-
-
Лига—1 13.05.2024 00:00 Марсель 3 - 1 Лорьян Лига—1 13.05.2024 00:00 Ренн 1 - 1 Ланс Лига—1 13.05.2024 00:00 ПСЖ 1 - 3 Тулуза Лига—1 13.05.2024 00:00 Монпелье 0 - 2 Монако Лига—1 13.05.2024 00:00 Нант 1 - 2 Лилль Лига—1 13.05.2024 00:00 Клермон 0 - 1 Лион Лига—1 13.05.2024 00:00 Страсбур 2 - 1 Метц Ла-лига 13.05.2024 00:00 Бетис 3 - 2 Альмерия Суперлига 13.05.2024 19:00 Сурхон 1 - 1 Динамо Суперлига 13.05.2024 19:00 Насаф 0 - 0 Бунёдкор «A» Серия 13.05.2024 21:30 Лечче 0 - 2 Удинезе «A» Серия 13.05.2024 23:45 Фиорентина 2 - 1 Монца АПЛ 14.05.2024 00:00 Астон Вилла 3 - 3 Ливерпуль Ла-лига 14.05.2024 00:00 Барселона 2 - 0 Реал Сосьедад Суперлига 14.05.2024 19:00 Локомотив - ОКМК Ла-лига 14.05.2024 22:30 Осасуна - Мальорка АПЛ 15.05.2024 00:00 Тоттенхэм - Манчестер Сити Ла-лига 15.05.2024 00:30 Реал Мадрид - Алавес Ла-лига 15.05.2024 01:00 Жирона - Вильярреал Ла-лига 15.05.2024 22:30 Райо Вальекано - Гранада Ла-лига 15.05.2024 22:30 Севилья - Кадис АПЛ 15.05.2024 23:45 Брайтон - Челси Лига—1 16.05.2024 00:00 Ницца - ПСЖ Лига—1 16.05.2024 00:00 Реймс - Марсель АПЛ 16.05.2024 00:00 Ман. Юнайтед - Ньюкасл -
Романтик кашфиётчи мураббий
Баҳо: 0Бўлим: ЕВРОПА » Мураббийлар » Суратга чизгилар
Рукн: Таҳлил ва Мақолалар
Роберто Де Зерби бошқарувидаги «Брайтон» ўз тарихида илк бора ЕЛ йўлланмасини қўлга киритди.
Италиялик мураббий доимо хаёлпараст инсон бўлган. «Сассуоло»га устозлик қилган даврида тўшаги яқинидан блокнот ва ручка аримасди. Ҳатто уйқусида ҳам футболни ўйлар, қизиқарли ғоя пайдо бўлса, дарров ёзиб қўярди. Албатта, вақт ўтиши ва тўпланган тажриба таъсирида муносабат ўзгаради, услуб такомиллашиб боради. Бироқ Роберто ҳанузгача хаёлпарастлик хислатидан мосуво бўлган эмас.
«Жамоам доимо иштиёқ ва иззатталаблик билан тўп суришини, ўйиннинг бош қаҳрамони сифатида орзу сари интилишини истайман», - деганди мураббий ўз интервьюларидан бирида. Де Зерби «Брайтон»ининг шиддатли парвози 2022Ғ23 йиллар мавсумидаги бош мавзуларнинг бири бўлди. Статистик маълумотларда «Сити»нинг чемпионлигию АПЛни тарк этадиган 3 клуб совуққонлик билан қайд этилган. Бироқ чемпионатни диққат билан кузатган ашаддий мухлисларга «Брайтон» олам,олам завқ улашди. 8 ойлик фаолиятида Де Зерби жамоани тарихий чўққига олиб чиқди - «чайкалар» ЕЛ иштирокчисига айланишди.
Натижа сари йўл
Илдам ҳаракатларга одатланган Де Зерби стартни ўта вазминлик билан ўтказди. Унинг «Брайтон»даги фаолияти 2 дуранг ва 3 мағлубият билан бошланди. Кейин жамоа «Челси»ни 4:1 ҳисобида маҳв этди, Робертонинг услуби бўй кўрсата бошлади. «МЮ», «Ливерпуль» каби грандлар мағлубиятларини тан олдилар, йирик ҳисобда (0:3) имкониятни бой берган «Арсенал» чемпионликдан умидини узди. Кейин «Брайтон» ғолибликни расмийлаштирган «Сити» билан дурангга имзо чекди, ҳатто ЕЧЛ йўлланмасига даъвогарлик қилди.
Де Зерби етакчилигидаги жанубликлар мавсум давомида рақиб жамоалар мураббийларининг эксак эътирофига сазовор бўлди. Март ойида Гвардиола Робертони инглиз футболининг ислоҳотчиси ва ажойиб услуб соҳиби эканлигини тан олганди. Апрелнинг охирида Лопетеги «Брайтон» жаҳон футболида энг савияли ўйинни намойиш этаётганлигини эътироф этган, 2 кундан кейин «чайкалар» «Вулверхемптон»ни 6 марта ўз дарвозасидан тўп олиб чиқишга мажбур этишганди. Ҳайратини яшира олмаган Юрген Клопп мазкур баҳсни ўз фаолиятидаги энг мазмунли ўйинлардан бири эканлигини таъкидлади, «Брентфорд» устози Томас Франк эса Роберто ижодига аъло баҳо берганди. Энг қизиғи, Микель Артета ҳам айнан 0:3 ҳисобидаги мағлубиятни қабул қилиш арафасида «Брайтон»нинг шайдоси бўлиб қолганлигини тан олганди. Италиялик мутахассис барча мақтовларни ўта камтаринлик билан қабул қилади: «Услубимизни муҳокама қилиш чоғида мутахассислар мени назарда тутмайдилар. Мен майдонда тўп сурмайман. Улар ажойиб шогирдларимни мақтайдилар. Ўзим футболчи бўлганим боис, мақтовларни шогирдларим хизматларига берилган муносиб баҳо, деб биламан».
Мураббийлик йўли
Де Зербининг футболчилик даври камтарона ўтди. 15 йиллик фаолиятида у Италиянинг 10та жамоасида ишлади, Руминияда омадини синаб кўрди. 2013 йилда «Д» серияси вакили «Дарфо Боарио»ни қабул қилди. Кейин «С» сериясида «Фоджа»ни бошқариб, 2016 йил сентябрида «А» сериясидаги «Палермо»дан таклиф олди. Бироқ 13та ўйиндан кейин жамоани тарк этди. Кейинчалик Роберто элитадан жой олиш учун ягона имконият, деб ўйлагани ва жуда барвақт уринганлигини тан олди. «Беневенто»да босиқлик билан ишлаган бўлсада, жамоани «В» серияга тушиб кетишдан қутқара олмади. Лекин ҳужумкор услуб мураббийи мақомига эга бўлди. 2018 йилда у «Сассуоло»дан чорлов олди. Кевин-Принс Боатенг бунга қуйидагича муносабат билдирди: «Мен у билан ҳамкорлик қилишни истагандим. Менимча, Де Зерби ўйинни ҳис этиш бобида тенгсиз мутахассис. Ҳамма уни мақтайди, бу яхши эмас. Мени 50 киши мақтаса, бошқа 50 нафари салбий баҳо беради».
«Сассуоло»даги 3 мавсум давомида Роберто 4х2х3х1 ва 4х3х3 схемаларидан фойдаланган ҳолда ҳужумкорликка зўр берди, 2- ва 3-мавсумларни жамоа 8-ўринда якунлади. 2021 йилда мураббий Донецкнинг «Шахтёр» клубига келди ва ўтган йилнинг ёзига қадар ишлади. Қизиғи, июль ойида у Синиша Михайловичга бўлган ҳурмати туфайли «Болонья» таклифини рад этди. Лейкемия хасталиги билан курашаётган Синиша сентябрда «Болонья»ни, декабрда ёруғ дунёни тарк этди. Де Зерби эса муайян режаларсиз «Брайтон» таклифига розилик билдирди.
Ҳар жабҳада эҳтирос муҳим
Эҳтирос? Агар сиз футболда эҳтироссиз ишласангиз, ҳеч нарсага эриша олмайсиз. Мухлислар ҳаммасини яхши тушунишади, қанчалик эҳтиросли эканлигингизни 1-2 ўйинда билиб оладилар. Де Зербининг ҳиссиётлари баъзан чегарадан чиқиб кетади. Сўнгги мавсумда у 2та қизил ва 4та сариқ карточкалар билан жазоланди. Буни мураббий рисоладагидек кўрсаткич, деб ҳисоблайди: «Ўтган мавсумда бундан ҳам ёмонроқ бўлганди. Ҳозир анча босиқ бўлиб қолдим. Ҳуда-беҳудага куюнавермаслик кераклигини тушуниб турган ҳолда, баъзан асабларимни жиловлай олмай қоламан».
Мураббийнинг ўйинлардан кейин ёки танаффуслар пайтида кийиниш хонасидаги эҳтиросли нутқлари тез-тез ОАВ мулкига айланиб туради. Уларни алоҳида цитаталар ёки жўшқин мотивация роликлари шаклида узатиш мумкин. Роберто жамоаси Англия Кубоги турнири чорак финалида «Гримсби»дан 1:0 ҳисобидаги устунлик билан танаффусга йўл олганди. Қуйи лига вакили устидан қайд этилаётган минимал устунлик мураббийни қониқтирмаган, у ўз шогирдларидан 5 ёки 6та гол кутганди. Ўша ўйин 5:0 ҳисобида якунланди. Робертонинг жўшқин нутқи таъсирида, албатта. Энди Дэнни Уэлбекнинг эътирофи билан танишинг: «Биринчи кундаёқ у футболга бўлган иштиёқи ва малакаси билан лол қолдирганди. Бирон-бир ҳаракат, ҳатто икир,чикирлар ҳам мураббий эътиборидан четда қолмайди. У жуда кўп ўйинчиларнинг маҳоратини оширди. Барча шогирдларига ўйин амалиётини бериб, иқтидорини намойиш этишни талаб қилади».
Юксак баҳо
Дарҳақиқат, Де Зербини ҳамма мақтайди, ҳурмат қилади - ўйинчилар, мураббийлар, экспертлар ва мухлислар ҳам, албатта. Италиялик мутахассис бундай ҳурматга фақат битта йўл - ҳалоллик орқали эришиш мумкин, деб ҳисоблайди: «Мен ҳар доим ўзлигингни сақлаб қолиш кераклигига ишонаман, доимо ҳалол ва тушунарли бўлишга интиламан. Ҳар қандай вазиятда, ғалабада ҳам, мағлубиятда ҳам шу қоидага амал қилишга интиламан».
259та ўйинда 103та гол урган «Брайтон» афсонаси Гленн Мюррей шундай деганди: «Ундаги ўзини аямаслик хислати, куч,қувват ва жамоа ўз мураббийида кўришни орзу қилган барча фазилатларни кўргач, менда унинг жамоасида тўп суриш истаги пайдо бўлди. Жамоанинг услуби ўта таъсирчан, ҳужумчи учун кенг имкониятларни яратади. Бундай жамоада тўп суриш жуда ёқимли».
Уэлбекнинг қўшимчаси: «Унга қадар биз малакали мураббий раҳбарлигида ўйнаган бўлсакда, Роберто улкан ўзгаришларни амалга оширди. Майдонда сиз унинг ишларидан 20 фоизига гувоҳ бўлишингиз мумкин. Мураббийнинг барча жабҳаларда ҳиссаси бор. Майдонда у билан синхрон равишда ҳаракат қилишимиз шарт. У хатога йўл қўйишимизни истамайди, лекин хато қилсак, кечиради. Хатоликлардан ҳеч ким кафолатланган эмас. Бизда ҳар бир ўйинчи ўз вазифасини билади, мураббий ажойиб услубни яратган, аммо мукаммаллик ҳали олдинда. Машғулотларда услубни меъёрига етказиш устида ишлаяпмиз».
Де Зерби максимализм тарафдори ва имкониятларга холисона баҳо беради. Жамоа еврокубоклар ҳудудига чиқа олишига ишонч ҳосил қилди ва ЕЛ қўлланмасини қўлга киритди. Олдинда Роберто Де Зерби ва «Брайтон»ни янги чўққилар кутмоқда. Мураббий бу борада ўзига хос камтарлик билан шундай деди: «Мукаммаллик йўқ эмас, қаердадир мавжуд. Биз унга яқинлашмоғимиз лозим. Мақсадим шуки, жамоам мен кетганимдан кейин янада юқорироқ савияда тўп сурганини кўриш».
С.РАҲМОНОВ тайёрлади
Манба: «Интерфутбол» газетаси.Киритилган сана: 01.07.2023 23:44.
Ўқилди: 1863 марта.
Билдирилган фикрлар: 0 та.
Турнир жадвали
№ | Жамоа | Ў | О |
---|---|---|---|
1 | Реал Мадрид | 35 | 90 |
2 | Барселона | 35 | 76 |
3 | Жирона | 35 | 75 |
4 | Атлетико | 35 | 70 |
5 | Атлетик Бильбао | 35 | 62 |
6 | Бетис | 35 | 55 |
7 | Реал Сосьедад | 35 | 54 |
8 | Вильярреал | 35 | 48 |
9 | Валенсия | 35 | 48 |
10 | Хетафе | 35 | 43 |
11 | Алавес | 35 | 42 |
12 | Севилья | 35 | 41 |
13 | Осасуна | 35 | 40 |
14 | Лас-Пальмас | 35 | 37 |
15 | Мальорка | 35 | 35 |
16 | Райо Вальекано | 35 | 35 |
17 | Сельта | 35 | 34 |
18 | Кадис | 35 | 29 |
19 | Гранада | 35 | 21 |
20 | Альмерия | 35 | 17 |
Ўтган ўйинлар
35-тур | Алавес | 2-2 | Жирона |
35-тур | Мальорка | 1-0 | Лас-Пальмас |
35-тур | Вильярреал | 3-2 | Севилья |
35-тур | Гранада | 0-4 | Реал Мадрид |
35-тур | Атлетик Бильбао | 2-2 | Осасуна |
35-тур | Кадис | 1-0 | Хетафе |
35-тур | Атлетико | 1-0 | Сельта |
35-тур | Валенсия | 0-0 | Райо Вальекано |
35-тур | Бетис | 3-2 | Альмерия |
35-тур | Барселона | 2-0 | Реал Сосьедад |
Навбатдаги ўйинлар
36-тур | Осасуна | - | Мальорка |
36-тур | Реал Мадрид | - | Алавес |
36-тур | Жирона | - | Вильярреал |
36-тур | Севилья | - | Кадис |
36-тур | Райо Вальекано | - | Гранада |
36-тур | Хетафе | - | Атлетико |
36-тур | Сельта | - | Атлетик Бильбао |
36-тур | Лас-Пальмас | - | Бетис |
36-тур | Альмерия | - | Барселона |
36-тур | Реал Сосьедад | - | Валенсия |