• 
• • Асосий
  • Евро-2016
  • Башорат
  • Викторина
  • Блог
  • Live!
  • Конференция
  • ТВ-Программа
  • Реклама

• Ла-лига	04.01.2025 01:00		Валенсия	1	-	2	Реал Мадрид
  АПЛ	04.01.2025 17:30		Тоттенхэм		-		Ньюкасл
  «A» Серия	04.01.2025 19:00		Венеция		-		Эмполи
  АПЛ	04.01.2025 20:00		Манчестер Сити		-		Вест Хэм
  АПЛ	04.01.2025 20:00		Саутгемптон		-		Брентфорд
  АПЛ	04.01.2025 20:00		Кристал Пэлас		-		Челси
  АПЛ	04.01.2025 20:00		Астон Вилла		-		Лестер
  АПЛ	04.01.2025 20:00		Борнмут		-		Эвертон
  «A» Серия	04.01.2025 22:00		Фиорентина		-		Наполи
  АПЛ	04.01.2025 22:30		Брайтон		-		Арсенал
  «A» Серия	05.01.2025 00:45		Верона		-		Удинезе
  «A» Серия	05.01.2025 16:30		Монца		-		Кальяри
  «A» Серия	05.01.2025 19:00		Лечче		-		Женоа
  АПЛ	05.01.2025 19:00		Фулхэм		-		Ипсвич
  АПЛ	05.01.2025 21:30		Ливерпуль		-		Ман. Юнайтед
  «A» Серия	05.01.2025 22:00		Торино		-		Парма

• «Навбаҳор» «Хўжанд» билан жанговар дурангга имзо чекди

  Баҳо:

  0

  Бўлим: ЎЗБЕК ФУТБОЛИ » ПФЛ клублари » Навбаҳор

  Рукн: Шарҳлар ва Анонслар

  Хабарингиз бор, айни пайтда ФИФА кунлари муносабати билан Ўзбекистон Суперлигасида танаффус юзага келган. Бундан унумли фойдаланиш, футболчиларнинг жисмоний формаларини маромида сақлаб туриш мақсадида, “Навбаҳор” кеча Тожикистон олий лигасининг мунтазам иштирокчиси, мазкур мамлакатнинг совриндор жамоаларидан бири, жумладан, 9 карра кумуш, 6 карра бронза медаллари, 5 карра Тожикистон кубоги соҳиби “Хўжанд”га қарши халқаро ўртоқлик учрашуви ўтказди.
  
  Таъкидлаш жоизки, мазкур баҳсда мезбонлар устози Самвел Бабаян майдонга асосан кам ўйин амалиётига эга бўлган ва ёш футболчиларни тушириб, уларнинг жисмоний ҳолатларини синовдан ўтказди.         
  
  Беллашув борасида тўхталадиган бўлсак, ташаббус кўпроқ вакилларимиз тарафида бўлсада, меҳмонлар ҳам жамоамизга муносиб қаршилик кўрсатишга интилишди.
  
  Биринчи бўлимдаги вазиятларга тўхталадиган бўлсак, Самвел Бабаян шогирдларининг ҳужумларидан бирида грузиялик тажрибали ҳужумчи Тома Табатадзенинг зарбасидан сўнг, тўп дарвоза тўсинига тегиб қайтди.
  
  Учрашувнинг 30-дақиқасида тожикистонликлар ўз жарима майдончаси ичида Асадбек Собиржоновга нисбатан қўполлик ишлатишди. Натижада учрашув бош ҳаками Исроилжон Имомназаров хўжандликлар дарвозасига 11 метрли жарима зарбаси белгилади. Пенальтини Тома Табатадзе аниқ амалга ошириб, ҳисобни очди – 1:0.
  
  Биринчи бўлимга тўхталишлар учун қўшиб берилган дақиқада меҳмонларнинг ўзбекистонлик ярим ҳимоячиси Жасур Қурбонов гол уриб, жамоаларнинг танафусга 1:1 ҳисобидаги дуранг билан чиқиб кетишини таъминлади.
  
  Учрашувнинг 2-бўлими ҳам кескин курашлар остида кечди. Ўйин якунланишига саноқли дақиқалар қолганида, тожикистонликларнинг навбатдаги ҳужумларидан бирида “Хўжанд”нинг тажрибали ҳужумчиси Дилшод Бозоров жарима майдончаси ичидан кучли ва аниқ зарба йўлалган ҳолда, меҳмонларни ҳисобда олдинга олиб чиқди – 1:2.
  
  Албатта, учрашувнинг бундай тус олиши “лочинлар”ни қониқтирмасди. Шу боис, Самвел Бабаян шогирдлари ҳужумни кучайтиришди. Мезбонларнинг навбатдаги ҳужумларидан бирида жамоамизнинг грузиялик ҳужумчиси Гиорги Никабадзенинг зарбасидан сўнг, тўпни жарима майдончаси ичидаги рақиб ҳимоячиси қўли билан қайтарди.
  
  Натижада бош ҳакам Исроилжон Имомназаров “Хўжанд” дарвозасига иккинчи марта 11 метрли жарима зарбаси белгилади. Пенальтини бу сафар жамоамиз сардори Азимжон Аҳмедов аниқ ва кучли тарзда амалга ошириб, якуний ҳисобнинг жанговар дуранг – 2:2 кўриниш олишини таъминлади.
  
  Халқаро ўртоқлик учрашуви
  “Навбаҳор” – “Хўжанд” – 2:2 (1:1)
  9 июнь. Наманган. “Марказий” стадиони. 321 томошабин.
  Ҳакамлар: Исроилжон Имомназаров, Исломжон Носиров, Азизбек Зокиров, Оллоёр Исомиддинов
  Назоратчи: Файзулло Ҳасанов.
  Голлар: Тома Табатадзе (30-пен.), Азимжон Аҳмедов (90+3-пен.) – Жасур Қурбонов (45+1), Дилшод Бозоров (87).
  
  "Навбаҳор” ПФК матбуот хизмати.

  Манба: www.pfcnavbahor.uz.

  Киритилган сана: 10.06.2024 05:07.
  Ўқилди: 1371 марта.
  Билдирилган фикрлар: 0 та.

  

Турнир жадвали