-
-
Ла-лига 06.05.2024 00:00 Райо Вальекано 0 - 1 Альмерия Ла-лига 06.05.2024 00:00 Севилья 3 - 0 Гранада Суперлига 06.05.2024 18:00 Қизилқум 1 - 1 Нефтчи «A» Серия 06.05.2024 21:00 Салернитана 1 - 2 Аталанта «A» Серия 06.05.2024 23:45 Удинезе 1 - 1 Наполи АПЛ 07.05.2024 00:00 Кристал Пэлас 4 - 0 Ман. Юнайтед Лига—1 07.05.2024 00:00 Лилль 3 - 4 Лион ЕЧЛ 08.05.2024 00:00 ПСЖ - Боруссия Д ЕЧЛ 09.05.2024 00:00 Реал Мадрид - Бавария -
Хорижга трансфер яхши, фақат...
Баҳо: 0Бўлим: ЎЗБЕК ФУТБОЛИ » Легионерларимиз » Фикрлар
Рукн: Янгиликлар
Биласиз, Осиё кубоги арафасида ва турнирдан кейин бир қатор футболчиларимиз хориж клублари билан шартнома тузишди.
Халқаро трансферлар яхши, албатта. Бироқ бу сафар жараёнда бошқа бир муҳим омил катта роль ўйнади, менимча. Яъни миллий жамоамизнинг баъзи футболчилари Осиё чемпионатига клублардан айро ҳолда боришди. Оддий айтганда, легионерга айланган вакилларимизда клублари билан шартнома муддати якунланган эди. Айни шу омил ҳам хориж жамоаларини роса «қиздирган» бўлса, ажабмас. Ҳар ҳолда, клубларимиз аксарият футболчилар учун чет элликлардан сариқ чақа ҳам олмади. Фақат Ҳожимат Эркинов бундан мустасно. Шунда ҳам унинг трансфери ортидан Россия клуби пул олди.
Демак, Ўзбекистон клублари трансфер йўналишида ҳали изланиши, футболчилар билан тегишли тартибда манфаатли тарзда шартнома тузишни ўрганиши лозим. Қишда амалга ошган экспорт-трансферлар ҳақида гап кетса, фақат икки жиҳатдан қувониш мумкин. Биринчиси, етакчи футболчиларимиз ўз мамлакатида кучли саналган обрўли клуб-лар (масалан, «Персеполис», «Истиқ-лол»)га кетишди. Демак, улар ўзларини қониқтирадиган юқо-ри маошга эга бўлишади. Иккинчи жиҳат (янада муҳимроғи), легионерларимиз ўша Эрон, Туркия ва БАА чемпионатларида ҳақиқий рақобат дошқозони ичига тушишди ва ҳозирча зарур амалиёт олишмоқда. Буниси энди миллий жамоамиз фойдасига хизмат қилишига ишонч катта. Дейлик, Азиз Турғунбоев бу йил ҳам «Пахтакор»да қолганида, катта эҳтимолки, ўсиш учун мотивация тополмасди. Туркия Суперлигасида эса хоҳласа-хоҳламаса, янги даражага интилиши турган гап.
Умуман олганда, миллий чемпионатимизнинг футболи ривожланган мамлакатлар лигаларига легионер экспорт қилиши ҳар томонлама ижобий ҳолатдир. Зеро, кетганлар малакалироқ мураббийлар қўл остида, кучли рақобат шароитида ўз маҳоратларини оширадилар. Миллий жамоамиз устози Сречко Катанец ўз клублари захирасида ўтирган легионерларни ҳам ҳеч чўчимай майдонга туширавериши боиси ҳам шу. Хулоса айтганда, ўзбек легиони миллий футболимизнинг хориждаги юзи ҳисобланади. Иккинчи томондан, терма жамоамиз қанча яхши ўйнаса, легионерларимиз шунча кўпаяди. Легионерларимиз кўпайгани сари эса миллий жамоамиз ўйинларида янги чизгилар кўзга ташланаверади. Хуллас, ҳаммаси яхши. Фақат шуниси ҳам борки, бундай трансферлардан клубларимиз оз-моз пул ишлашни ўрганиши ҳам муҳим. Буниси энди жамоаларнинг молиявий қувват олиши учун зарур. Молиявий қувват эса ўз-ўзидан Суперлига ривожига хизмат қилади.
Собиржон МУСАБОЕВ, Чортоқ шаҳриМанба: «Интерфутбол» газетаси.Киритилган сана: 27.03.2024 20:07.
Ўқилди: 932 марта.
Билдирилган фикрлар: 0 та.
Турнир жадвали
№ | Жамоа | Ў | О |
---|---|---|---|
1 | Андижон | 6 | 11 |
2 | Сўғдиёна | 6 | 11 |
3 | Нефтчи | 5 | 10 |
4 | Навбаҳор | 5 | 9 |
5 | Насаф | 4 | 8 |
6 | ОКМК | 5 | 8 |
7 | Қизилқум | 6 | 8 |
8 | Локомотив | 6 | 8 |
9 | Сурхон | 6 | 7 |
10 | Пахтакор | 4 | 4 |
11 | Олимпик | 4 | 4 |
12 | Динамо | 5 | 4 |
13 | Металлург | 4 | 2 |
14 | Бунёдкор | 6 | 2 |
Ўтган ўйинлар
6-тур | Андижон | 0-1 | Сўғдиёна |
6-тур | Навбаҳор | 4-0 | Локомотив |
6-тур | Бунёдкор | 0-2 | Сурхон |
6-тур | Қизилқум | 1-1 | Нефтчи |
Навбатдаги ўйинлар
4-тур | Навбаҳор | - | Сурхон |
4-тур | Олимпик | - | Нефтчи |