Киритилган сана: 2014-10-06 17:19

 “Бизга маълумотларни тақдим этаётган таҳлил компаниясидан 43 бетли хулоса келди. "Металлург" бу мавсумда 7та ўйинни келишган. Даҳшат!  (twitter.com/Olimkhoja_B)

“ФИФА нинг бир агентининг ижтимоий тармоқларда айтишича, унинг мижози бизнинг олий лигамизда ўйнаган ва у иштирок этган 10 учрашувнинг 7 таси келишилган бўлган экан” (championat.asia)

“ФИФА “Сўғдиёна” клубидан, ушбу жамоанинг 5:4 ҳисобида якунланган икки ўйини видеоёзувини жўнатишни сўраган” (arena.uz)   

“Аввал келишилган ўйинларни исботланглар, кейин ёзинглар” (Аҳрол Иноятов, “Футбол шарҳи)

Савол туғилади, ўзимиз топиб, ўзимиз исботласак, келишилган учрашувларга қарши курашиш гуруҳининг нима кераги бор?

Уйида бургалар кўпайиб кетганидан безор бўлган Насриддин Афанди дори олиш учун бозорга борибди. 

- Бургага қарши дори керак эди...
- Мана бу жуда зўр, шундан олинг.
Ғинт парчага ўхшаган нарса берибди. Орадан бир ҳафта ўтибди. Афанди дорини қайтариб сотувчининг олдига олиб борибди:

- Бу дорини роса мақтаган эдингиз. Умуман фойдаси бўлмади-ку?

- Йўғе, бўлиши мумкин эмас.

- Ҳа, умуман камаймади-ку бурга.

- Сиз ўзи қанақа қилиб ишлатдингиз?

- Шу... уйнинг бурчакларига сепиб чиқдим.

- Йўқ, сиз билмабсиз-да. Бу дорини ишлатишнинг йўли бор.

- Хўш?

- Бургани ушлайсиз, қорнидан қитиқлайсиз. Бурга кула бошлайди, шунда мана шу доридан бир донасини унинг оғзига ташлайсиз. Бурга “насмерт” ўлади, ака.

- Ундан кўра, мажағлаб ўлдириб қўя қолсам бўлмайдими?

Латифа эски, кулишингиз шарт эмас. Шунчаки, беихтиёр шу латифани эсладим. Нимага айнан шу латифани, ўзим ҳам ҳайронман. 

Фикр билдиринг:

ФИКР БИЛДИРИШ УЧУН РЕГИСТРАЦИЯДАН УТИШ КЕРАК!

Билдирилган фикрлар: