-
-
АПЛ 25.04.2024 00:00 Кристал Пэлас 2 - 0 Ньюкасл АПЛ 25.04.2024 00:00 Ман. Юнайтед 4 - 2 Шеффилд Юнайтед АПЛ 25.04.2024 00:00 Эвертон 2 - 0 Ливерпуль Лига—1 25.04.2024 00:00 Монако 1 - 0 Лилль Лига—1 25.04.2024 00:00 Марсель 2 - 2 Ницца AFC U-23 25.04.2024 19:00 Қатар 2 - 4 Япония AFC U-23 25.04.2024 22:30 Жанубий Корея - Индонезия «A» Серия 25.04.2024 23:00 Удинезе 1 - 2 Рома АПЛ 26.04.2024 00:00 Брайтон 0 - 4 Манчестер Сити AFC U-23 26.04.2024 19:00 Ўзбекистон - Саудия Арабистони AFC U-23 26.04.2024 22:30 Ироқ - Вьетнам «A» Серия 26.04.2024 23:45 Фрозиноне - Салернитана Ла-лига 27.04.2024 00:00 Реал Сосьедад - Реал Мадрид Лига—1 27.04.2024 00:00 Монпелье - Нант АПЛ 27.04.2024 16:30 Вест Хэм - Ливерпуль «A» Серия 27.04.2024 18:00 Лечче - Монца АПЛ 27.04.2024 19:00 Ман. Юнайтед - Бёрнли АПЛ 27.04.2024 19:00 Ньюкасл - Шеффилд Юнайтед АПЛ 27.04.2024 19:00 Фулхэм - Кристал Пэлас АПЛ 27.04.2024 19:00 Вулверхэмптон - Лутон Ла-лига 27.04.2024 19:15 Альмерия - Хетафе «A» Серия 27.04.2024 21:00 Ювентус - Милан Ла-лига 27.04.2024 21:30 Алавес - Сельта АПЛ 27.04.2024 21:30 Эвертон - Брентфорд «A» Серия 27.04.2024 23:45 Лацио - Верона Лига—1 28.04.2024 00:00 ПСЖ - Гавр АПЛ 28.04.2024 00:00 Астон Вилла - Челси Ла-лига 28.04.2024 00:00 Атлетико - Атлетик Бильбао -
Шомуродовнинг «Ростов», терма жамоа ва ҳаётдаги орзуси ҳақида (интервью)
Баҳо: 0Бўлим: ЎЗБЕК ФУТБОЛИ » Легионерларимиз » Фикрлар
Рукн: Интервьюлар
"Ростов" ҳужумчиси Элдор Шомуродов Россия чемпионатининг ушбу мавсумида тўпурарлар пойгасида 11та гол билан иккинчи ўринда бормоқда. Ўзбекистонлик футболчи Sportbox.ru сайтига берган интервьюсида мавсум тўпурари бўлиш истаги борлигини маълум қилди.
— Хўш, Элдор, футболсиз яшаш қийинми?
— Нимасини айтасиз? Ғалати ҳиссиёт. Бундай бўлиши мумкинлигини тасаввур ҳам қилмаган эдим.
— Ростовдамисиз?
— Ҳа, хотиним билан бирга.
«Барчаси тез орада якунланади, деб умид қиламан»
— Ўзини яккалаш режимига амал қиляпсизми?
— Ҳа, уйда ўтирибмиз. Фақат озиқ-овқат дўконига чиқяпмиз.
— Шаҳарда пандемия билан боғлиқ вазият қандай?
— Ҳамма жойда бир хил бўлса керак. Фақат супермаркетлар ва дорихоналар ишлаяпти. Одамлар фақат ўз уйларига атрофига чиқишяпти.
— Бу узоқ вақт давом этармикин?
— Умид қиламан, йўқ. Барчаси тез орада якунланади, деб умид қиламан.
— Уйда шуғулланяпсизми?
— Ҳа, турли индивидуал машқларни бажаряпман, мушакларимга юклама беряпман. Ҳар биримизга дастур беришган.
— Ортиқча вазн тўплашдан хавотир олмайсизми?
— Йўқ, вазн борасида менда муаммо бўлмаган. Ҳаттоки 1-2 кило ортиқча вазн тўпласам, тезда ундан воз кеча оламан.
— Одатдагидек таомланяпсизми?
— Ҳа.
— «Ростов»нинг бошқа футболчилари билан алоқада бўлиб турибсизми?
— Албатта. Шунингдек, Валерий Георгиевич Карпин билан ҳам. Агар ниманидир сўраш керак бўлса, унга бемалол қўнғироқ қилишим мумкин.
«Кино кўряпман, китоб ўқийман, мусиқа тинглаяпман»
— Сиз PES20 футбол симуляторини ўйнар экансиз. Ҳаттоки РПЛ ўйинчилари ўртасидаги мусобақада ҳам иштирок этдингиз...
— Қизиқ бўлди! Ҳозирча у қадар яхши ўйнай олмадим. Чунки мен PES13 ўйнашга кўниккан эдим. Орада фарқ бор барибир.
— FIFA ҳам ўйнайсизми?
— Ҳа.
— Киберспортга анчадан бери қизиқасизми?
— Бир неча йиллардан бери.
— Бўш вақтда яна нималар билан шуғулланасиз?
— Хотиним билан кино кўрамиз, киноб ўқийман, мусиқа тинглаймиз. Куним шундай ўтади.
«Кулинария — қизиқарли соҳа»
— Ота-онангиз Ўзбекистонда яшашадими?
— Ҳа, мен туғилиб ўсган Сурхондарё вилоятида.
— Улар ҳам карантиндами?
— Албатта, боз устига, у ерда бунга жиддий қарашяпти. Улар билан доимо алоқада бўлиб турибман, ҳар куни қўнғироқ қиламан.
— Оилада ким овқат пиширади?
— Одатда хотиним, лекин мен ҳам айрим нарсаларни тайёрлай оламан. Назаримда, кулинария — қизиқарли соҳа.
— Палов пишира оласизми?
— Ҳозирча ўрганяпман. Оддий кўрингани билан бу осон иш эмас.
— Қандай таом пишира оласиз?
— Охирги марта димлама пиширдим. Хотинимнинг айтишича, ёмон чиқмади.
«Ростов» — катта оила»
— Одатий кунларда "Ростов" аъзолари норасмий муҳитда йиғиладими? Масалан, ресторанда ёки табиат қўйнида?
— Жамоадаги муҳит аъло даражада. Клуб раҳбарияти, мураббийлар штаби, ўйинчилар ва ходимлар — барчамиз бир оиламиз. Бутун жамоа бўлиб йиғилиб турамиз. Масалан, кимнидир туғилган куни ёки бошқа байрам бўлса.
— Ростов қисқичбақаларини татиб кўрдингизми?
— Албатта.
— Ёқдими?
— Жуда ҳам. Айниқса, яхши дўстлар даврасида. Қаерда эканининг аҳамият йўқ — Дон қирғоғидами ёки ресторанда.
— Элдор, «Ростов»да энг қувноқ йигит ким?
— Назаримда, Хорен Байрамян. Унинг маҳзун бўлганини ҳеч қачон кўрмаганман. Позитив йигит!
«Ота бўлишни ва фарзандларни тарбиялашни орзу қиламан»
— Футболга қайтамиз. Тасаввур қиламиз, карантин бекор қилинди. Яна керакли формага кириб олиш учун қанча вақт талаб этилади?
— Ўйлашимча, тахминан бир ой.
— Ушбу мавсумда ўз олдингизга қандай вазифаларни қўймоқдасиз?
— «Ростов» жадвалда имкон қадар юқорироқ ўринни эгаллаши учун қўлимдан келган барча ишни қиламан. Шахсий мақсад борасида эса — Россия чемпионати тўпурари бўлишни истайман. Бунинг учун менда имконият бор.
— Яъни, Дзюбани қувиб ўтишингизга ишонасиз?
— Албатта.
— Дарвоқе, нима учун пенальти тепмаяпсиз? Шунда голларингиз кўпроқ бўлиши мумкин эди...
— «Ростов»да тажрибалик футболчилар бор, улар тепишяпти.
— Ўзбекистон терма жамоаси билан қандай натижаларга эришмоқчисиз?
— Жаҳон чемпионати йўлланмасини қўлга киритишни орзу қиламан. Кейинчалик эса терма жамоа тарихидаги энг яхши тўпурар бўлмоқчиман (Шомуродов терма жамоада 20та гол урган. Энг яхши тўпурар Гейнрих ҳисобида 32та гол мавжуд — stadion.uz изоҳи).
— Қайси ҳужумчиларга ўхшашни истайсиз?
— Ҳеч кимга. Ўзимга ўхшашни истайман. Агар қайси ҳужумчиларнинг ўйини менга ёқишини сўрасангиз, у ҳолда Дрогба ва Фернандо Торресни тилга олишим мумкин.
— Ўтмишдаги қайси ўзбек футболчисини таъкидлай оласиз?
— Миржалол Қосимов. У бизнинг фахримиз.
— Ушбу мавсумдаги сизнинг ёрқин ўйинингиз?
— Назаримда, «Спартак»га қарши сафардаги ўйин. Унда биз 4:1 ҳисобида ғалаба қозонган эдик (Шомуродов бу ўйинда гол урмаган, битта голга узатма берган)
— Фаолиятингиздаги энг чиройли гол?
— Ўзбекистон чемпионати доирасида «Насаф»га урган голим. Ўшанда «Бунёдкор» 1:0 ҳисобида ғалаба қозонган эди.
— Сиз учун ҳаётда энг намунали инсон ким?
— Отам. Агар у бўлмаганида мен ҳозиргидек бўлмаган бўлардим. Менинг тарбиямда у муҳим ўрин тутган.
— Севимли фаслингиз?
— Менга баҳор ёқади.
— Баҳор Россия ва Ўзбекистонда турличами?
— Агар Ростов билан таққосласам, деярли бир хил.
— Нимани орзу қиласиз?
— Футболдаги орзумни айтиб ўтдик — жаҳон чемпионатида ўйнаш. Оилавий масалада эса ота бўлиш ва фарзандларни тарбиялаш.Манба: sportbox.ru.Киритилган сана: 12.04.2020 08:28.
Ўқилди: 3574 марта.
Билдирилган фикрлар: 0 та.
Турнир жадвали
№ | Жамоа | Ў | О |
---|---|---|---|
1 | Арсенал | 34 | 77 |
2 | Манчестер Сити | 33 | 76 |
3 | Ливерпуль | 34 | 74 |
4 | Астон Вилла | 34 | 66 |
5 | Тоттенхэм | 32 | 60 |
6 | Ман. Юнайтед | 33 | 53 |
7 | Ньюкасл | 33 | 50 |
8 | Вест Хэм | 34 | 48 |
9 | Челси | 32 | 47 |
10 | Борнмут | 34 | 45 |
11 | Брайтон | 33 | 44 |
12 | Вулверхэмптон | 34 | 43 |
13 | Фулхэм | 34 | 42 |
14 | Эвертон | 34 | 41 |
15 | Кристал Пэлас | 34 | 39 |
16 | Брентфорд | 34 | 35 |
17 | Ноттингем Форест | 34 | 30 |
18 | Лутон | 34 | 25 |
19 | Бёрнли | 34 | 23 |
20 | Шеффилд Юнайтед | 34 | 16 |
Ўтган ўйинлар
34-тур | Лутон | 1-5 | Брентфорд |
34-тур | Шеффилд Юнайтед | 1-4 | Бёрнли |
34-тур | Вулверхэмптон | 0-2 | Арсенал |
34-тур | Эвертон | 2-0 | Ноттингем Форест |
34-тур | Кристал Пэлас | 5-2 | Вест Хэм |
34-тур | Астон Вилла | 3-1 | Борнмут |
34-тур | Фулхэм | 1-3 | Ливерпуль |
Навбатдаги ўйинлар
26-тур | Челси | - | Тоттенхэм |