Киритилган сана: 2017-08-09 11:03

Роналдиньо

Роналдиньо 2001-2003 йиллар давомида "ПСЖ" либосида 86 ўйинда майдонга тушиб ўз ҳисобига 25 та гол ёздириб қўйди. Парижликлар билан фақатгина Интертато кубогини қўлга киритган бразилиялик футболчини 2003 йили "Барселона" 30 млн.евро эвазига сотиб олди. Роналдиньо Каталонияда ҳақиқий футбол юлдузига айланди. 5 мавсум давомида "Барса" таркибида 207 учрашувда 94 та гол урган ярим ҳимоячи икки мартадан Испания чемпиони, суперкубоги соҳиби бўлди ва бир марта Чемпионлар лигасида зафар қучди. Шунингдек у 2005 йили "Олтин тўп" соҳиби бўлиб,  2004 ва 2005 йиллари ФИФА версияси бўйича жаҳоннинг энг яхши футболчиси деб топилди. 

Златан Ибрагимович
"Барселона"га 69 млн.эвазига келиб қўшилган Златан Каталонияда атиги бир мавсум тўп сурди. Бу давр мобайнида у 46 ўйинда 22 та голга муаллифлик қилиб, 2 марта Испания суперкубоги,  1 мартадан Испания чемпиони, Европа суперкубоги ҳамда клублар ўртасидаги жаҳон чемпионатида олтин медалларга эга чиқди.  2012 йили ПСЖга ўтган швециялик ҳужумчи 4 мавсум давомида Франция пойтахти жамоаси учун 180 ўйинда 156 гол уриб,  клуб тарихидаги энг сермаҳсул футболчига айланди. Шунингдек у жамоа билан жами 12 та мусобақада олтин медалга эга чиқиб,  3 бора чемпионатнинг энг сермаҳсул футболчисига айланди. 

Тиаго Мотта
"Барселона" академиясидан чиққан Мотта 2001-2007 йиллар давомида жамоа учун 139 ўйинда 9 та голга муаллифлик қилди. Бу давр мобайнида Бразилияда туғилиб,  Италия термаси учун тўп сурган футболчи 2 марта Испания чемпиони бўлиб, бир бора Чемпионлар лигаси бош совринига эга чиқди. Тиаго 2011 йили ПСЖ билан шартнома имзолади. Шундай буён ярим ҳимоячи клуб таркибида 201 ўйинда 11 марта рақиблар посбонларини ранжитди ва 16 та жамоавий совринга эга чиқди. 

Давоми>>

Фикр билдиринг:

ФИКР БИЛДИРИШ УЧУН РЕГИСТРАЦИЯДАН УТИШ КЕРАК!

Билдирилган фикрлар: