Киритилган сана: 2012-01-28 00:11

Икки бола сухбатлашяпти:

-Мен Равшан Эрматовдай ҳакам бўлишни ҳоҳлайман!

-Агар оёғингни синдирсалар, орзуингдан қайтиб, бошқа касбни танлашга мажбур бўлармидинг?

-Ҳеч қачон?

-Унда бўлолмайсан! Равшан Эрматов оёғи синиб,футболчи бўлиш орзусидан қайтиб,мажбур ҳакамликни танлаган!

***

"Насаф"дан мағлубиятга учраб қайтаётган "Андижон" мураббийси Ориф Маматказин шогирдларидан хафа бўлиби:

-Ҳеч бўлмаса "Андижанка" қизларидан ўрнак олсаларинг бўлмайдими? Улар "Севинч"ни ютишади!

Шогирдлари жавоб беришибди:

- "Севинч"ни биз ҳам ютамиз,Устоз...

***

"Пахтакор" сафарда араб жамоасига араб ҳаками ёрдами билан ютқазибди. Ўйин тугаб, ҳуштак чалингандан сўнг ҳакамнинг олдига пахтакорчилардан бири келиб, дебди:

-Тепада Худо бор, рефери! У ҳаммасини кўриб турибди! Ўйинни тоза бошқармадингиз!

Араб ҳакам тиржайиб жавоб берибди:

-Ие, тоза ўйин тўғрисида сендан эшитяпманми, Гейнрих?!

***

"Зенит" - "Анжи" учрашуви, ўйинни рус шарҳловчилар шарҳлаяптилар:

- Одил Аҳмедов Ўзбекистонга боргач, Роберто Карлос билан бир жамоада ўйнадим, деб гапириб берса керак. Агар ишонишса...

-Ҳа,- дебди ўйинни телевизорда кўраётган Филимонов, - дарвозамга Ривалдо Тошкентда гол урганига қариндош уруғимни ҳеч ишонтиролмагандим...

***

Келишилган ўйинларга қарши кескин курашиладиган вақт келибди. Ана шу вақтда бир ўйинда битта нўноқ ҳужумчи учта голли имкониятни кўкка совургач, ҳакам унга дебди:

- Сени дастингдан мени юз марта текшириб, юз марта сўроққа тутишади! Ё гол ур, ё сени алмаштиришсин!

Шундан сўнг ҳам ҳужумчи зўр вазиятни уролмабди. Шунда ҳакам унинг ёнига келиб, дебди:

-Ҳар голингга юз мингдан бераман, ҳеч бўлмаса битта ур!

***

Пеледан сўрашибди:

- Ўзингиздан ҳам зўр футболчини кўрганмисиз?

Пеле:

-Ҳа. Бу - Эдсон Арантес до Насименто!

***

- Сиз хотинингиздан уч ёш кичик экансиз, шу ростми?

- Аслидаёшимиз тенг, - деб жавоб берибди футболчи.

***

Юрий Саркисян Фарғона шаҳридаги футбол мактабларидан бирига ташриф буюрибди. Дарс пайти бўлгани учун синф хоналарига бирма бир кириб таништиришибди.

-Булар 10 ёшли бўлажак футболчилар, мана бу синфдаги 12 ёшдагилари...

-Булар эса бўлажак ҳакамлар бўлса керак, - дебди Вазгенович бир синф хонасига киргач.

-Ҳа, қаердан билдингиз,Юрий Вазгенович?

-Билмадим, ишқилиб уларга қарасам сўкким келяпти...

***

- Жамоанинг жадвалдаги аҳволини яхшилаш учун нима қилиш керак?

- Ҳакамларни сотиб олиш учун кетадиган пулларни футболчиларга мукофот қилиб бериш бериш керак.

- Бу ёрдам бермаса-чи?

- Футболчиларнинг мукофотларидан уриб қолиб, ҳакамларни сотиб олиш керак.

***

Пенальти белгиланиб, тўп олдига ўйинда бир-икки қулай вазиятда гол уролмаган футболчи яқинлашибди. Рақиб дарвозабони унинг асабига тегмоқчи бўлибди:

- Пенальти тепишга сендан бошқаси қуриб кетганми?

- Бошқалар сенга пенальтидан гол уришга ор қилишяпти,- дея жавоб берибди футболчи.

***

Абрамов билан Евстафеев "қайси жамоа кучли" дея тортишиб қолишибди: Олимпиячиларми ё ўсмирлар? Кейин ўзаро ўйин ўтказишга келишиб олишибди.

- Майли, ўйнаймиз, лекин дарвозамизни Нестеров қўриқлайди!- шарт қўйибди Абрамов.

- Розиман, - дебди Евстафеев.- Лекин ўйин Торреонда бўлади!

***

- Бизнинг "Металлург", "Олмалиқ" клубларимиз ҳам Россия термаси билан ўртоқлик ўйини ўйнармикан-а?

- Албатта! Агар Абрамов Россия термасига мураббий бўлса...

***

Журналистлар Дилшод Нуралиевдан сўрашибди:

- Шогирдларингизнинг бу қадар муваффақиятининг сири нимада?

- Ечиниш хонамизга қора “Спарк”нинг расмини илиб қўйганман.

***

ЎФФ ва ПФЛнинг қўшма йиғилиши. Раҳбарият келишилган ўйинларда айбланаётган клуб президентларини, ҳакамларни ва футболчиларни ўринларидан тургизиб қўйиб қаттиқ танқид қилаётса зал эшиги очилиб Широқ кириб келибди ва айбланаётганларга қараб дебди:

-Тайёрланинглар, беш дақиқадан сўнг йўлга чиқамиз!

***

Тожикистон терма жамоаси жаҳон чемпионати саралаш баҳсларини давом эттириши маълум бўлгач, жамоага янги бош мураббий тайинланиши билан бирга янги штат хам очилибди. Ушбу штат эгаси рақиб футболчиларининг ўтмишини ўрганади...

***

Футболга умуман тушунмайдиган бир йигит Ўзбекистон-Япония уйинига чиқарилган чипталардан 1000та олиб сотиб мўмайгина даромад қилибди. Сўнг Пахтакорнинг навбатдаги тур уйинига 2000та билет сотиб олибди...

***

Заккерони Ўзбекистон-Япония ўйини ўтказиб Токиога қайтгач, уни аэропортда хотини кутиб олибди. Синьорина Заккерони эрини кўриб дебди:

-Mama mio! Alberto!!! Лабингдги учуқлар қаердан келди?!

***

Бизнинг футболимиз шу даражада кучли-ки, Осиё майдонларида деярли ҳар турда гол урадиган футболчи, чемпионатимизда гол уролмайди (Бошкович), Осиёда тенгсиз деб топилган (Жепаров) футболчининг ўзимизда “энг яхши” бўлиши сўроқ остида...

***

Ўзбекистон-КХДР ўйинида Гейнрих бош ҳакам Андре эл-Ҳаддоднинг ялтираган бошини силаб кетгач, ҳакам унга қараб дебди:

- Агар бошингда бир дона тук бўлгандаям бу ишинг учун сени ўйиндан четлаштирардим!

***

Ўзбекистон термаси кутилмаганда Японияни ўта йирик ҳисоб билан ютиб қўйибди: 5-0!

Бир мухлис стадионни тарк этаётиб хурсанд бўлай деса нимагадир кўнгли хира эмиш, нимагадир ичи ғаш эмиш...Нимагалигани эслолмай турса уйидан қўнғироқ бўлибди:

- Алло, дадаси! Ғалабалар билан! Ҳар битnа голга биттадан янги кўйлак! Ваъдангиз эсингиздами?

***

Бир чекка қишлоқдан келган отахон Тошкент кўчаларида Ўзбекистон-Япония ўйинига келган бир гуруҳ япон журналистларини кўриб қолибди. Улар ўз тилларида алланималарни чуғурлашиб турганини кўриб, ўзига ўзи дебди:

- Бир-бирини қандай тушуняпти экан-а?..

***

ЗИКО: Агар ЦСКАдан таклиф тушмаганида мен “Анжи”да яна узоқ йиллар ишлаган бўлардим...

ЖУРНАЛИСТ: Жаноб, Сиз “Бунёдкор”да ишлагансиз...

***

Нефть билан Газ ким кучли, куч синашадиган бўлишибди. Беллашувда Газнинг қўли баланд келибди.

- Балодай кучинг бор экан, - дея тан берибди Нефть.

- Ҳа, энди, қўлдан келганча... – камтарлик қилибди Газ.

Беллашув 29 октябрь куни Қаршида бўлган экан.

***

Ўйин тугагандан сўнг мураббий футболчилардан хафа бўлибди. Футболчилар эса эътироз билдиришибди:

- Устоз, танафусда ҳеч бўлмаса битта гол уринглар, дегандингиз. Айтганингиз бажарилди-ку?

- Тўғри, лекин тўртта гол ўтказиб юборинглар, деб ҳам айтмагандим!

***

-Чойхона ўтириб бир ош емаймизми? – деб сўрабди Гол.

-Албатта еймиз, - дебди Пас.

-Кетдик!

Икковлон хурсанд бўлиб, еталашиб энди йўлга отланаётсалар:

- Ҳеч қаёққа бормайсанлар, қайт орқангга! – дебди Оффсайд.

Фикр билдиринг:

ФИКР БИЛДИРИШ УЧУН РЕГИСТРАЦИЯДАН УТИШ КЕРАК!

Билдирилган фикрлар: