-
-
«A» Серия 10.05.2024 23:45 Фрозиноне 0 - 5 Интер Ла-лига 11.05.2024 00:00 Алавес 2 - 2 Жирона Лига—1 11.05.2024 00:00 Брест 1 - 1 Реймс Лига—1 11.05.2024 00:00 Ницца 1 - 0 Гавр АПЛ 11.05.2024 16:30 Фулхэм - Манчестер Сити Ла-лига 11.05.2024 17:00 Мальорка - Лас-Пальмас АПЛ 11.05.2024 19:00 Тоттенхэм - Бёрнли АПЛ 11.05.2024 19:00 Вест Хэм - Лутон АПЛ 11.05.2024 19:00 Ньюкасл - Брайтон АПЛ 11.05.2024 19:00 Эвертон - Шеффилд Юнайтед АПЛ 11.05.2024 19:00 Борнмут - Брентфорд АПЛ 11.05.2024 19:00 Вулверхэмптон - Кристал Пэлас Ла-лига 11.05.2024 19:15 Вильярреал - Севилья «A» Серия 11.05.2024 21:00 Наполи - Болонья АПЛ 11.05.2024 21:30 Ноттингем Форест - Челси Ла-лига 11.05.2024 21:30 Гранада - Реал Мадрид «A» Серия 11.05.2024 23:45 Милан - Кальяри Ла-лига 12.05.2024 00:00 Атлетик Бильбао - Осасуна «A» Серия 12.05.2024 15:30 Лацио - Эмполи Ла-лига 12.05.2024 17:00 Кадис - Хетафе «A» Серия 12.05.2024 18:00 Верона - Торино «A» Серия 12.05.2024 18:00 Женоа - Сассуоло Ла-лига 12.05.2024 19:15 Атлетико - Сельта АПЛ 12.05.2024 20:30 Ман. Юнайтед - Арсенал «A» Серия 12.05.2024 21:00 Ювентус - Салернитана Ла-лига 12.05.2024 21:30 Валенсия - Райо Вальекано «A» Серия 12.05.2024 23:45 Аталанта - Рома Ла-лига 13.05.2024 00:00 Бетис - Альмерия Лига—1 13.05.2024 00:00 Монпелье - Монако Лига—1 13.05.2024 00:00 Страсбур - Метц Лига—1 13.05.2024 00:00 Клермон - Лион Лига—1 13.05.2024 00:00 Нант - Лилль Лига—1 13.05.2024 00:00 Ренн - Ланс Лига—1 13.05.2024 00:00 ПСЖ - Тулуза Лига—1 13.05.2024 00:00 Марсель - Лорьян -
Чемпионлар лигасида сенсация қайд этган жамоалар
Баҳо: 0Бўлим: ЕВРОПА » УЕФА чемпионлар лигаси » Жамоалар
Рукн: Таҳлил ва Мақолалар
Чемпионлар лигасининг 1/8 финалидаги энг катта сюрприз “Копенгаген”нинг унда иштироки бўлди. Албатта, ҳеч ким Дания клуби Европанинг энг яхши 16 клуби рўйхатидан жой олишини кутмаганди. Келгуси мавсумдан бошлаб Чемпионлар лигасида гуруҳ босқичи формати ўзгаради, бу эса, "кичик" жамоалар учун плей-офф йўлини қийинлаштиради. Бундай ҳис-туйғулар камроқ бўлади. Келинг, 21-асрда шунга ўхшаш сенсация қайд этган кичик жамоаларнинг қаҳрамонликларини эслаймиз.
"Лион", 2019/2020 йилги мавсум
Тўрт йил аввал “Лион” 2000 йилларнинг биринчи ярмидагидек кучли эмас эди, ўшанда у Франция чемпионлигини кетма-кет етти йил қўлга киритганди. 2019/2020 йилги мавсумда жамоа 1-лиганинг ўрта жамоасига айланди. Чемпионлар лигасида эса “Лион” “РБ Лейпциг”, “Бенфика” ва “Зенит” билан гуруҳдан зўрға чиқди. Мавсум давомида Руди Гарсия бош мураббий этиб тайинланганидан кейингина “тўқувчилар” ўзига кела бошлади.
“Лион” феврал ойида плей-оффни ўз уйида “Ювентус” устидан қозонилган ғалаба билан бошлаган. Жавоб ўйини коронавирус пандемияси туфайли фақат август ойида бўлиб ўтди: французлар 1:2 ҳисобида мағлуб бўлди ва меҳмондаги гол қоидаси эвазига кейинг босқичга чиқди. Ўша йили чорак финал битта ўйиндан иборат эди: "Лион" "Манчестер Сити"ни 3:1 ҳисобида мағлуб этиб, навбатдаги сенсацияни яратди. Ярим финалда Гарсия шогирдларини фақатгина “Бавария” тўхтата олди: немислар йирик ҳисобда ғалаба қозонишди – 3:0.
"Аякс", 2018/2019 йилги мавсум
Бундан бир йил аввал “Аякс” Чемпионлар лигасида шу қадар баланд овозда шовшув кўтардики, у ҳалигача унутилмаган. Нидерландия футболи гигантлари мунтазам равишда Чемпионлар Лигасида ўйнайди, аммо 2019 йилда ҳеч ким Амстердам жамоасининг ярим финалга чиқишини кутмаганди.
Ҳозирда "Манчестер Юнайтед"да қийналаётган Эрик тен Хаг "Бавария", "Бенфика" ва АEК билан гуруҳда иккинчи ўринни эгаллади. 1/8 финалда "Аякс" олдинги учта Чемпионлар лигасида ғолиб чиққан "Реал Мадрид" билан тўқнаш келди. Дастлабки ўйинда ўз майдонида 1:2 ҳисобида имкониятни бой берган “Аякс” жавоб учрашувида “Реал”ни мағлуб этди – 4:1.
Чорак финалда Тен Хаг жамоаси Роналду эндигина кўчиб ўтган "Ювентус" билан ўйнади. Криштиану ҳар икки учрашувда гол урди, аммо бу туринликларга ёрдам бермади. Нидерландияда ўйин 1:1 ҳисобида дуранг билан якунланган бўлса, Италияда "Аякс" 2:1 ҳисобида ғалаба қозонган.
Боз устига, нидерландлар ярим финалда “Тоттенхэм”дан ўтиб кетишга яқин турганди. Англияда 1:0 ҳисобида ғалаба қозонган бўлса, ўз уйида биринчи бўлимдан кейин олдинда боришди - 2:0. Аммо, афтидан, улар жуда эрта хурсанд бўлишди. Якунда "шпорлар" мўъжиза кўрсатди: Лукас Моуранинг хет-трики уларга ғалаба келтирди - 3:2.
АПОЭЛ, 2011/2012 йилги мавсум
21 асрдаги Чемпионлар Лигасидаги энг катта сенсация. Кипр жамоаларига доим паст назар билан қарашган, АПОЭЛ эса “Зенит”, “Порту” ва “Шахтёр” билан квартетда аутсайдердек кўринарди. Сербиялик мураббий Иван Ёванович жамоаси эса гуруҳда ғалаба қозонди! Олти турда улар сўнгги ўйинда фақат битта мағлубият аламини тотиб кўришди.
АПОЭЛ мўъжизалари плей-оффда ҳам давом этди. 1/8 финалда кипрликлар “Лион” билан тўқнаш келишди. Меҳмонда 0:1 ҳисобида мағлуб бўлган бўлса, ўз уйида шу ҳисобда ғалаба қозонишди. Ҳаммасини пеналтилар серияси ҳал қилди, бунда Ёванович жамоаси аниқроқ эди. Ва фақат чорак финалда ҳеч кимдан қўрқмаган бу “телбалар”ни буюк “Реал Мадрид” тўхтатди. Бу ерда имконият йўқ эди - уйда 0:3 ва меҳмонда 2:5 ҳисобидаги мағлубиятлар.
ПСВ, 2004/2005 мавсум
2004/2005 йилги мавсумда Европани Гус Хиддинкнинг ПСВ жамоасини ҳайратга солганди. Ўшанда Нидерландия чемпиони бўлмаган жамоа Чемпионлар лигасининг ярим финалига қадар етиб борганди. Гуруҳ босқичида Эйндховен жамоаси "Арсенал", "Панатинаикос" ва "Русенборг" билан квартетда иккинчи ўринни эгаллади. 1/8 финалда қуръа уларни “Монако” билан бирлаштирди. ПСВ иккала ўйинда ҳам ғалаба қозонди - ўз майдонида 1:0 ва сафарда 2:0.
Чорак финалда Хиддинк шогирдлари Франция чемпионатининг яна бир клуби “Лион”ни қабул қилди. "Тўқувчилар" га қарши кураш қийинроқ бўлди. Ҳар икки ўйин ҳам 1:1 ҳисобидаги дуранг билан якунланган бўлса-да, пеналтилар сериясидаги ғалаба эвазига ПСВ янада олдинга чиқиб олди. Ярим финалда нидерландлар “Милан”га қарши майдонга тушди. "Сан-Сиро"да мағлубият кузатилди - 0:2. Эйндховенда эса улар "Ливерпуль" кейинчалик финалда уддалаган мўъжизани деярли яратдилар. Хиддинк шогирдлари иккита гол урди, аммо барибир ғалаба қозона олмади. Қўшиб берилган вақтда миланликлар ҳал қилувчи зарбани беришди. ПСВ жавоб қайтарди, аммо бу етарли эмас эди: италияликлар меҳмондаги гол қоидаси эвазига ғалаба қозонишди. Бундай ўйиндан сўнг, ПСВнинг 2006/2007 йилги мавсумда Чемпионлар лигасининг чорак финалига чиқиши энди ажабланарли эмас эди.
"Порту", 2003/2004 йилги мавсум
20 йил муқаддам биз Моуриньонинг карьераси кўтарилганига гувоҳ бўлдик. Ўшанда Жозе ҳали машҳур эмас эди, лекин у 2002/2003 йилги мавсумда "Порту" билан УEФА кубогини ютиб, Европани ҳайратда қолдирган эди. Ваҳоланки, португалиялик Чемпионлар лигасини нишонга олади, деб ҳеч ким ўйламаган эди.
Гуруҳ босқичида "Порту" "Реал", "Марсель" ва "Партизан" билан квартетда иккинчи ўринни эгаллади. 1/8 финалда “аждарлар” “Манчестер Юнайтед” билан тўқнаш келишди. “Порту”да мезбонлар 2:1 ҳисобида ғалаба қозонган бўлса, “Олд Траффорд”да кечган баҳс 1:1 ҳисобидаги дуранг билан якунланди. Чорак финалда Моуриньо шогирдлари “Лион” билан ўйнади. Португалияликлар ўз майдонида французларни мағлуб этишди – 2:0, жавоб учрашувида эса 2:2 ҳисобида дуранг қайд этилди.
Ярим финалда “Порту”нинг рақиби “Депортиво” бўлди. Қарама-қаршилик натижасини Испаниядаги иккинчи учрашувда киритилган ягона гол ҳал қилди. 60-дақиқада Дерлей пеналтини голга айлантирди. Финалда эса Моурино шогирдлари Дидье Дешам бошқарувидаги “Монако”га ҳеч қандай имконият қолдирмади – 3:0. Шу тариқа Моуриньо топ-мураббийга айланди.
"Галатасарой", 2000/2001 йилги мавсум
2001 йилда “Галатасарой” Туркия чемпионатида иккинчи ўринни эгаллаган бўлса-да, Чемпионлар лигасининг чорак финалига қадар етиб борди. Гуруҳда “Штурм”, “Рейнжерс” ва “Монако” билан квартетда иккинчи ўринни эгаллади. Кейинги босқичда улар "Депортиво", "Милан" ва "ПСЖ" билан тўртликда иккинчи ўринни эгаллади. Чорак финалдаги қуръа натижасига кўра "Галатасарой" "Реал"га қарши майдонга тушди.
Истанбулдаги биринчи ўйин натижаси барчани ҳайратда қолдирди. Турклар 3:2 ҳисобида ғалаба қозонишди. Лекин Мадридда “Реал” “Галатасарой”ни ўз ўрнига қўйди. Раулнинг дубли ва Иван Хелгуеранинг голи “Лос Бланкос”га йирик ҳисобдаги ғалабани келтирди – 3:0.
Киритилган сана: 14.02.2024 12:14.
Ўқилди: 4563 марта.
Билдирилган фикрлар: 0 та.
Турнир жадвали
№ | Жамоа | Ў | О |
---|---|---|---|
1 | Андижон | 6 | 11 |
2 | Насаф | 5 | 11 |
3 | Сўғдиёна | 6 | 11 |
4 | Нефтчи | 5 | 10 |
5 | Навбаҳор | 5 | 9 |
6 | ОКМК | 6 | 8 |
7 | Қизилқум | 6 | 8 |
8 | Локомотив | 6 | 8 |
9 | Пахтакор | 5 | 7 |
10 | Сурхон | 6 | 7 |
11 | Олимпик | 4 | 4 |
12 | Динамо | 5 | 4 |
13 | Металлург | 5 | 2 |
14 | Бунёдкор | 6 | 2 |
Ўтган ўйинлар
6-тур | Андижон | 0-1 | Сўғдиёна |
6-тур | Навбаҳор | 4-0 | Локомотив |
6-тур | Бунёдкор | 0-2 | Сурхон |
6-тур | Қизилқум | 1-1 | Нефтчи |
6-тур | Пахтакор | 4-3 | Металлург |
6-тур | ОКМК | 3-4 | Насаф |
Навбатдаги ўйинлар
4-тур | Навбаҳор | - | Сурхон |
4-тур | Олимпик | - | Нефтчи |