Киритилган сана: 2015-01-09 21:24

Дарвозамиздан кўнгил тўқ,
Рақибларни гол уришига имкони йўқ.
Аҳир бизда Игнатий бор,
Ўзбегимга ғалабалар бўлсин ёр.

Ҳимоямиз марказида ишончли ўйнаб,
Майдонга тушгин миллат шаънини ўйлаб.
Дарвозамиз хавфдан ҳоли бўлсин мудом,
Ишонганимиз ўзингсан, дўстим Ислом!

Рақибларни саросимага солиб,
Халқимизни дуосини олиб.
Ўтган воқеалар ҳеч ҳам бермасин ҳалал,
Биз сен билан биргамиз доимо Акмал.

Қанотлардан ҳужумлар қилиб,
Вақтида рақиб ҳужумини ҳам бузиб.
Чарчама доимо қил ҳаракат,
Худо хоҳласа чемпионлик бизникидур Шавкат.

Ҳимоямиз қўрғони бўл,
Рақиблар дарвозамизга топмасин йўл.
Ўйинларинг бўлсин барчага манзур,
Рақибларга имкон берма, Анзур.

Ёш-у, қари мухлисларнинг умиди каттадур сендан,
Юлдуз каби порлагин Осиё осмонида чиндан.
Харакатларингда бўлсин ўзгача нафис бир дид,
Ишончни оқла энди, давринг келди Жамшид.

Ўзбегим «Роналдуси» деган шарафли номинг бор,
Худди Роналду мисол ўйнагин дўстим Сардор.
Сенга бўлсин деймиз омадлар ёр,
Ўйинингдан лол бўлиб, Европаликлар бўлсин ҳаридор.

Майдон марказин эгаллаб,
Узоқдан кучли зарба йўллаб.
Голлар уриб мухлисларни хурсанд қил,
Фақат Олға бос, Одил.

Ўйна хақиқий сардорларга хос,
Ўйининг бўлсин номингга мос.
Осиёнинг юлдузи, ўзимизнинг Сервер,
Араб, корейс, японларга тинмасдан гол уравер.

Акбар, Элдор, Виталий, Егор
Ғалабалар бўлсин термамизга ёр.
Шуҳрат, Фаррух,Темур, Лутфулла ва Азиз
Биз барчамиз бир жамоамиз.

Игорь, Баҳодир, Воҳид
Шедевр голларингга бутун Осиё бўлсин шоҳид.
Чемпион бўлсак агар, олис шаҳар Сиднейда.
Тўй-у тантана бўлар, Тошкент, Қарши, Водийда.

“Яшил қитъа” Австралиядан ғолиб бўлиб қайтайлик.
Вақти келди йигитлар, ўз сўзимиз айтайлик.
Дейишади: Яхши ният - ярим мол,
Омад сизга чин дилдан, тоғажоним Миржалол.

Бурҳонбек Абдумўминов

Фикр билдиринг:

ФИКР БИЛДИРИШ УЧУН РЕГИСТРАЦИЯДАН УТИШ КЕРАК!

Билдирилган фикрлар: