Киритилган сана: 2017-01-23 18:08

"Барселона" жамоасида гол уриш бўйича рекордчилар ҳақидаги мақолаларни давом эттирамиз.

УЕФА кубогида энг кўп гол урган футболчи - Карлес Решак
1967-1981 йилларда Каталонияликлар либосида 100 дан ортиқ голлар урган Решак, ана шу голларнинг 11 тасини УЕФА кубоги турнирида ўз номига ёздириб қўйган.

Ярмаркалар кубогида энг кўп гол урган футболчи - Хосе Залдуа
Залдюа 1961 йилдан 1971 йилга қадар "Барселона" учун 90 га яқин голлар урган. Хосенинг 19 та голи Ярмаркалар кубоги турнирига тўғри келади.

Клублар ўртасидаги жаҳон чемпионатида энг кўп гол урган футболчилар - Лионель Месси, Луис Суарес
Месси 3 та, Суарес битта жаҳон чемпионатида 5 та гол уришга муваффақ бўлишган. Ҳар иккала ўйинчи ҳам бир мартадан мусобақа тўпурарига аталган совринга эга чиқишган.

Бир йилда энг кўп гол урган футболчи - Лионель Месси
"Барса" таркибида Месси 2012 йил январидан декабрига қадар жами 79 та гол урди. Шу тариқа Лео бир календар йилида энг кўп гол урган футболчига айланди.

Бир мавсумда энг кўп гол урган футболчи - Лионель Месси
Энг кўп "олтин тўп" ютиб олган футболчи 2011/12 йилги мавсумда чемпионатда 50 та, Испания кубогида 3 та, суперкубогида 3 та, Чемпионлар лигасида 14 та, Европа суперкубогида 1 та ва клублар ўртасидаги мундиалда 2 та, жами 73 та гол билан ўзига хос рекорд соҳибига айланди.

Давоми>>

Фикр билдиринг:

ФИКР БИЛДИРИШ УЧУН РЕГИСТРАЦИЯДАН УТИШ КЕРАК!

Билдирилган фикрлар: