Европа Чемпионатининг ярим финалида Англия ва Нидерландия терма жамоалари 10 июль, чоршанба куни ўзаро баҳс олиб борди.
Учрашувнинг 7-дақиқасида Хави Симонс ажойиб зарба билан ҳисобни очди. 18-дақиқада эса инглизлар пенальти ишлаб олиб, Ҳарри Кейн ундан унумли фойдаланди. Биринчи бўлим 1:1 ҳисоби билан якунланди.
Иккинчи бўлимда ҳам томошабинлар бир қанча хавфли ҳужумларни гувоҳи бўлди. 79-дақиқада Сака гол урди, бироқ ҳакам ўйиндан ташқари ҳолат туфайли голни бекор қилди. 90+1-дақиқада Уоткинс инглизларни ҳисобда олдинга олиб чиқди.
Учрашув 2:1 ҳисобида Англиянинг ғалабаси билан якунланди.
Шу тариқа Саутгейт шогирдлари финалда Испанияга қарши баҳс олиб борадиган бўлди. Евро—2024 нинг ҳал қилувчи ўйини 14 июль санасида бўлиб ўтади.
Евро—2024, Ярим финал
10 июль, чоршанба
Нидерландия – Англия 1:2
Голлар: 1:0 – 7 Симонс, 1:1 – 18 Кейн (пенальти), 1:2 — 90+1 Уоткинс.
Нидерландия: Вербрюгген, Думфрис, де Врей, ван Дейк, Аке, Схаутен, Рейндерс, Симонс, Мален (Вегорст, 46), Гакпо, Депай (Верман, 35).
Англия: Пикфорд, Уокер, Стоунз, Геҳи, Конса, Триппьер (Шоу, 46), Райс, Фоден (Палмер, 80), Беллингем, Майну, Сака, Кейн (Уоткинс, 81).
Огоҳлантиришлар: Думфрис (17), Беллингем (72), Сака (86), ван Дейк (87), Симонс (90+1).
