Киритилган сана: 2020-10-28 10:12

Рональд Куман “Реал”га учралган мағлубиятдан сўнг ҳакам ортидан анча вақт югурди ва ҳозир унга 4 тадан 12 тагача ўйинга дисквалификатсия хавф соляпти.

Ўйиндан сўнг, Куман “Барселона” мағлубиятга лойиқ эмаслигини, Класикода дебют қилган ҳакам Хуан Мартинес Мунуэранинг мунозараларга сабаб бўлган пенальтиси ҳақида гапирди. Ўйиндан олдин мураббий вазият бундай тус олишини билмаган эди.  Ўтган мавсумда 11 та ўйиндан 9 тасида VAR “қаймоқранглилар” фойдасига қарорлар қабул қилган эди.

Mundo Deportivo нинг ёзишича, пенальти бўлган вазиятда Рамос Ланглени уч марта туртган, аммо ҳакамлар бунга эътибор қаратмаган. “Барселона” мунозаралари вазиятлар сабаб ютқазмади, ғалаба учун етарлича яхши ўйин кўрсата олмагани учун ютқазди. Кумандан ҳам пресс-конференцияда нега бундай бўлганини сўраш керак эди.

Нега биринчи ўзгариш 82 дақиқада амалга оширилди?Охирги дақиқалардан “Барса” нега зарбалар бўйича 0:6 ҳисобида мағлуб бўлди?

Нега жамоа мавсум бошида Лео Месси ва Филиппе Коутиньо учун қулай бўлган 4-2-3-1 схемасида тўп сурдию, айнан Класикода иккита ҳужумчи ва Коутиньо Вальверде даврида ўйнаган чап қанотда пайдо бўлди? Ахир бу эффектив эмаслигини Куман билардику?

“Барселона” прессингда нега ундай ҳаракат қилди? Бири олдинга ҳаракат қилса, бошқаси шунчаки қараб турди. “Реал”га эса бундай имкониятдан фойдаланишга 5 дақиқа кифоя қилди. Улар ҳар иккинчи ўйинда хато қилишни канда қилмайдиган Ленгленинг позитсиясидан ҳужум қилишни уддалашди.

Куманга саволларимиз бисёр. У ўзининг илк Класикода мағлуб бўлди. У ўйин билан бирга Мессини ҳам ўйини чиқмаслигига сабабчи бўлди. Лео учун бу Класико 44 си эди. 2018 йил майидан бери гол урмаётган бўлса-да, у ҳали ҳам Класико тарихидаги энг яхши тўпурар бўлиб турибди.

Батафсил ўқиш учун ссилкага босинг

Фикр билдиринг:

ФИКР БИЛДИРИШ УЧУН РЕГИСТРАЦИЯДАН УТИШ КЕРАК!

Билдирилган фикрлар: