Бўлим: ЎЗБЕК ФУТБОЛИ » Фан клублар » Янгиликлар
Рукн: Янгиликлар
Ҳозирги кунда футболга ихтисослашган сайтларда, интернет тармоқларида энг кўп тилга олинаётган жамоа бу «Навбаҳор»дир. Мухлислар орасида хар хил дискуссиялар кетмоқда. Жамоа қандай ўйин кўрсатар экан, олий лигадан тушиб кетадими ёки олийда жон сақлаб қоладими мавзуларида муҳокамалар кетмоқда.
Ўзини ажойиб ўйинлари билан мухлисларни хушнуд этиб жадвални юқорироқ қисмидан жой оладими? Тўғри, янги мураббий, янги раҳбарларни футболга бўлган ўз қарашлари бор. Ҳозирги кунда ҳаммага ҳам қийин, осон ишни ўзи йўқ.Оддий мисол тариқасида «Пахтакор»да ҳам шароит яхши эмас. Жамоа ўз имкониятидан келиб чиққан ҳолда иш юритмоқда. Биз ўзбек футболи мухлислари «Навбаҳор» раҳбариятига ва мураббийларига ишонамиз, бу инсонлар «лочинлар»ни қийин вазиятдан олиб чиқиб кетишади.
Ҳурматли наманганлик футбол ишқибозлари! Сизлар ҳам жамоани ҳозирги оғир кунда қўллаб-қувватлаб раҳбарият ва мураббийлар-у, футболчиларга яхши ниятлар қилиб фикр билдиринглар. Ахир улар юам сайтда ёзилаётган фикрлани ўқишмоқда.
«Навбаҳор» ўз номи билан «Навбаҳор»дир. Азиз ва ҳурматли раҳбарлар, мураббийлар штаби-ю, юрагида ўти бор футболчилар! Сизлар бир буюк футбол клуби аъзосизлар, бу буюк футбол клубини ашаддий футболни жону дилдан севувчи мухлислари бор. Бутун футболни севувчи ўзбек халқи сиз азиз жамоа аъзоларига ишонишади , буюк жамоани «синиб» кетишига йўл қўймайсизлар, деган умиддамиз!
Обид РУСТАМОВ
Тошкент шаҳри
Манба: pfcnavbahor.uz.
Киритилган сана: 17.07.2016 21:48.
Ўқилди: 5812 марта.
Билдирилган фикрлар: 1 та.
