Globe Soccer Awards маросимида энг яхшилар тақдирланди.
“ПСЖ” ҳужумчиси Килиан Мбаппе Европанинг энг яхши футболчиси деб топилди.
Килиандан ташқари ушбу соврин учун Жуда Беллингем (“Реал”), Филип Фоден (“Манчестер Сити”), Антуан Гризманн (“Атлетико”), Серу Гирасси (“Штутгарт”), Эрлинг Ҳоланд (“Манчестер Сити”), Ҳарри Кейн (“Бавария”), Лаутаро Мартинес (“Интер”), Родри (“Манчестер Сити”), Муҳаммад Салоҳ (“Ливерпуль”), Бернарду Сильва (“Манчестер Сити”) ва Винисиус Жуниор (“Реал”) кураш олиб борганди.
Мбаппе жорий мавсум “ПСЖ” сафида барча мусобақаларда 48 та ўйин ўтказиб, 44 та гол ва 10 та голли узатмага муаллифлик қилди.
“Манчестер Сити” эса 2023/24 йилги мавсумда Европанинг энг яхши клуби совринини қўлга киритди.
“Шаҳарликлар” “Байер”, “ПСЖ”, “Интер”, “Аталанта”, “Спортинг”, “Барселона”, “Реал”, “Арсенал” ва “Жирона” каби клубларни ортда қолдирди.
Пеп Гвардиола шогирдлари жорий мавсум Англия чемпионлигини қўлга киритди ва Англия Кубоги финалига қадар етиб борди.
“Барселона” футболчиси Ламин Ямал мавсумнинг энг яхши ёш футболчиси деб топилди.
Шунингдек, соврин учун Ямалдан ташқари Жуд Беллингем, Эдуардо Камавинга (иккаласи ҳам “Реал”), Коул Палмер (“Челси”), Жамал Мусиала (“Бавария”), Рико Льюис (“Манчестер Сити”), Уоррен Заир-Эмери (“ПСЖ”), Жоау Невеш (“Бенфика”), Кобби Майну (“Манчестер Юнайтед”) ва Пау Кубарси (“Барселона”) каби футболчилар номзоди қўйилган эди.
