Киритилган сана: 2017-01-27 19:50

"Барселона"нинг рекордчилари ҳақидаги мақоланинг давомини эътиборингизга ҳавола этамиз.

Ла лигада бир ўйинда энг кўп гол урган футболчи - Ладислав Кубала
Кубала 1951/52 йилги мавсумда "Спортинг"га қарши кечган беллашувда оз эмас, кўп эмас нақ 7 та гол киритишга муваффақ бўлган.

Кубокда бир ўйинда энг кўп гол урган футболчи - Эулохио Мартинес
1956/57 йилги мавсумда Кубок доирасида "Барселона" Мадриднинг "Атлетико"сига қарши майдонга тушди. Мазкур беллашувда Каталонияликлар ҳужумчиси Мартинес 7 та гол урган.

ЧЛда бир ўйинда энг кўп гол урган футболчи – Лионель Месси
2011/12 йилги мавсумда Чемпионлар лигаси нимчорак финалида "Барселона" ва "Байер" ўзаро тўқнаш келишди. "Камп Ноу"даги беллашувда "Барса" ҳужумчиси Месси "пента-трик"ка эришди.

Энг кўп "хет-трик"ка эришган футболчи - Лионель Месси
Лео 2004 йилдан буён барча мусобақаларда "Барселона" таркибида 33 марта "хет-трик" қайд этган.

Ла лигада энг кўп "хет-трик"ка эришган футболчи - Лионель Месси
Месси 13 йилдан буён Испания чемпионати мусобақалрида 24 та беллашувда 3 та ва ундан ортиқ гол уриб, клуб тарихидан жой олган.

Чемпионлар лигасида энг кўп "хет-трик"ка эришган футболчи - Лионель Месси
Аргентиналик 29 ёшли футболчи Чемпионлар лигаси турнирида 4 марта "хет-трик" ва бир мартадан "покер" ва "пента-трик" қайд этган. У ЧЛда "хет-трик"ка эришиш бўйича мутлоқ рекордчидир.

Испания чемпионатида энг узоқ голли cерия қайд этган футболчи - Лионель Месси
Месси 2012/13 йилги мавсумда 11 турдан 29-тургача ва 33-34 турларда кетма-кет 21 ўйинда 33 та гол киритган.

ХХI асрда жамоанинг энг тезкор "хет-трик"ка эришган футболчиси - Педро
Клуб тарбияланувчиси ҳисобланадиган педро 2013/14 йилги мавсумда "Хетафе"га қарши ўйинда 8 дақиқа ичида рақиб посбонини 3 бора хафа қилган.

Давоми >>

1-қисм

Фикр билдиринг:

ФИКР БИЛДИРИШ УЧУН РЕГИСТРАЦИЯДАН УТИШ КЕРАК!

Билдирилган фикрлар: