-
-
-
АПЛ 22.04.2025 00:00 Тоттенхэм 1 - 2 Ноттингем Форест Ла-лига 22.04.2025 00:00 Жирона 1 - 3 Бетис Ўзбекистон кубоги 22.04.2025 16:00 Замин 0 - 3 Қизилқум Ўзбекистон кубоги 22.04.2025 16:30 Сирдарё ФА 0 - 1 Олимпик MobiUz Ўзбекистон кубоги 22.04.2025 16:30 Андижон ФА 0 - 7 Қўқон-1912 Ўзбекистон кубоги 22.04.2025 18:00 Хоразм 3 - 1 Жайхун Ла-лига 22.04.2025 22:00 Валенсия 1 - 1 Эспаньол АПЛ 23.04.2025 00:00 Манчестер Сити 2 - 1 Астон Вилла Ла-лига 23.04.2025 00:30 Барселона - Мальорка «A» Серия 23.04.2025 21:30 Кальяри - Фиорентина «A» Серия 23.04.2025 21:30 Парма - Ювентус «A» Серия 23.04.2025 21:30 Женоа - Лацио «A» Серия 23.04.2025 21:30 Торино - Удинезе Ла-лига 23.04.2025 22:00 Сельта - Вильярреал Ла-лига 23.04.2025 22:00 Атлетик Бильбао - Лас-Пальмас АПЛ 24.04.2025 00:00 Арсенал - Кристал Пэлас Ла-лига 24.04.2025 00:30 Алавес - Реал Сосьедад Ла-лига 24.04.2025 00:30 Хетафе - Реал Мадрид Ла-лига 24.04.2025 22:00 Леганес - Жирона Ла-лига 24.04.2025 22:00 Осасуна - Севилья -
Александр Хомяков: "Ҳакам пенальти бор деб топган бўлса, демак, буни муҳокама қила олмаймиз"
Баҳо: 0Бўлим: ЎЗБЕК ФУТБОЛИ » Ўзбекистон кубоги » Превьюлар
Рукн: Янгиликлар
Ўзбекистон Кубогининг 2-тури доирасида бўлиб ўтган “Навбаҳор” – “Андижон” (2:1) ўртасидаги учрашувдан кейин ташкил қилинган матбуот анжуманида дастлаб "Андижон" жамоаси бош мураббийи Александр Хомяков саволларга жавоб қайтарди.
- Менинг қарашларим бўйича айтадиган бўлсам, ёмон ўйин бўлмади. Ёмон ўйнадик, вазиятлар ярата олмадик, дея олмайман. Мухлислар ҳам ўйинга қўшимча куч бағишлаб туришди. Умумий маънода айтганда, рақиб бизни ютди. Уларда класс юқори даражада бўлди. Учрашув учун режамиз бор эди, афсуски амалга ошмади. Майдон марказида ўйинни бошқара олмадик. Қанотлардаги футболчиларимизнинг ўйинлари ҳам у қадар яхши чиқди, дея олмайман. Айтишим мумкинки, биз ғалаба учун ҳаракат қила олмадик. Биринчи таймда бурчак зарбасидан кейин хавфли вазият яратганимизни ҳисобга олмаганда қолган дақиқаларда яхши вазиятлар яратишга қийналдик. Рақиб маҳорат эвазига учрашувни назоарт қилди. Биз ҳам гол урдик. Аммо бу қўшимча куч бағишлай олмади. Чунки ўша пайтда майдонда бир футболчи кам бўлиб қолгандик. Ҳисобни тенглаштиришни роса хоҳладик. Лекин ҳаракатларимиз бефойда бўлди. Жамоамиздан бошқача ўйин кутгандим. Шундай бўлса ҳам йигитларимизга раҳмат айтаман. ўйинни ташлаб юборишмади. Шу билан бирга ўз ишқибозларимизга ҳам чуқур миннатдорчилигимни билдириб ўтаман.
-Пенальти бормиди?
- Ҳозир бу ҳақида бирор фикр билдиришим қийин. Аввало, ўша вазиятни тўлиқ кўриб чиқишим керак. Менимча, ҳолат чизиқ устида бўлганди. Жўяли фикр билдиришим қийинроқ. Пенальти бўлганмиди ёки бўлмаганмиди, мен турган жойдан аниқ кўринмасди. Ҳакам пенальти бор деб топган бўлса, демак, буни муҳокама қила олмаймиз.
- "Андижон" чемпионатдаги каби нимагадир кучли ўйнамади. Гўёки, жамоангиз учун Кубок керак эмасдек ёндашди. Бу ҳолатни қандай изоҳлайсиз? Аслида “Андижон”ни Кубок мусобақасида мақсади борми? Ҳакамларнинг қарорларига эмоцияларингиз кўринди. Ҳакам ҳақида нима дейсиз?
- Ҳакамларга ўта жиддий эътирозим йўқ. Айтдимку, мен ўтирган жойдан аниқ кўринмади. Аммо бир вазиятни кўриб чиқиши керак эди. Бектемир Абдуманноновни йиқитишганди. Фол бор эди. Афсуски, учрашув режамиз бўйича кетмади. Кубок ўйинларидаги мақсадга тўхталсам, бу мусобақада мақсадимиз бор. Бунга Андижондан минглаб келган мухлисларни мисол келтиришим мумкин. Биз чемпионатда ҳам, Кубок ўйинларида ҳам юқори марраларни кўзлаганмиз. Ҳамма ўйинга бир хил ёндашамиз. Андижондан келган жонкуяр ишқибозларимизни кўриб ютишимиз кераклигини ҳис қиламиз. Асосийси, мухлислар ишончини қозониш. “Андижон”ни Кубокда мақсади йўқ, деган фикрга қўшилмайман. Биз ҳаракат қилдик ва ҳаракат қиляпмиз ҳам. Бугунги баҳсда ўйлаганларимиз амалга ошмади. Қанотлардан фаолликни кутгандик. Бу ҳам амалга ошмади.
- “Андижон”да имконият сақланиб турибди. Бунинг учун “Насаф”ни ютиши ва “Навбаҳор”нинг натижасини кутиши керак бўлади…
-Нима ҳам дердик, ўйнаймиз ва рақибларимизнинг натижаларини кутамиз. ўз майдонимизда ўйнаймиз. Яхши натижа кўрсатишга ҳаракат қиламиз. Биз ўйин танламаймиз. Чемпионатми, Кубок бўладими, фақат олдинга интиламиз. Ҳар бир учрашув биз учун жуда муҳим. Доим охирги ўйиндек ҳис қиламиз. Баъзида ўхшайди, баъзида ўхшамайди. Бу футбол. Ўйлайманки, чемпионат баҳсларида медаллар учун кураша оламиз. Мухлисларимизни хурсанд қилиш режамизда доим бор. Биз бундай фанатлар қаршисида ҳужумкор футбол кўрсатишимиз керак. “Динамо” билан ўйинларда ҳам ҳужумлар қилдик, аммо қарши ҳужумларда голлар ўтказдик. Афсуски, охирги пайтларда иккитадан тўп ўтказиб юборяпмиз. Бу биз учун огоҳлик қўнгʻирогʻини беряпти. Ҳужумкор ўйин кўрсатиш билан бирга рақибни ҳужумларига ҳам етарли даражада қаршилик кўрсатишимиз борасида яхшилаб иш олиб боришимиз лозим.
- Суперлигадаги танаффус сизларга таъсир қилмади, шундайми?
- Йўқ, ҳеч қандай таъсири бўлмади.
- Ўзбекистон Кубоги мусобақасида ким фаворит?
- Бу саволга жавоб беришим қийин. Кутилмаган натижалар бўляпти. Бирор нарса дея олмайман" - деди Хомяков.
Киритилган сана: 21.04.2024 23:06.
Ўқилди: 1377 марта.
Билдирилган фикрлар: 5 та.
Турнир жадвали
| № | Жамоа | Ў | О |
|---|---|---|---|
| 1 | ОКМК | 6 | 16 |
| 2 | Насаф | 6 | 14 |
| 3 | Бунёдкор | 6 | 12 |
| 4 | Динамо | 6 | 12 |
| 5 | Андижон | 6 | 9 |
| 6 | Нефтчи | 6 | 9 |
| 7 | Навбаҳор | 6 | 8 |
| 8 | Хоразм | 5 | 7 |
| 9 | Қизилқум | 5 | 7 |
| 10 | Пахтакор | 6 | 6 |
| 11 | Бухоро | 6 | 6 |
| 12 | Қўқон-1912 | 6 | 6 |
| 13 | Сурхон | 6 | 6 |
| 14 | Машъал | 6 | 6 |
| 15 | Сўғдиёна | 6 | 4 |
| 16 | Шўртан | 6 | 1 |
Ўтган ўйинлар
| 6-тур | Хоразм | 0-0 | Бунёдкор |
| 6-тур | Қизилқум | 1-0 | Қўқон-1912 |
| 6-тур | Шўртан | 0-1 | Машъал |
| 6-тур | Бухоро | 1-3 | Насаф |
| 6-тур | Нефтчи | 0-4 | Пахтакор |
| 6-тур | Андижон | 1-2 | Динамо |
| 6-тур | ОКМК | 3-2 | Сўғдиёна |
| 6-тур | Сурхон | 1-0 | Навбаҳор |
Навбатдаги ўйинлар
| 4-тур | Қизилқум | - | Хоразм |
|
|
|