Хитойдаги халқаро турнирда иштирок этаётган Ўзбекистон ёшлар (U19) терма жамоаси бугун мусобақанинг 3-тури доирасида Вьетнамга қарши ўйинда майдонга тушди.
Фарҳод Нишонов шогирдларида "Huashan Cup International Tournament" мусобақаси ғолиблиги учун имкониятни сақлаб қолиш учун бугун ғалаба қозониш талаб этилар эди.
ўйин давомида голга тортадиган вазиятларни етарлича юзага келтиришди, аммо рақиб дарвозасини ишғол қилиш вакилларимизга насиб этмади. Биринчи бўлимга қўшиб берилган 2-дақиқада вакилларимиз Саидумархон Саиднуруллаевнинг голи эвазига ҳисобни очишди.
Ўйин тугашига 15 дақиқа қолганида эса рақб кам сонли ҳужумларидан бирини гол билан якунлади. Иккинчи бўлимга 4 дақиқа қўшиб берилди. Унинг учинчиси ўтиб бораётган пайтда Муроджон Комилов бош билан ғалаба тўпини киритишга муваффақ бўлди.
Ушбу ғалаба туфайли Ўзбекистон ёшлар терма жамоаси мусобақада 5 очко жамғарди. Айни пайтда Жанубий Корея ва Хитой ёшлари ўзаро ҳал қилувчи баҳсни ўтказмоқда. Уларнинг ҳисобида 4 тадан очко бор. Мазкур ўйинда 0:0 ҳисобидаги дуранг қайд этилса, жамоамиз халқаро турнир ғолибига айланади.
"Huashan Cup International Tournament" Ўзбекистон - Вьетнам - 2:1 Голлар: Саидумархон Саиднуруллаев 45+2ʼ, Муроджон Комилов 90+3ʼ — (75')
