Киритилган сана: 2013-03-04 20:50

2012 йил Ўзбекистон футболи учун омадли келди, кўз тегмасин. Мен бу йил Ўзбекистон футболининг ютуғи ҳақида оз бўлсада мақола ёзай дедим, мақоламнинг ҳажми оз бўлгани билан, унда келтирилган фактлар катта маънога эга эканлиги ҳам ҳеч кимга сир эмас, албатта. Келинг, уларни бирма-бир санаб ўтсам.

1. Тошкент шаҳрида замонавий «Бунёдкор» стадиони қурилиб, фойдаланишга топширилди.
2. Миллий терма жамоамиз ўз тарихида биринчи бор Япония ва Эрон устидан ғалаба қозонди, бу ғалабалар меҳмонда амалга оширилгани қувонарли, албатта.
3. Ўзбекистон ампутантлар терма жамоаси уч карра жаҳон чемпионига айланишди (Россия-2012).
4. Ўзбекистон ўсмирлар терма жамоамиз (U16) Осиё чемпиони бўлди ва 2013 йили БААда ўтказиладиган Жаҳон чемпионатига йулланмани қўлга киритди.
5. Ўзбекистон ёшлар терма жамоамиз (U19) гарчи Осиё чемпионатида 4-ўринни эгаллаган бўлсада, энг асосийси келаси йили Туркияда ўтадиган Жаҳон чемпионатига йўлланмани қўлга киритди.
6. Тошкентнинг «Бунёдкор» жамоаси ОЧЛ ярим финалигача етиб борди.
7. Ўзбекистон Футбол федерацияси ОФКнинг «FAIRPLAY» номинациясини қўлга киритди.
8. Қанот ҳакамимиз Абдуҳамидулло Расулов иккинчи бор Осиёда тенгсиз деб топилди.
9. Тошкентнинг “Ардус” футзал жамоаси клублар ўртасидаги Осиё чемпионатида 2-ўринни эгаллади.
10. Ўзбекистон чемпионатида биринчи бор учта совринли ўринларни пойтахт жамоалари эгаллашди. Булар — «Пахтакор», «Бунёдкор», «Локомотив» клублари. Энди бу жамоалар ОЧЛ-2013да юртимиз шарафини ҳимоя қилишади.
11. 16 ёшгача бўлган Ўзбекистон қизлар терма жамоаси ўз тарихида илк маротаба Осиё чемпионатида иштирок этиш ҳуқуқини қўлга киритди.  

Фикр билдиринг:

ФИКР БИЛДИРИШ УЧУН РЕГИСТРАЦИЯДАН УТИШ КЕРАК!

Билдирилган фикрлар: