кучли клубда.;)))