-
-
-
АПЛ 22.04.2025 00:00 Тоттенхэм 1 - 2 Ноттингем Форест Ла-лига 22.04.2025 00:00 Жирона 1 - 3 Бетис Ўзбекистон кубоги 22.04.2025 16:00 Замин 0 - 3 Қизилқум Ўзбекистон кубоги 22.04.2025 16:30 Сирдарё ФА 0 - 1 Олимпик MobiUz Ўзбекистон кубоги 22.04.2025 16:30 Андижон ФА 0 - 7 Қўқон-1912 Ўзбекистон кубоги 22.04.2025 18:00 Хоразм 3 - 1 Жайхун Ла-лига 22.04.2025 22:00 Валенсия 1 - 1 Эспаньол АПЛ 23.04.2025 00:00 Манчестер Сити 2 - 1 Астон Вилла Ла-лига 23.04.2025 00:30 Барселона - Мальорка «A» Серия 23.04.2025 21:30 Кальяри - Фиорентина «A» Серия 23.04.2025 21:30 Парма - Ювентус «A» Серия 23.04.2025 21:30 Женоа - Лацио «A» Серия 23.04.2025 21:30 Торино - Удинезе Ла-лига 23.04.2025 22:00 Сельта - Вильярреал Ла-лига 23.04.2025 22:00 Атлетик Бильбао - Лас-Пальмас АПЛ 24.04.2025 00:00 Арсенал - Кристал Пэлас Ла-лига 24.04.2025 00:30 Алавес - Реал Сосьедад Ла-лига 24.04.2025 00:30 Хетафе - Реал Мадрид Ла-лига 24.04.2025 22:00 Леганес - Жирона Ла-лига 24.04.2025 22:00 Осасуна - Севилья -
Сергей Лушан: “Биз ғалаба қозондик, ортиқча ҳеч нарса қўшимча қилмайман”
Баҳо: 0Бўлим: ЎЗБЕК ФУТБОЛИ » Ўзбекистон кубоги » Учрашувлар
Рукн: Интервьюлар
Ўзбекистон кубоги ярим финалидан ўрин олган “Пахтакор” – “Навбаҳор” (0:0,пен.бўй.:3:4) учрашувидан кейинги матбуот анжуманининг биринчи қисмида мезбонлар бош мураббийи Сергей Лушан иштирок этиб, ОАВ ходимларининг саволларига жавоб берди.
“Лочинлар” устози одатдагидек, ўз сўзини ўйин ҳақидаги фикрлари билан бошлади.
— Ҳеч қандай ақлли ва янги гап айтгим келмаяпти, шунчаки жамоамга раҳмат айтаман. Бир киши кам бўлиб қолган ҳолда ҳам ғалаба қозона олдик. Жамоага алоқадор инсонларга ва мухлисларга катта раҳмат. Менимча, “Жар” стадиони бугун тўлди.Бугунги байрамнинг асосий сабабчилари — футболчилар. Деярли барча кўрсатмаларни тўғри бажаришди, фақатгина бир-иккита вазиятда хатоларга йўл қўйган бўлишимиз мумкин. “Пахтакор”га қарши бир киши кам бўлиб ўйнаш жуда қийин. Намойиш этган ўйинимиздан ва натижадан ҳам қониқдим.
— Фарруҳ Сайфиевнинг қизил карточкаси жамоани кўпроқ ҳимояланишга мажбур қилиб қўйди. “Экстра-таймлар”да шогирдларингизни қандай руҳлантирдингиз?
— Футболчиларга қандайдир қўшимча мотивация бериш керак эмасди. Уларни шунчаки тинчлантириш керак эди, холос. Қизил карточкадан олдин футболчилар ҳиссиётларга берилиб кетишганди ва ҳаттоки бир-бирларини эшитишмаётганди. Сайфиевга икки баробарлик бонус берамиз. Бундай баҳсларда ҳиссиётларни жиловлашни билиш керак. “Пахтакор” учрашув давомида учта яхши вазиятга эга бўлди, аммо улардан фойдалана олмади. Пенальтилар серияси эса — лотерея. Биз ғалаба қозондик, ортиқча ҳеч нарса қўшимча қилмайман.
— “Навбаҳор” биринчи бўлимда тўпга кўпроқ эгалик қилди, аммо иккинчи бўлимда ҳамда четлатишдан сўнг, жамоангиз кўпроқ ҳимояга эътибор қаратди. “Пахтакор” ҳам ўзининг яққол вазиятларидан фойдалана олмади. Бугунги учрашувда ва айниқса, “экстра-таймлар”да “Навбаҳор” ўз дарвозаси дахлсизлигини сақлаб қолганига нима сабаб бўлди, деб ўйлайсиз?
— Биз кетма-кет иккинчи учрашувни иккинчи рақамли жамоа бўлиб ўтказмоқдамиз. Ушбу режа ҳозирча иш беряпти. Футболчиларга ҳам ушбу фикрни етказмоқчи бўляпман. “Пахтакор” жуда кўп вазиятларга эга бўлди демаган бўлардим, фақатгина Чераннинг вазияти 100 фоиз голга тортар эди. “Пахтакор” жамоаси ҳали ёш ҳамда келажакда янада кучлироқ бўлишларига шубҳа қилмайман. Ўйингача тайёргарлик жараёнида кўпроқ руҳият устида ишладик. Сир эмас, бизда реализация билан муаммолар бор. Ушбу муаммоларни тезроқ ҳал этишимиз керак. Машғулотларда барчаси аъло, аммо ўйинда кўп нарса ўхшамаётганди. Секин-асталик билан муаммоларимизни ҳал этамиз, деган умиддаман. Сўнгги икки учрашувда ғалаба қозондик ва умид қиламанки, кейинги ўйинларда ҳам шундай бўлади.
— Футбол жамоатчилиги бугунги учрашувни финалдан олдинги финал деб атаётган эди. Ушбу фикрларга муносабатингизни билдириб ўтсангиз?
— Йўқ. Тўғри, бу жуда муҳим учрашув эди, аммо финал барибир бошқача. Жамоалар номи ўйин аҳамиятини бироз кўпайтирган бўлиши мумкин, лекин иккинчи жуфтликдаги “Андижон” ва “Сурхон” жамоалари ҳам жуда кучли ҳисобланади. Барчаси ҳали олдинда. Финал — энг муҳим учрашув. Финал баҳси барча футболчининг ёдида қолади. Умид қиламанки, финал учрашувига қадар “лазарет”имиз бироз бўшайди.
— Пенальтилар сериясида ким зарба беришини қандай аниқладинглар? Серияда ёш футболчи Наврўзбек Иминжонов ўз имкониятидан унумли фойдаланди...
— Биз шунчаки пенальтиларни машқ қилдик. Чорак финал баҳсидан олдин ҳам 11 метрлик зарбалари билан шуғуллангандик. Икки ҳафта давомида ҳар бир машғулотдан сўнг пенальтилар билан банд эдик. Рақиб жамоаси ҳам пенальтиларни машқ қилгани шубҳасиз. Филипп Иванович серияда ўз имкониятидан фойдалана олмади, аммо машғулотларда у умуман хато қилмасди. Бу шунчаки руҳиятга боғлиқ. Нима содир бўлган бўлса, барчасига яхшиликка. Қизил карточка, хатолар ва амалга оширилмаган пенальти барчаси яхшиликка. Биз бугун ғалаба қозондик ва қолгани мени қизиқтирмайди.
— Фарғона водийсининг икки жамоаси финалда иштирок этадиган бўлди. Финал ҳам Фарғонада ўтказилади. Бугун “Навбаҳор” жамоасининг мухлислари ҳужумчи Тома Табатадзени майдонда кутишганди, аммо у захирада қолдирилди. Грузиялик ҳужумчини финал ўйинида майдонда кўришимиз мумкинми?
— Умид қиламанки, ҳа. Финалга қадар Тома тайёр бўлиб қолиши керак. У яқиндагина жамоага қўшилди. Умумий гуруҳга қўшилганига бор-йўғи уч кун бўлди. У ҳали ўйинларга тайёр эмас. Табатадзе каби тажрибали футболчи барча жамоага керак, аммо ўйин темпи бунга йўл қўймади. Агар учрашув бошқачароқ кечганида, уни захирадан майдонга тушириш режамиз бор эди.
“Навбаҳор” ПФК матбуот хизмати.Манба: www.pfcnavbahor.uz.Киритилган сана: 31.08.2024 05:51.
Ўқилди: 1710 марта.
Билдирилган фикрлар: 1 та.
Турнир жадвали
| № | Жамоа | Ў | О |
|---|---|---|---|
| 1 | ОКМК | 6 | 16 |
| 2 | Насаф | 6 | 14 |
| 3 | Бунёдкор | 6 | 12 |
| 4 | Динамо | 6 | 12 |
| 5 | Андижон | 6 | 9 |
| 6 | Нефтчи | 6 | 9 |
| 7 | Навбаҳор | 6 | 8 |
| 8 | Хоразм | 5 | 7 |
| 9 | Қизилқум | 5 | 7 |
| 10 | Пахтакор | 6 | 6 |
| 11 | Бухоро | 6 | 6 |
| 12 | Қўқон-1912 | 6 | 6 |
| 13 | Сурхон | 6 | 6 |
| 14 | Машъал | 6 | 6 |
| 15 | Сўғдиёна | 6 | 4 |
| 16 | Шўртан | 6 | 1 |
Ўтган ўйинлар
| 6-тур | Хоразм | 0-0 | Бунёдкор |
| 6-тур | Қизилқум | 1-0 | Қўқон-1912 |
| 6-тур | Шўртан | 0-1 | Машъал |
| 6-тур | Бухоро | 1-3 | Насаф |
| 6-тур | Нефтчи | 0-4 | Пахтакор |
| 6-тур | Андижон | 1-2 | Динамо |
| 6-тур | ОКМК | 3-2 | Сўғдиёна |
| 6-тур | Сурхон | 1-0 | Навбаҳор |
Навбатдаги ўйинлар
| 4-тур | Қизилқум | - | Хоразм |
|
|
|