Transfermarkt портали айни пайтда Тошкент ва Бишкекда бўлиб ўтаётган Марказий Осиё футбол ассоциацияси мусобақаси — CAFA Nations Cup-2023'нинг энг қиммат футболчилари рейтингини тузиб чиқди.
Турнирда 6 та гол билан энг яхши тўпурар бўлиб турган Меҳди Таремий мусобақанинг энг қиммат ўйинчиси деб топилди. «Порту» клуби форвардининг нархи 20 миллион еврога тенг. «Байер» ҳужумчиси Сардор Азмун эса 12 миллион евро билан 2-поғонани банд этди.
Ўзбекистон терма жамоаси сардор Элдор Шомуродов кучли учликка кирди. "Рома" футболчисининг айни пайтдаги нархи 6 миллион еврога тенг.
Умуман олганда, терма жамоамизнинг яна икки аъзоси топ-10га кирган: Отабек Шукуров (2,5 млн евро, 6-ўрин) ва Жалолиддин Машарипов (2 млн евро, 7-ўрин).
CAFA Nations Cup-2023 мусобақасининг энг қиммат футболчилари (топ-10):
1. Меҳди Таремий (Эрон) - 20 млн;
2. Сардор Азмун (Эрон) - 12 млн;
3. Элдор Шомуродов (Ўзбекистон) - 6 млн;
4. Мажид Ҳуссайний (Эрон) - 3 млн;
5. Алиреза Жаҳонбахш (Эрон) - 3 млн;
6. Отабек Шукуров (Ўзбекистон) - 2,5 млн;
7. Жалолиддин Машарипов (Ўзбекистон) - 2 млн;
8. Содиқ Муҳарраий (Эрон) - 2 млн;
9. Ҳуссайн Каноний (Эрон) - 2 млн;
10. Меҳди Қоидий (Эрон) - 1,40 млн.
