Пляж бўйича БАА миллий терма жамоаси 13, 14 январь кунлари Дуйбайдаги "Фужайра" пляж майдонида Венгрия терма жамоаси билан 2та ўртоқлик учрашувини ўтказди. Биринчи ўйинда мезбонлар 5:3 ҳисобида ғалаба қозонишган бўлса, иккинчи баҳс Венгриянинг ғалабаси билан тугади (4:3).
БАА миллий терма жамоаси бош мураббийи Марселоа Мендес ўтказилган ўйинлардан қониқиш ҳосил қилганини таъкидлади.
"Ушбу ўйинлардан қониқиш ҳосил қилдим. Бу ўйинлар футболчилар учун яхши синов вазифасини ўтаб берди. Сўнгги марта биз 2009 йили ўзимиз мезбонлик қилган жаҳон чемпионатида иштирок этгандик ва яна ЖЧга қайтишни истаймиз. Венгрия — яхши жамоа ва унга қарши ўйинлардан футболчиларимиз яхши тажриба олишди. Шунингдек, бу 2 ўйиндан кейин Доҳага борадиган таркибни аниқлаб олдим", дейди БАА бош мураббийи.
БАА терма жамоаси эртага Доҳага жўнаб кетади ва тайёргарликни Қатарда давом эттиради. У ерда жамоа 18 январь куни Ироқ терма жамоаси билан ўртоқлик учрашувини ўтказади.
Эслатиб ўтамиз, пляж футболи бўйича жаҳон чемпионатига саралаш мусобақасида Қатар пойтахти Доҳада бўлиб ўтади. Қуръа натижасига кўра Ўзбекистон терма жамоаси "С" гуруҳида Саудия Арабистони, БАА ва Фаластин билан куч синашади. Гуруҳда 1-ўринни олган жамоа ярим финалга чиқади. Осиёнинг энг кучли 3 жамоаси эса сентябрь ойида Таитида бўлиб ўтадиган ЖЧда иштирок этиш ҳуқуқини қўлга киритади.
