Киритилган сана: 2012-01-18 21:53

Мушук текинга офтобга чиқмайди, деганларидек, ҳамма қиладиган иши учун албатта ҳақ олади. Футбол оламида-чи? Келинг, бир назар ташлайлик:

Ҳужумчи урганига олади,

Дарвозабон турганига олади.

Дарвозабон тўсганига олади,

Стадион ишчиси майсанинг ўсганига олади.

Плеймейкер оширганига олади,

Жамоа ошпази пиширганига олади.

Футбол журналисти ёзганига олади,

Баъзи ҳакамлар вақтни чўзганига олади.

Назоратчи қайд қилганига олади,

Комиссия рейд қилганига олади.

Футболчининг агенти топганига олади,

Унинг мижози чопганига олади.

Текширувчилар “чуқалаганига” олади,

Клуб массажчиси уқалаганига олади.

“Келишувчи” клублар ютқазиб берганига олади,

Шу жамоани қутқазиб берганига олади.

Ён ҳакамлар байроғини кўтарганига олади,

Майдонда жанжал бўлса, ажратиб, итарганига олади.

Ҳакамлар ўйинни бошқарганига олади,

Вице-президентлар уларга ўшқирганига олади.

Деярли барча футболчилар ўйнаганига олади,

Баъзи ҳакамлар асабларни қийнаганига олади.

Заҳирадаги ўйинчилар ўтирганига олади,

Уларнинг агентлари шартномани “қотирганига” олади.

Заҳирадан тушувчилар яраб турганига олади,

Стадиондаги милиционерлар қараб турганига олади.

Футболчилар кассирнинг қўлларидан олади,

Легионерлар америка долларидан олади.

Баъзи жамоалар келишганига олади,

Футболнинг устидан кулишганига олади.

Фикр билдиринг:

ФИКР БИЛДИРИШ УЧУН РЕГИСТРАЦИЯДАН УТИШ КЕРАК!

Билдирилган фикрлар: