-
-
-
Ла-лига 21.04.2025 00:00 Реал Мадрид 1 - 0 Атлетик Бильбао Суперлига 21.04.2025 20:00 Сурхон 1 - 0 Навбаҳор АПЛ 22.04.2025 00:00 Тоттенхэм 1 - 2 Ноттингем Форест Ла-лига 22.04.2025 00:00 Жирона 1 - 3 Бетис Ла-лига 22.04.2025 22:00 Валенсия - Эспаньол АПЛ 23.04.2025 00:00 Манчестер Сити - Астон Вилла Ла-лига 23.04.2025 00:30 Барселона - Мальорка «A» Серия 23.04.2025 21:30 Парма - Ювентус «A» Серия 23.04.2025 21:30 Женоа - Лацио «A» Серия 23.04.2025 21:30 Кальяри - Фиорентина «A» Серия 23.04.2025 21:30 Торино - Удинезе Ла-лига 23.04.2025 22:00 Атлетик Бильбао - Лас-Пальмас Ла-лига 23.04.2025 22:00 Сельта - Вильярреал АПЛ 24.04.2025 00:00 Арсенал - Кристал Пэлас -
Рустам Сулаймонов Бир чимдим кулгу
Ўйин (Ҳажвия)
Баҳо: +4Киритилган сана: 2012-02-18 15:08
Гулмурод футбол бошланган заҳоти ёстиққа ёнбошлаб томоша қилишни бошлаганди ҳам-ки, хотини шерик бўлиб у билан футбол кўришни бошлади.
- Ҳа, ишинг йўқми? – норози оҳангда сўради Гулмурод, бундай пайтлари хотини савол беравериб футбол кўргандай қилмасди.
- Ҳамма ишимни тинчитдим!
Ўйинда гол бўлиб Гулмурод “гооол!” дея ўрнидан туриб кетаёзганди, бироқ, ҳакамлар голни “ўйиндан ташқари ҳолат”да киритилди, дея ҳисобга олмади. Гулмурод сўкинганча жойига ўтирди.
- Нега гол ҳисобланмади?
- Оффсайд!
- Нима у, “апсайт”?
- Масалан, мен сенга “носқовоғимни олиб кел,” демасимданоқ носқовоғимни излашга тушиб кетсанг, Мирзаҳаким аканинг таъбири билан айтганда “воқеалар ривожидан илгарилаб кетган” бўласан, бу “оффсайд” ҳисобланади.
Футбол кўришда давом этдилар.
- Нега Мирзаҳаким акангиз “Ҳисоб нолу-ноль, шу ҳисоб бизни кейинги босқичга олиб чиқиши мумкин,” деяпти, гол урмасдан туриб ҳам ютиш мумкинми?
- Биринчи ўйинда, уларнинг майдонида биру-бир ўйнаганмиз.
- Ие, барибир тенг бўлиб қоляпти-ку?
- Уф, қандай тушинтирсам экан... Мана, масалан, сен бир кун олдин қўшни хотин билан унинг ҳовлисида жанжаллашиб, юлишиб чиқдинг, ҳеч ким ғолиб бўлмади. Эртаси куни у бизнинг ҳовлимизга чиқди, бу сафар шунчаки оғзаки айтишдиларинг, холос. Бу сафар ҳам ҳеч ким ғолиб чиқмади, лекин қўшнининг уйида юлишганинг ҳисобига сен кейинги босқичдасан-да!- деди Гулмурод кулиб, сўнг қўшиб қўйди: - Лекин-чи, футбол кўришга ҳалақит беряпсан-да!
- Унда, - давом этди хотини бироздан кейин, - бир марта командангиз сафарда 2:1 га ютиб, уйда 3:2 га ютқазганда суюнмасдан, фақат сўкингандингиз. Бу дегани – қўшнининг эри билан аввал уларнинг уйида икки мушт тушириб, битта мушт еб чиққанингиздан кейин, эртасига уйимизда икки мушт тушириб учта мушт еганингиздақами?
Гулмурод футболдан чалғимай “ҳа!” деди-да, футбол кўришда давом этаверди. Анчадан кейин хотини яна савол бериб қолди.
- Нега ҳакам анави ўйинчига сариқ карточка кўрсатиб, сўнг қизил кўрсатиб ўйиндан
ҳайдаб юборди?
- Бу ўйинчини ҳакам аввал ҳам огоҳлантирганди, бу иккинчиси эди. Икки марта огоҳлантириш – майдондан ҳайдалиш, дегани! Аммо-чи, сен ҳам роса жонга тегдинг! Мен ҳам боя сени огоҳлантиргандим, бу иккинчиси бўлди! Бор, чиқиб молларга қара!!!
Фикр билдиринг:
ФИКР БИЛДИРИШ УЧУН РЕГИСТРАЦИЯДАН УТИШ КЕРАК!
Билдирилган фикрлар:
WRBEIRQX 2024-08-06 07:48:50 01 WRBEIRQX 2024-08-06 07:48:49 01 WRBEIRQX 2024-08-06 02:26:47 01 WRBEIRQX 2024-08-06 02:26:46 01 WRBEIRQX 2024-08-06 02:25:11 01 WRBEIRQX 2024-08-06 02:25:10 01 MAVDANCHI 2013-06-23 14:09:57 00 VAHAUTD 2012-04-12 16:31:10 +10 JAFARJON 2012-02-23 16:00:36 +10 SHAHRIXON 2012-02-22 10:34:55 +20 GOLKIPER 2012-02-19 22:04:19 +20 ARXITEKTOR 2012-02-19 10:02:26 +50 FOTIX 2012-02-19 09:03:29 +20 ELDARADO 2012-02-19 02:49:11 +20 KULDASHEV 2012-02-19 00:35:37 +20 ABITURIYENT 2012-02-19 00:11:45 +20 BARLOS 2012-02-19 00:03:12 +20 HALAMADRID 2012-02-18 18:28:02 +20 PRESIDENT 2012-02-18 18:15:20 +20