-
-
АПЛ 04.05.2024 00:00 Лутон 1 - 1 Эвертон Ла-лига 04.05.2024 00:00 Хетафе 0 - 2 Атлетик Бильбао Лига—1 04.05.2024 00:00 Ланс 2 - 0 Лорьян АПЛ 04.05.2024 16:30 Арсенал 3 - 0 Борнмут Ла-лига 04.05.2024 17:00 Реал Сосьедад 2 - 0 Лас-Пальмас Лига—1 04.05.2024 18:00 Гавр 3 - 1 Страсбур Суперлига 04.05.2024 18:30 Андижон 0 - 1 Сўғдиёна АПЛ 04.05.2024 19:00 Брентфорд 0 - 0 Фулхэм АПЛ 04.05.2024 19:00 Шеффилд Юнайтед 1 - 3 Ноттингем Форест АПЛ 04.05.2024 19:00 Бёрнли 1 - 4 Ньюкасл Ла-лига 04.05.2024 19:15 Реал Мадрид 3 - 0 Кадис Лига—1 04.05.2024 20:00 Монако 4 - 1 Клермон «A» Серия 04.05.2024 21:00 Монца 2 - 2 Лацио АПЛ 04.05.2024 21:30 Манчестер Сити 5 - 1 Вулверхэмптон Ла-лига 04.05.2024 21:30 Жирона 4 - 2 Барселона Лига—1 04.05.2024 22:00 Метц 2 - 3 Ренн «A» Серия 04.05.2024 23:45 Сассуоло 1 - 0 Интер Лига—1 05.05.2024 00:00 Брест 0 - 0 Нант Ла-лига 05.05.2024 00:00 Мальорка 0 - 1 Атлетико «A» Серия 05.05.2024 15:30 Кальяри - Лечче Ла-лига 05.05.2024 17:00 Осасуна - Бетис АПЛ 05.05.2024 18:00 Челси - Вест Хэм «A» Серия 05.05.2024 18:00 Верона - Фиорентина «A» Серия 05.05.2024 18:00 Эмполи - Фрозиноне АПЛ 05.05.2024 18:00 Брайтон - Астон Вилла Ла-лига 05.05.2024 19:15 Сельта - Вильярреал АПЛ 05.05.2024 20:30 Ливерпуль - Тоттенхэм «A» Серия 05.05.2024 21:00 Милан - Женоа Ла-лига 05.05.2024 21:30 Валенсия - Алавес «A» Серия 05.05.2024 23:45 Рома - Ювентус Ла-лига 06.05.2024 00:00 Севилья - Гранада Ла-лига 06.05.2024 00:00 Райо Вальекано - Альмерия «A» Серия 06.05.2024 21:00 Салернитана - Аталанта «A» Серия 06.05.2024 23:45 Удинезе - Наполи АПЛ 07.05.2024 00:00 Кристал Пэлас - Ман. Юнайтед Лига—1 07.05.2024 00:00 Лилль - Лион -
Азму-шижоатли Азим ака
Баҳо: 0Бўлим: ЎЗБЕК ФУТБОЛИ » Футбол ва ОАВ » Телетрансляциялар
Рукн: Янгиликлар
Ҳаётда исми жисмига монанд инсонлар етарлича топилади.
Бундайнинг феъл-атвори, ўзига хос фазилатларига қараб, беихтиёр исми ўзига нақадар мос тушганидан ёқа ушлайсан гоҳида. Бугунги мақоламиз қаҳрамони ҳам ўз касбидан бахт-иқбол топган фидоий инсонлардан. 80 ёшли Азим ака Алимов умрининг қарийб 70 йилини миллионлар ўйини, хусусан, спорт журналистикасига бағишлади. Қуйида ана шу жонкуяр инсоннинг умр йўли ҳақида муфассал тўхталамиз.
***
Азим ака тўғрисўз, дилидагини тили билан изҳор этишни хуш кўради. Яна баъзи инсонлардан фарқли ўлароқ, қусурларни кўрган паллада жим туролмайди. Шунинг учун кўпчилик баралла айтади: «Жўмардликни Азим акадан ўрганиш керак». «Беғубор болалигим Тошкент шаҳри Сирли ёхуд Қўшбозор маҳалласида ўтган, - дея эслайди Азим ака. - Падари бузрукворим - Ҳошим ота юртимиздаги биринчи полиграфчилардан бири эди. Волидам Жамила ая икки қиз ва тўрт ўғилни оқ ювиб, оқ таради. Отам Тошкент шаҳри Шайхонтоҳур (аввалги Октябрь) тумани Илғор маҳалласига 40 йил раислик қилиб, одамлар дардига малҳам бўлган. Дастлабки таълимни Тошкент шаҳридаги 3та илм даргоҳи - 82, 32 ва 111-мактабларда олдим. Спорт, жумладан, футболга иштиёқ болалигимдан ўйғонган. Тошкентнинг эски шаҳар ҳудудида жойлашган «Спартак» стадионида таниқли мураббий Маъруф Акбаров ташкил этган футбол секциясига қатнаганман. Ўша пайт «Сокол» жамоасини тажрибали мураббий Виталий Валицкий бошқарарди. Каминага ҳам ушбу клуб машғулотларида иштирок этиш насиб этган. Дўстим Ғайрат Шоқурбонов билан машғулотларга битта йўналишдаги трамвайда бориб-келардик. Кечагидек эсимда, «Сокол»нинг асосий таркибида Валерий Любушин ва Игорь Малиновский каби таниқли футболчилар ўйнашарди. Биз эса ўринбосарлар сафида тўп суриб, машғулотларни улар билан бирга ўтказардик. «Сокол» нафақат Ўзбекистон, ҳаттоки, собиқ иттифоқ миқёсидаги турнирларда ҳам порлади. Кейинчалик шарт-шароит туфайли маълум вақт ўзимни ота касбида синаб кўрдим. 1960 йили 2-полиграфия билим юртида ҳарф терувчи сифатида ишладим...».
***
Қаҳрамонимиз Азим ака Алимов шундан сўнг Тошкент давлат миллий университети филология факультети қошидаги журналистика бўлимида таҳсил олади ва «Сирдарё ҳақиқати» газетасида фаолият бошлайди. Чўл об-ҳавоси, у ерда тер тўкаётган фидоийларнинг жасоратли меҳнатини кўриб, қайноқ ҳаёт тафтини қалбдан ҳис этади. Шу аснода 3 йил мобайнида Мирзачўл баҳодирлари, Боёвут ва Сардоба пахтакорлари меҳнатини тараннум этади. Шунинг баробарида Гулистон ҳамда Янгиердаги навқирон авлоднинг спортга меҳр қўйганидан фахр туйғусини туяди. Шу орада ҳарбий хизматда бўлиб, ўша давр таъбири билан айтганда, йигитлик бурчини ўтайди. Азим ака 1968 йили Ўзбекистон радиосида иш бошлаб, меҳнат фаолиятида янги саҳифа очади. Дастлаб «Ахборот» бош таҳририятида, сўнг спорт бўлимини ташкил этишда олдинги сафда бўлади.1970-2012 йиллар оралиғида Ўзбекистон миллий телерадиокомпаниясининг спорт таҳририятида мухбирликдан бош муҳаррирликкача бўлган йўлни босиб ўтади. Бу йиллар давомида нафақат футбол, балки спортнинг бошқа турларини ҳам равон шарҳлашда ҳамкасбларига ўрнак кўрсатади. «Касб сирларини ўрганишда устозим Нўъмон Насимов, журналистиканинг назарий томонларини обдон англаб олишда бевосита кўмак берган Анвар Шомақсудовдан бир умр миннатдорман, - дейди Азим ака Алимов. - Бежиз журналистни конда меҳнат қиладиган заҳматкашларга ўхшатишмайди. Қадрдон дўстларим Шоабдулла Муҳаммаджонов, Роман Турпишев, Тўлқин Илҳомов, Талъат Солиев, Азим Пўлатов билан ёнма-ён изланиб, кам бўлмадик. «Пахтакор» жамоаси ўйинларини Ўзбекистон радиоси ва телеведениесида шарҳлаб, миллионлар мухлислар хонадонига кириб бордик. Москва, Киев, Санкт-Петербург, Рига, Вильнюс, Тбилиси, Боку, Ереван шаҳарларида бўлиб, футбол ихлосмандлари билан учрашганимизда, ўзбеклар, ўзбекистонликларга қанчалик ҳурматда эканликларини теран англаганмиз. Ҳеч эсимдан чиқмайди, Тюмень шаҳрига етиб борганимизда, «Пахтакор» ҳужумчиси Тўлаган Исоқов ҳайратини яширолмаганди: «Қойил, шу ерга ҳам келдингизми?»
1979 йилнинг 11 августида «пахтакорчилар»нинг авиаҳалокати ҳақидаги хабар барчамизни ларзага солгани... «Дўст дўстнинг кунига оро киради», деганларидек, «Пахтакор» қисқа муддатда янгидан шакллантирилди. Бироқ юракдаги доғ ҳалигача барчамизни қийнайди...»
***
Мустақиллик барча соҳа ходимлари сингари матбуот, ОАВ вакиллари учун ҳам кенг имконият эшикларини очди. Ўзбекистон миллий телерадиокомпаниясида спорт муҳарририяти махсус телерадиоканалга айлантирилди. Унинг тетапоя бўлишида Азим ака Алимовнинг ҳам ўзига хос хизмати бор. Бу ерда шарҳловчилик мактабининг янги вакиллари вояга етишди. Комил Жумаев, Мурод Ризаев, Сапармат Сафаев, Малика Муродова, Мусурмон Элмуродов сингари иқтидор эгалари ўз меҳнатлари, устозлар ўгит-маслаҳатлари туфайли элга танилишди. «Азим ака Алимов том маънода ўрнак олса арзийдиган фидоий устозлардан, - дея қўшимча қилади таниқли шарҳловчи Мирзаҳаким Тўхтамирзаев. - У киши билан суҳбатлашган инсон дилдан яйрайди. Самимий, ютуқларимизни кўриб қувонади, баъзи масалаларда холисона фикр билдиради. Кишини илиқ сўзлар билан руҳлантириб, ўз касбига ишончни оширади. Меҳнаткаш, вақт билан ҳисоблашмасдан ишлашни ёқтиради. Азим аканинг водий ва воҳа вилоятлари бўйлаб сафарларда ёшларга хос азму-шижоат кўрсатганини бир неча бор кўриб, қойил қолганман. Буни устоздаги ҳақиқий юртпарварлик фазилатига менгзаш мумкин».
***
Дарҳақиқат, Азим ака Алимов шундай беназир, беқиёс инсон, ўз касбининг моҳир устаси. Турмуш ўртоғи Машҳура ая билан фарзандлари Зиёдулла, Фарида, Зафар, Диёр, шунингдек, 10 нафар набира, 4 нафар эварани эл-юрт ишига муносиб ворислар қилиб тарбиялади. Гарчи ҳозирги кунда нафақада бўлсада, маҳалла ташвишлари билан бирга Ўзбекистон спорт фахрийлари кенгашининг фаол аъзосидир. «Инсон ҳаётда яхши ном, эзгу амаллар қолдириш учун яшаши керак, - дейди Азим ака. - 80 йиллик умримнинг бесамар ўтмаганидан ғоят мамнунман. Мустақилликнинг дастлабки йиллари ишлаш осон кечмаганди. Дейлик, 1994 йили Осиё ўйинларини намойишида роса қийналгандик. Оқ-қора тасвир, коммуникация борасидаги муаммолар... Мана, йиллар ўтиб, техника ва кадрлар масаласидаги камчиликлар з ечимини топди. Айни пайт Ўзбекистон телерадиоси энг сўнгги замонавий техникалар, салоҳиятли кадрларга эга. Буларни кўриб, ёшлигимга қайтгим келади, доруломон кунларга етказгани учун шукроналар айтаман. Кўплаб иқтидорли шогирдлар камолини кўриб фахрланаман. Буларнинг барчаси тинчликсевар юрт халқининг аҳиллигидан, албатта».
Устоз журналист, моҳир шарҳловчи Азим Алимов ҳақ гапларни айтди. Унинг шукроналикка йўғрилган сўзларида Янги Ўзбекистоннинг нурли истиқболи ёрқин акс этиб турибди. Шунинг ўзи қутлуғ ёшини нишонлаётган устознинг азми-шижоатга эш бўлганидан далолатдир. Устоз шарҳловчи 26 август куни 80 ёшга тўлди. Шу муносабат билан таҳририятимиз, кўп сонли ўқувчилар номидан у кишини самимий қутлаймиз.
Ҳусан ТЕМИРОВ
Манба: «Интерфутбол» газетаси.Киритилган сана: 05.09.2022 22:40.
Ўқилди: 1426 марта.
Билдирилган фикрлар: 0 та.
Турнир жадвали
№ | Жамоа | Ў | О |
---|---|---|---|
1 | Реал Мадрид | 34 | 87 |
2 | Жирона | 34 | 74 |
3 | Барселона | 34 | 73 |
4 | Атлетико | 34 | 67 |
5 | Атлетик Бильбао | 34 | 61 |
6 | Реал Сосьедад | 34 | 54 |
7 | Бетис | 33 | 49 |
8 | Валенсия | 33 | 47 |
9 | Вильярреал | 33 | 45 |
10 | Хетафе | 34 | 43 |
11 | Осасуна | 33 | 39 |
12 | Севилья | 33 | 38 |
13 | Алавес | 33 | 38 |
14 | Лас-Пальмас | 34 | 37 |
15 | Райо Вальекано | 33 | 34 |
16 | Мальорка | 34 | 32 |
17 | Сельта | 33 | 31 |
18 | Кадис | 34 | 26 |
19 | Гранада | 33 | 21 |
20 | Альмерия | 33 | 14 |
Ўтган ўйинлар
34-тур | Хетафе | 0-2 | Атлетик Бильбао |
34-тур | Реал Сосьедад | 2-0 | Лас-Пальмас |
34-тур | Реал Мадрид | 3-0 | Кадис |
34-тур | Жирона | 4-2 | Барселона |
34-тур | Мальорка | 0-1 | Атлетико |
Навбатдаги ўйинлар
34-тур | Осасуна | - | Бетис |
34-тур | Сельта | - | Вильярреал |
34-тур | Валенсия | - | Алавес |
34-тур | Райо Вальекано | - | Альмерия |
34-тур | Севилья | - | Гранада |